حامل وزوجي يخوني!!

[أم همسات]

سلام عليكم ورحمه الله وبركاته

خواتي انا متزوجه من 7 سنين وعندي طفلين وحامل بالثالث زوجي انسان يدعي انه ملتزم ويصلي كل فرض في المسيد ويصوم ويقرا القران ولكن للأسف يخوني دوم اما علاقات تلفونيه او مسجات ويمكن في الفراش ( الله اعلم) وكل ما اواجه ينكر ويغير الموضوع ويتهمني اني انبش اغراضه وتليفونه واني ما لي حق افتش تليفونه وبدل ما يعتذر يقلب الموضوع على راسي فوق تحت ومن ناحيه الحمدلله بشهاده الجميع انا اصغر منه بوايد وجميله وجامعيه حتى كنت من فتره اداوم وماسكه منصب طلب زوجي مني اني اترك وظيفتي واتفرغ له وللعيال واستقلت وفي الأخير يقول لي أصلا انتي استقلتي عشان انتي مب مال شغل ودوام مع اني طموحه واحب شغلي وناجحه والحمدلله بس فضلته هو وعيالي على وظيفتي

من ناحيه العلاقه الزوجيه الخاصه من اول ما تزوجنا هو وايد مقصر وياي وانا البس واكشخ له وهو يقول لي ما عندج سالفه حد يقول حق حرمته هالكلام ااتصدقون حتى ما اطلع برا البيت كله يالسه في البيت اجابله هو والعيال والاكل احطه بايدي وفي الأخير ينتقد كل شي
المهم من يومين انا بالصدفه شيكت موبايله شفت مسجات جنسيه مطرشنه حق وحده الصراحه انهرت ويلست اصيح ومن كثر الصدمه ياني الطلق وعطوني ادويه عشان يوقف الطلق لان بعدني في شهر السادس عورني قلبي انه مسوي روحه انسان شريف متدين وهو من تحت لين تحت ويوم انا ايي عداله وأقول له كلام مثير يعصب علي يقول عيب هالكلام انتي ماسخه ( الحين الحرمه يوم تتغزل في زوجها وتقول له كلام جنسي استوت ماصخه)
يوم شفت المسج الجنسي اللي مطرشنه صراحه يتني صدمه ما توقعت ريلي متدين ويطرش مسجات جنسيه وانا حرمته ما يعاشرني ويوم اطلب منه يقول لي بعدين بعدين او يقول لي ما عندج سالفه

خبروني الصراحه خواتي شو اسوي معاه تعبت وايد من امس من التفكير وانا لين الحين ما واجهته لان اعرف بتم يتهرب ويقلب الدنيا على راسي وانا روحي تعبانه وحامل وما ابغي اربي في السادس واتعب

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أم همسات]

خبروني خوااتي لو كنتوا بدالي بتفكرين اتيبين عيال منه مره ثانيه ولا بتكتفين اللي عندج والله يخليهم ان شاء الله

[امراه]

الله يهديه ويسخره لكم

[أم همسات]

الله يهديه ويسخره لكم

امين فديتج ويهدي جميع الرياييل ويسخرهم لزوجاتهم

[الأحلام الملونة]

لا حول ولا قوة الا بالله

الله يقومك بسلامة وبعدها وقفي أنجاب العيال يحتاجوا لآب قدوة

ثانيا أنصحك وبقوة تبحثي عن عمل وترجعي لترتيب حياتك واسترداد شخصيتك والآعتماد علي نفسك

ثالثا أنت شو مقررة الآستمرار مع زوج خائن مقصر بحقوقك أثبات الخيانة ليس صعب كون تمسكي أشياء أحتفظي فيها حتي لو أنكر عندك ما يثبت

شوفي الآيجابيات والسلبيات بحياتك وأيهم أكثر ولا أحد يستطيع أن يتخذا القرار غيرك

[أم همسات]

لا حول ولا قوة الا بالله

الله يقومك بسلامة وبعدها وقفي أنجاب العيال يحتاجوا لآب قدوة

ثانيا أنصحك وبقوة تبحثي عن عمل وترجعي لترتيب حياتك واسترداد شخصيتك والآعتماد علي نفسك

