ريلي

[سار90]

السلام عليكم

تعبت والله تعبت ..
انا اهتم بعمري ونظيفه وكل مرة استايل والله
واهتم فيه وايد ومغرقتنه فكلام الحب والاهتمام ومسجات واذا يصير فيه شي يلقاني اول وحده

وهو (لايهتم ولايسال ويحب يطنش ويموت على مباريات مدريد وكله يقول بزي رياييل يعني ما اتهنى امي مريضه وانتي شوفيج)
مت من كثر ما اكتم يقولي انتي تعبج اعرفه تبين سوالف وفون وضحك ومشتاقه لي قلت لج بفضى بييج
حتى مرات اقول فخاطري بخونه لانه مب مشبعني حنان وكله وياه هموم يدخلني فمشاكل اهله .. هو يوم يكون وياي مايقول لي لا بس بعيد عني يسوي حركاته اللي نفس ويهه..وبعد يصك الفون فويهي ويصرخ اففف منه الله لايبليكم بنفسه هذا شر والله ولابعد اقوله غار واهتم يقول انا اعرفج زين ترى الابليس موجود
ابي اطلع عيونه ابي يحس ويهتم ويغار

والله ادعي عليه ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Cobon]

اختي استغفري ربج
الشهر الفضيل جريب و انتي تقولين بخونه !


خير يا طير معظم الريايييل مجابلين المباريات
هو مب مجابل ضرة ولا عشيقة !!!!!

استهدي بالله و خففي على الريال و لا تلصقين فيه وايد
جابلي عمرج تدلعي تدللي صالون جم سبا طلعات روحات زيارات اجتماعية مع اهله و اهلج و ربيعاتج
دوام نادي اعمال تطوعية جابلي عيالج
و عندج الناحية الدينية صلاة و صيام و اعمال خيرية و صدقة و قراءة قران

بالنسبة لمشاكل اهله لو هو يشتكي او عنده مشاكل اسمعيه و افتحي قلبج بدون ما تأثر عليج
اتبعي مقولة :لا ارى لا اسمع لا اتكلم طنشي ،، عادي المشاكل في كل مكان مب بس عندج

الحرمة اللي تلصق 24 ساعه في ريلها
هذا ريلها بيشرد منها في يوم من الايام
خير الامور اوسطها اوسطها اوسطها

لو تحسين بفراغ عاطفي خبريه مباشرة بدون مجاملات لان هاي الامور ما يستوي تسكتين عنها بأسلوب لبق
و باحترام و لو بدموع مو مشكلة هاي مشاع و احاسيس

[علمتني الحياه]

مرحباً اختي
بصراحه الله يعينج ويهدي لج ريلج يارب
نصيحتي لج ابتعدي عنه شوي الريال ما يحب حد ويتلصق فيه
يتضايج شغلي وقتج بعيد عنه خلج كم يوم لا تسألي ولى أدلعيه بتشوفيه كيف يسال عنج وبعدين الرياييل من طبعهم ما يعرفون يعبرون عن مشاعرهم
يمكن هو يستانس يوم تهتمي فيه وتتغزلي فيه بس يكابر
وربي يسخره لج ويهديه

[عيوني كيوت]

مرحباً اختي
بصراحه الله يعينج ويهدي لج ريلج يارب
نصيحتي لج ابتعدي عنه شوي الريال ما يحب حد ويتلصق فيه
يتضايج شغلي وقتج بعيد عنه خلج كم يوم لا تسألي ولى أدلعيه بتشوفيه كيف يسال عنج وبعدين الرياييل من طبعهم ما يعرفون يعبرون عن مشاعرهم
يمكن هو يستانس يوم تهتمي فيه وتتغزلي فيه بس يكابر
وربي يسخره لج ويهديه

أنا معاها في كل كلمه قالتها والله ييسر أموركم

[رورو الصغيرة]

استهدي بالله

هل الخيانة الحل استغفري ربك وين الصبر وين الدعاء وين الحكمة والذكاء

هل الحب والاحتياج العاطفي يخلي الآنسان يرتكب معصية لا حبيبتي عندك زوج حتي لو مشغول ومقصر ما توصيلك لهذا التفكير

لا تجلسي تفكري 24 ساعة بزوجك الحياة فيها الكثير ودوم انظري للكأس المليان وليس الفارغ

تفائلي بالخير وخليك صبورة وبشوشة ولا تكبري المشاكل بداخلك صغريها بتصغر

الله يسعدك ويسر أمرك نحن علي أعتاب شهر كريم والدعاء مستجاب

[سار90]

عادي والله بصبر بس يهتم ابي يهتم ويغار
يقول انا واثق يا انسان لاتثق
اذا ماسالت عنه وقسم بالله هو ولا بيسال

[سار90]

واذا صحت يقولي بس لاترمسين ما احب تصيحين زين افهم قلبي يحررقني

[نانوني]

فديتج انا ريلي كان شراتج... واللي سويته جابل رب العالمين وجابلت عيالي ونفسي وهو اهتم فيه بس اخر اهتماماتي... ويوم حس اني ما اهتم ووجوده وعدمه واااحد الحينه هو يركض وراية.... بس اتعرفين المشكله شو... اني خلاص اتعودت على فراقه وبعده والحينه يوم رد مب متقبلتنه يمكن لاني يوم بغيت ريال عدالي مالقيت ويوم وقفت على ريلي ووصلت اللي وصلتله الحينه ياي ليش ما اعرف....؟؟؟ ان شاء الله ما توصلون للي انا وصلتله.... بس خذيها نصيحه جابلي نفسج لان صحتج وعافيتج اهم شي من كل شي.... وعيالج لان هم المستقبل... وربج لان محد بيوقف وياج غيره...

