أصغر عني ب..........

[مجروحة وأكابر]

صباح الخير بنات ما بطول عليكم

سالفتي ان شخص يريد يتقرب مني كنت رافضه هالشي خير شر بحكم دوامي اتعامل مع مختلف الجنسيات و فئات العمر شاب فالعشرينات من عمره طبعا هالشي بالنسبه لي مستحيل بس حاول و تم شهور يحاول ما انكر مع محاولاته بديت اضعف واميل له و ابين له الاهتمام و هو ما يشتغل بس يقول عقب سنه بيرتبط و بيفاتح اهله و هم متفهمين و الرسول عليه الصلاة والسلام متزوج السيده خديجه و اكبر منه بالعمر فما عنده اي مشكله و لا اهله اهله ما يوقفون فويهه ابد من كلامه انا مب مستعده احلم سنين ولا اتامل طلب يكلم امه من باب لو يجيس النبض طبعا قالها ان فالدوام كان يخلص معاملات و شافني و حاب يرتبط فيني قبل ما تعرف اي شي رفضت بس كلمها مره ثانيه و طلبت تعرف من وين و بنت منو وكيف ومن حقها طبعا يوم قالها عمري برغم ان ما قال العمر الحقيقي صغرني كم سنه صارخت وتفلت على ويهه و قالي انها قالت له هاي عيوز و تريد تتزوج انا فاول الثلاثين الكلمه حزت فخاطري و الحين قطعت اي تواصل لان مافي سبب يخلينا نتواصل و هو بعد ما زال يحاول يتواصل وقال انه تاسف لها ووعدها يبعد عني بس ما يريد يبعد بس عسب يرضيها .......يطرش مسجات على اساس اني جرحته تخليت عنه ما وقفت معاه بنات موقفي فيه شي من الغلط؟؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مونتاج]

عزيزتي انتي ما عطيتيهم وقت للرد
حاطه الموضوع الساعه 8 و مسحتيه الساعه 9
المنتدى فيه تفاعل صح مو مثل قبل بس انتي ما تركتي فرصه لحد يرد عليج
يعني تركيه كم يوم و عقب احكمي عليه

الله يوفقج ان شاء الله و يطمن قلبج ان شاء الله ^^

[مجروحة وأكابر]

هيه صح كلامج بس حز فخاطري ان محد رد علي من اللي دخلو يالله مشكوره حبيبتي

[روح.الامارات]

بالعكس يا اختي هنيه اشوف انه العضوات كلهم مثل الخوات و يدارون و يحاتون بعض رغم انهم مايعرفون اي شي عن بعض

[M-Alshehhi]

موقفج صح والله يرزقج
باللي أخير عنه

[مجروحة وأكابر]

آمين ومشكوره على ردج عزيزتي

[بنت الغالي88]

ما احس انج غلطتي

الله يوفقج ويرزقج بانسان يستاهلج

ما عليج البنات ان شاء الله من يشوفن الموضوع بيردن عليج

[دلوعه حمودي]

في بدايه ثلاثينات عيوز خخخخخخ شوفي الممثلات والمطربات أكبر عن جي وعايشين شبابهم حبوبه خلي يولي بأجر بيج واحد ريال شخصيه في عمر مناسب مثلا ٣٥ او٣٧ ياحلاته هالعمر رجوله وشخصيه وتتدلعي له مايقولج انتي أكبر مني

[✿Orchid✿]

الي سويتيه عين العقل حبوبه ..

اي ريال طبيعي يقول لا مافي فرق بينا والخ بس عقب الزواج يختلف الوضع لان الحرمه يبين عليها الكبر مع الحمل والولاده والمسؤوليه وبيعايرها وعادي يقولها انا صغير ويحق لي اتزوج .. والاهم شفتي رد امه .. لاتتدخلين ف مشاكل ودوامات ..

الله يعوضج بلي احسن عنه ان شاءالله

[رورو الصغيرة]

بالعكس انت واقعية بفعل العمر والخبرة

وهو بعدة صغير ومندفع وهذا لا يصلح أصلا والسبب الرئيسي ليس فارق العمر بل يفكر بالزواج وهو بعده ما يشتغل ومش مدرك حجم المسؤلية

لا ترتبطي بشخص غير مسؤول ولم يجرب مسؤليات الحياة الزواج مش أثنين أعجبوا ببعض الزواج يحتاج للرجولة والمسؤلية والنضج

الله يرزقك بأبن الحلال يناسب كل ظروفك

[الشريفه غفران]

السلام عليكم أختي الحبيبة
لا تزعلي روحك إن لك فيه نصيب ما يفوتك
إن الله إذا أراد قلب لقلب قال له كن فيكون
اسأل الله تعالى لك التوفيق

[cute uae]

الي سويتيه عين العقل حبوبه ..

اي ريال طبيعي يقول لا مافي فرق بينا والخ بس عقب الزواج يختلف الوضع لان الحرمه يبين عليها الكبر مع الحمل والولاده والمسؤوليه وبيعايرها وعادي يقولها انا صغير ويحق لي اتزوج .. والاهم شفتي رد امه .. لاتتدخلين ف مشاكل ودوامات ..

الله يعوضج بلي احسن عنه ان شاءالله

بالعكس انت واقعية بفعل العمر والخبرة

وهو بعدة صغير ومندفع وهذا لا يصلح أصلا والسبب الرئيسي ليس فارق العمر بل يفكر بالزواج وهو بعده ما يشتغل ومش مدرك حجم المسؤلية

لا ترتبطي بشخص غير مسؤول ولم يجرب مسؤليات الحياة الزواج مش أثنين أعجبوا ببعض الزواج يحتاج للرجولة والمسؤلية والنضج

الله يرزقك بأبن الحلال يناسب كل ظروفك

[ناروتا]

البنات كلامهم صحيح
امه رافضه !! وهو ما يشتغل !! وبتستنيه سنه مده كافيه يتقدم لك شخص انسب عنه!! ومن جنسية مختلفه وعمر اصغر يعني اهلك ممكن يرفضوه!!
كل هذا كفيل يخليكي تبتعدي عنه , واستعيذي بالله من ابليس هو يزين لك حلاوة كلامه ويخليكي تميلين له , يا اختي اي شب ثاني لو تحدث معك كلام جميل وتركتي لنفسك المجال تسمعيله اكيد هتتعلقي فيه ,دليل ان هذا الشخص الحالي غير مناسب, هو فقط اشبع عندك النقص في العاطفه
وما ادراكي انه صادق ! يمكن يتسلى ويلعب فيكي خلال هالسنه وعند الجد انسى ...
الله يبعت لك نصيب يفرح قلبك وعينك وكل جوارحك
ومن ترك شيئا لله عوضه الله خيرا منه
انوي يا اختي انك تتركيه وما تردي او تتواصلي معاه ابداااا خوفا من الله , وان شاء الرحمن الرحيم يعوضك عنه خير

[حلوه وقموره]

اختي شكله مب جاد ويلعب انسيه وطنشي

ودام اصغر منج بوايد ومن جنسيه ثانيه ماينفعج


ولاتتنازلين اشوف تتزوجين اكبر منج او كبرج بس مواطن

وقد المسوليه حتى لو مزوج ارحم من هذا وموفقه

[مجروحة وأكابر]

شكرا على ردودكم خواتي الانسان اللي كتبت عنه مواطن بس انا كنت اوضح نوع الناس اللي اتعامل معاها في وظيفتي لا اكثر و انا فعلا ما ارد عليه و لا على اي شي يخصه مهما يكتب من مسجات ماسكه نفسي وربي يوفقه في حياته