ثالثا أنت شو مقررة الآستمرار مع زوج خائن مقصر بحقوقك أثبات الخيانة ليس صعب كون تمسكي أشياء أحتفظي فيها حتي لو أنكر عندك ما يثبت

شوفي الآيجابيات والسلبيات بحياتك وأيهم أكثر ولا أحد يستطيع أن يتخذا القرار غيرك

مشكوره حبيبتي على مرورج الكريم وعلى ردج الطيب وفعلا انا فكرت أوقف انجاب الأبناء بعد ما اربي بالسلامه لاني تعبانه صراحه وايد وابغي اتفرغ لنفسي ولابناءي وبالنسبه للوظيفه يوم كنت اداوم ريلي كان يتهمني بالقصور ويوم تركت الشغل قال لي انتي مب مال شغل ما قال اني استقلت عشانه وعشان عيالي الله يقويني ان شاء الله والمشكله ما ابغي اطلق لان ما ابغي عيالي يعيشون بعاد عن ابوهم لان أقول الحق احسن شي في ريلي ان يحب عياله ويهتم فيهم وايد بس معاي كأني عايشه معاه كأخوان مب زوجين

[أم أية 2]

أختي انا مريت وأمر باللي انتي فيه الفرق ان انتي خليتي وظيفتج وهاي غلطة انا تغربت عن أهلي عشانه وكانت نفس النتيجة خيانة ثم خيانة وسفر و هجر. شي يكره الوحدة فحياتها المهم انا أشوف رأي الأخت الأحلام الملونة زين لانه عن تجربة ييب نتيجة بس على المدى الطويل الله يعينج ويقويج ويقومج بالسلامة

[أم همسات]

أختي انا مريت وأمر باللي انتي فيه الفرق ان انتي خليتي وظيفتج وهاي غلطة انا تغربت عن أهلي عشانه وكانت نفس النتيجة خيانة ثم خيانة وسفر و هجر. شي يكره الوحدة فحياتها المهم انا أشوف رأي الأخت الأحلام الملونة زين لانه عن تجربة ييب نتيجة بس على المدى الطويل الله يعينج ويقويج ويقومج بالسلامة

هلا فديتج مشكوره حبيبتي على ردج المشجع وان شاء الله يوم بربي والبيبي يكبر شوي راح ابحث عن وظيفه لاني احس الحرمه يكون لها شأن وكيان يوم تداوم ويوم تيلس في البيت ريلها يشوف نفسه عليها

[حلوة واموره]

حاولي تردين دوامج.

[أم همسات]

حاولي تردين دوامج.

هلا اختي ان شاء الله يوم بربي بالسلامه والبيبي يكبر برجع دوامي

[ام حمده 77]

كيف تخليتي عن وظيفتك عشان زوج

الحين ضمنتي حياتك ومستقبلك ومستقبل عيالك معاه

[أم همسات]

كيف تخليتي عن وظيفتك عشان زوج

الحين ضمنتي حياتك ومستقبلك ومستقبل عيالك معاه

هلا حبيبتي مشكله اني تركت شغلي قلت يمكن أكون مقصره معاه يوم كنت أداوم بس للأسف شفت ما قدر هالشي تركي للوظيفه

[لزانيا]

هلا اختي عليج بسورة البقرة , اقرئيها يوميا و كثري استغفار و ادعي ربج ان الله يسخره لج و يبعد عنه بنات الحرام , اتكلمي جدامه عن رياييل
انه مثلا واحد طاح من عيون الناس لان الله كشفه و فضيحة و نظرة الناس له و على عياله , حاولي تحطين فالناس المغازلجيين باي فرصة تييج.

[دم الغزلان666]

خيتي مالج غير الدعاء وثقي ربج موجود وعن تجربه لا تسوين اي شي وتضايقين عمرج ودايما رددي لا حول ولا قوه الا بلله والله يهديه انشاء الله ويصلح الحال

[رورو الصغيرة]

الله المستعان