الله يهديهم ويصلح حالهم يارب

[قلب الذيب]

الريال مثل الدنيا ركضتي وراه شرد
الحرمة دوومها تعطي زوجها فوق احتياجه الطبيعي للحب عقب تصيح وتولول ليش ما يهتم بي ولا يسال مني
عشان جي يا اختي انشغلي منه وخليه هو اللي يسال عنج و ادعي له بالهدايه

عسى ربي يسخرلج ريلج يا كريم

[بنت الشوامخ]

حبيبتي الغلط منج
مب انتي تقولين مغرقتنه حب واهتمام

صدقيني الريال مايحب جي لاتشوفين الافلام والمسلسلات كله جذب

في رياييل يحبون الشي الصعب اللي هم يركضون وراه مب العكس
خلج صعبه مايحصلج اي وقت مايلقاج جاهزة متى مابغاج خليه هو يفتقدج ويسأل عنج

انشغلي عنه شوي انشغلي بحياتج الخاصه ولا تسألين وايد وتحنين
خفي عليه شوي وانقعطي عنه وهو بيحس فيج وبغيابج ويهتم فيج

صدقيني الحرمه الذكيه هي اللي تقدر تكسب ريلها بشطارتها وحكمتها
الحريم لهم كيد وانتي استخدميه بشكل ذكي لصالحج

واابعديييييي عن اللزقه والحنه هذا السبب اللي يخلي ريلج يبعد عنج
عطيه حقوقه وبس من غير حب ودلع و اهتماااام زايد تغيري عليه فجأه وشوفي شو بيصير

[رورو الصغيرة]

عادي والله بصبر بس يهتم ابي يهتم ويغار
يقول انا واثق يا انسان لاتثق
اذا ماسالت عنه وقسم بالله هو ولا بيسال

الغالية ما فهمت انت متزوجة ولا مالكه ؟؟؟؟

كيف ما يسأل عنك مش عيشين ببيت واحد !!!!!

[عنيده بحبك]

اختي مثل ما قالوا الخوات ,,

اول شي ابتعدي عنه شووي مب تسيرين تخونيييين !!!!!! الابتعاد بمعنى انشغلي ف اشيا ثانيه غير ريلج ,, يعني روحي الجم او زوري ربيعاتج اهلج ناسج او اقضي وقتج ف العبادات ترى ها انسب خيار لانه بتتقربين من رب العالمين اكثر و بتنشغلين فيه و رب العالمين فالنهايه بيرضيج لانج قريبه منه ,,, ادعي استغفري تصدقي و صلي القيام و الضحى و اقري البقره و بتشوفين كيف صرتي انتي و ريلج و انتي تمارسين العبادات دوم انوي بنية ان رب العالمين يقرب لج ريلج او بالنيه اللي تبينها ,,

و شي ثاني يوم يقولج انا واثق هذي تكفي يختي !!! لا تحنين ع الريال لان الرياييل ما يحبون الحن و وجع الراس ,, يوم قالج واثق يعني يعرف معدنج و يحبج مب لازم يقول اغار مجامله ولا تغصبيه يقولج يغار مجامله!!!! لان المجامله بين الازواج ما تنفع باجر يروح يسوي شي ولا شيات لا سمح الله و يقعد يجاملج ولا يخش عنج ! هو صريح و قال واثق و الصراحه اهم شي بين الازوااااج
تقريبا معظم الرياييل يقولون لحريمهم انهم واثقين و بييج يوم بعد ما توقفين حنننه بيقولج اغار عليج فلانه لا تسوين هالشي مثلا ,,
مب لازم تكسرين قلبه و تجرحينه ولا تسوين شي غلط عيني عينك عسب يقولج اغار !! يمكن من بعد الغلط اللي بتسوينه عمره ما بيثق فيج و بتخرب حياتج ,,

المهم استهدي بالله و هذي ما تعبر مشكله و الحل بايدج و ريلج ادعي له دوم و حاولي تنشغلين عنه لان البعد يوووولد الشوووووووووووووق .

السموحه ع الاطاله و الله يسعدج خيتوووووو

[Fa.R]

الريال مثل الدنيا ركضتي وراه شرد
الحرمة دوومها تعطي زوجها فوق احتياجه الطبيعي للحب عقب تصيح وتولول ليش ما يهتم بي ولا يسال مني
عشان جي يا اختي انشغلي منه وخليه هو اللي يسال عنج و ادعي له بالهدايه

عسى ربي يسخرلج ريلج يا كريم

[بنت المكلا]

حبيبتي انا متاكدة انج ما تقصدين انج تخونينه

لكن جربي امنعي عنه كل شي من اهتمام له ومسجات واتصال امنعي كل شي ومرة وحدة لكن ابد لا تهملين عمرج ابدأي اهتمي بعمرج وسيري الصالون وطلعي مع ربيعاتج صدقيني لو كان ابرد من البرود الا يلاحظ وتلفتين انتباهه ان في شي غلط

الله يهديهم

[مالتيزرس]

لاتدعي عليه ياخيتي ادعي له الله يحنن قلبه عليج . ياحبيبتي يهتم فالمباريات ابرك لج عن لايقهرج ويكلم بنات وتمزتي عقب قهر. استهدي بالله وهذا ابتلاء من ربج يجوف صبرج . ادعي ربج استغفري كل يوم قومي القيام