ريلي

[Diana Sy]

لو كنت مكاني شو تسوي زوجي عمله يبدء من 5 صباحاُ حتى المغرب يشتغل بإمارة ثانية ولما يرد البيت ياكل يشوف الأخبار وينام وأنا صح ماني صغيرونة بس أحب الحنية وأحسن نفسي بعدني محتاجة له وخاصة أني وحيدة بالبيت بدل زعلي منه أزعل عليه أقول مسكين يتعب
أختي هي الحياة اسحبيها لعندك لاتدفعيها بعيد تأقلمي معها ترتاحي وخاصة لما بكون الزوج مخلص وابن حلال شو تبين بعد ...شوفي المليان بحياتك لاتشوفي الفاضي واحمدي ربك على النعم
أكيد أنت ما تقصدي الخيانة استغفري ربك أيام مباركة خلي تفكيرك نقي وطاهر وتوجهي لله بالدعاء
اشغلي نفسك بأمور ثانية نت فاشن جيم واهم شي العبادة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حرم الحوسني]

الله يريح قلبج ويشرح صدرج اختي ويسخر لج ريلج ويحنن قلبه عليج ان شاء الله

[المغتربة]

الحريم ما يعيبهم شي ابدا
تبغين ريال ما يكون واثق فيج و شكاك !
او ريال غيور عليج لدرجة يدقدق لج 24 ساعه عسب ترجعين بيت!
و لا تبغين ريال يقول لج ما شي طلعة ممنوع التأخير ارجعي الساعه 8 المساء .............الخ

انتي ريلج ما بقولج شي سوي اللي تبغينه اطلعي و غيري جووو و استانسي

و لا تبغين ريال ما يجوف لا اخبار ولا مباريات
و يغازل و يجابلج مجابل و يغرقج كلام حلو
ترى ها النوعية مكودة

كلامي قاسي شوي
بس جفتج متضايقة و حسستيني انها اخر الدنيا ؟؟؟
ريلج ريال طبيعي normal
بس انتي وااااااايد تجوفين مسلسلات تركية و عايشة في احلام و لاصقة فيه لصقة لازم بتشردينه و بتلوع جبده

جوفي تبغين مجاملات اقدر اجاملج شرات وايد حريــــم
بس نصيحة مني افتحي عينج و عيشي الدنيا و استانسي فيها بما يرضي الله
ولا تخلين ريلج هوو كل حياتج .. هو محور من محاور حياتج فقط مب كل حياتج ؟؟؟

[munamoor]

ما فهمت انا من أسبوع يمكن قريت لج موضوعج أن امه برع البلاد و مش مواطنة و يبغاج تاخذين قرض لعلاج امه !؟!

بليز ابي حل
موضوعي ريلي سوي لي فلم هندي شو ذنبي اذا امك وايد تعبانة من مرضها
ما اقدر اخذ ديون وراتبي قليل وقمت اقصر لعمري عشانك ولا فوقه اكشخي


وكله مبوز وممرض عمره.. والله قمت اكرهه

[حلوة واموره]

قبل كم يوم سمعت شيخ يرمس عن نفس مشكلتج.تعرفين شو نصيحته قالها يوم تصلين دايما ادعي يا رب رضاك.ولو الله رضا عليج كل الناس بترضى عليج.لاتركضين ورا ريلج.

[زم_قمر_ان]

ﻻزم تشغلى نفسج بأي هوايه

[LADUREE]

الله يعينج

[غلآ نفسي]

الريال يجوع عاطفيا عشان يركض وراج .. هالكلام سمعته في صباح الخير يا عرب

والحرمه دايما تعطي الريال الحب اكثر ما هو يبا وهو مب محتاجه ع فكره

جوعيه عاطفيا فجي عنه شوي شوفي كيف بيركض وراج

[مشاعر مبعثره]

حبيبتي أشغلي نفسج لا تخلينه محور حياتج وطنشيه جربي اتغيرين نفسج يعني لا تضايقين لما يطلع قولي له الله ويأك قوي قلبك اشوي وان شاء يتغير تري حبيبتي درب الحرام سهل الواحد يمشي له بس شو الفائدة عصيتي برج حبيبتي الله يثبتج تحياتي

[حرم الحميري]

تكشخي بس قللي مسجاتج ومحاتاتج واشغلي نفسج بشي ثاني يعني مب تركيزج تحطينه عليه هو ريال لازم بيجابل الرياييل وبيجابل اهله وانتي هذا غير طلعاته يعني ماشي وقت فحاولي تستغلين وقتج صح معاه ودام فكرتي فالخيانه فالريال ما يشبعج قوليله ما يسدني لي تسويه حاولي اتييبين اشيا ولا تاخذون شي ينعش حياتكم الخاصه وان شاء الله يعتدل بس اهم شي الحواااار حتى لو طنش المهم الرمسه توصل لاذنه

[أم الخليفي]

التهي بنفسج بعد


مب الا تفكرين به وخلاص تنهين حياتج وتدمرين مستقبلج بايديج


ولو خنتيه شو بتستفيدين كلام حب بس !!



ياخي حبي نفسج أول قبل لا يحبج ريلج

[غرووب 22]

لا اله الا انت سبحانك اني كنت من الظالمين

[khaleejiya]

حليلنا احنا الحريم كائنات عاطفيات نحتاج للكلمه الحلوه والغزل والمشاعر الدافيه
بس الواقع غيررر
هالكلام الحلو كله ايام الخطوبه والشاعريه بس بعد الزواج خلاص كل الامور تصير جديه و واقعيه -_- للاسف
ماعليه هالايام ايام مونديال وكاس العالم وهالسوالف خليه يستانس
يلسي فكري هالصيف شو تسوون خططي لشي حلو روحوا الويكند فندق غيري جو بس انتبهي لا تخربين عليه جو المبارايات وحركات الشباب ماعليه عطيه فرصه ينفس مع ربعه

[فراشة فوشية]

اختي استغفري ربج
الشهر الفضيل جريب و انتي تقولين بخونه !


خير يا طير معظم الريايييل مجابلين المباريات
هو مب مجابل ضرة ولا عشيقة !!!!!

استهدي بالله و خففي على الريال و لا تلصقين فيه وايد
جابلي عمرج تدلعي تدللي صالون جم سبا طلعات روحات زيارات اجتماعية مع اهله و اهلج و ربيعاتج
دوام نادي اعمال تطوعية جابلي عيالج
و عندج الناحية الدينية صلاة و صيام و اعمال خيرية و صدقة و قراءة قران

بالنسبة لمشاكل اهله لو هو يشتكي او عنده مشاكل اسمعيه و افتحي قلبج بدون ما تأثر عليج
اتبعي مقولة :لا ارى لا اسمع لا اتكلم طنشي ،، عادي المشاكل في كل مكان مب بس عندج

الحرمة اللي تلصق 24 ساعه في ريلها
هذا ريلها بيشرد منها في يوم من الايام
خير الامور اوسطها اوسطها اوسطها

لو تحسين بفراغ عاطفي خبريه مباشرة بدون مجاملات لان هاي الامور ما يستوي تسكتين عنها بأسلوب لبق
و باحترام و لو بدموع مو مشكلة هاي مشاع و احاسيس

عجبني رد الأخت ماشالله عليها

[مهرووووووه]

انتي مكبره الموضوووع اختي ولا معظم الرياييل جيه
استهدي بالله