ساعدوني تعبت نفسيا

[روحي فداكي]

السلام عليكم والرحمة


بنات بليز ساعدوني هل انا محتاجه دكتور نفسي ولا أنا أبالغ

كنت عايشه في بيت برحي بعد ما ربيت بأول بيبي ريلي قالي بنعيش عند أهلي أمه طيوووبه وحنونه وايد واهي دوما تساعدني عشان جي وافقت

الحين صارلي 9شهور في البدائه كنت حساسه وايد وماحب أتكلم او اضحك ويا خوات ريلي بس الحين احس انهم تغيرو مادري هل هم جي من اول ولا انا كنت حساسه بزيادة

بس اللي صارلي الحين ويا ريلي
اني صايره مرات ما أطيق اضحك مع اني كنت فرفروشه ودوم استهبل واضحك ولا أخذ بخاطري بس طبعا ماكان ع اي حد بس ويا ريلي

اهو يرد من الدوام وانا احاول ابتسم له بس قسم بالله مؤ قادره
اول كنت دوم اطبخ ويعجبه الحين احس الأكل يخترب والله صارلي فتره دوم يخترب الأكل وريلي ما يتغذى ويعصب وانا أتم زعلانه ولا اكل شي اليوم كله
وصايره عصبية واااايد حتى على أتفه الأشياء اقعد اضرب في عمري وأدق ايديني في اليدار وفي اي شي بالقو واصيح لين أهدى أخذ لي شور وأرتاح

انا عندي خمول الغدر الدرقية ماعرف الشي هاذا منها ولا شو

انا أخاف ريلي يمل مني ويتزوج والله دوم أفكر به السالفة
بليز ادعولي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Pink Cherry]

اسمعي الرقيه الشرعيه اختي واقري قرآن وبتهدا وبتتغير نفسيتج باذن الله

والغده تعالجي منها

[روحي فداكي]

اسمعي الرقيه الشرعيه اختي واقري قرآن وبتهدا وبتتغير نفسيتج باذن الله

والغده تعالجي منها

مشكوره أختي

الغدد اتعالج أخذ حبوب بس مادري لين متى بضل أخذهم

دعواتج أختي

[روحي فداكي]

تسلمين اختيه

تخيلو قلت حق ريلي يسير ويا ابوي عمره سيده وافق عمره مأسافر وخل اني بروحي حتى ماقالي شي شو بتسوية وين بترقدين أبد صح المده قصيره السفر بس حتى

والله خايفه بليز قولولي شو أسوي

[مراسيل الوفاآ]

^

ي اختي لا تغيرين ريلج بسبب اللي انتي فيه
اذا انتي مضايجه ف لا تخلينه يسوي اشيا
ما تبينه يسويها، يعني قلتيله يسافر ويوم وافق
تقولين بيسافر وبيخليني بروحي !!، اقري القران
وداومي ع الاذكار وكل ما تييج افكار انه ريلج يخليج
او ما تبين تضحكين اغصبي عمرج وحاولي انج تغيرين
الجو وبتلقين عمرج نسيتي الضيجه اللي فيج، اما عن الاكل
ف ماعرف شو اقولج اختي بس اطلبيله اكل من برع واطبخي
انتي بعد بتركيز وخليه يجرب طباخج واذا ما عيبه بيكون في
بديل عشان ما يعصب لكن حاولي تردين شرات قبل وتتخلصين
من اللي انتي فيه

[غرووب 22]

عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}

[امراه]

الحمدلله اصبري

[روحي فداكي]

جزاكم الله خير ان شاء الله بحاول اتغير لازم أرد شرات قبل

[سر سر]

أقرئ سورة البقرة

[دلوعه حمودي]

اعتقد محسوده ولا حد مسوي ليج شئ أنا تمت سنه ونص تعبانه وكله اصييح وأبا أطلق وفعلا سرت المحكمة ومن وظبت علي صلاه الليل وقراءه القراءن الكريم والصدقه والاستغفار ارتحت شوي الحمد الله وتغيرت. سوي مثلي وان شاء تخوز العين أو السحر والله يحفظنا بس اللي عندج مو من الغده لان عند أختي وما سويت جي

[مهرووووووه]

من كلامج احس المشكله فيج انتي مب في ريلج!!!!
شو ذنب ريلج يتحملج... مستويه نكديه وتنكدين عليه وفي النهايه تصيحييين...
تقوليله سافر ويوم يسافر اونه بيخليني بروحي ...انتي مب بروحج انتي عند اهله وثاني شي انتي مب صغيره!!!!

الله يهديج ويشفيج عليج بالاذكار والقران

[هيفاءء]

مسا الخير

اختي الفاضلة .. انتي تمرين بمرحلة يمكن صعبة نوعا ما
الكل مر بهاي الاشياء ولكل انسان قدر من الضيق والحزن ولكن !!!

اذا كنتي تصيحين على اتفه الاسباب او بدون سبب
وتضربين الجدار
ودوم متضايقة

اذا لازم تتعالجين كالتالي :


1- ماي زمزم مقري عليه رشيه في غرفتج وع باب غرفتج ولو تقدرين في كل مكان من دون ما حد يلاحظ , خليهم يطلعون اي مشوار وانتي رشي البيت باداة رش خفيفة من دون ماحد يلاحظ اثار الماي

2- عقب رشي ماي بحر وغسلي بلاط البيت واي مكان بماي البحر

3- سيري البحر وتسبحي في البحر بشرط يكون حد معاج من اهلج انتي لان اهلج يتحملونج

4- وهذا المهم لازم تداومين ع وضع سورة البقرة في الغرفة + الرقية الشرعية

لان اللي تمرين فيه حسد قوي ما نبا نقول عمل او طبوب او هالاشياء ولكن خلينا نكون عقلانيون
والقران صريح والدوا هو القران


= ماقلته لج عن تجربة سيئة مررت فيها ومازلت أمر بها
مازلت احارب واجاهد

- انتي بخير ولهذا هو علاجج
وطمنينا عليج اول بأول


اختج هيفاءء

[روحي فداكي]

يزاكم الله خير جميعا وربي يبعد عنكم الضرر ويسعدكم ويهنيكم في حياتكم يارب

[Fa.R]

كيف علاقتج مع ربج ؟

[حرم الحميري]

مافيج الا العافيه بس غيري جو يمكن الروتين مطفربج ترا الايام مب دوم حلوه مع الريل في اوقات تطفرين منه صج وتردين بعدين تشتاقين وهو نفس الشي الحياه جدامكم وهالامور لازم تمرون فيها اهم شي من تحسين عمرج سويتي شي ظايجتيه وزعل تمي استغفري وربج يبرد ع قلبج ان شاء الله ولا تضرين نفسج عشان اكله ما ستوت سمي بالرحمن وتوكلي الشك هو اللي يخرب كل شي عندج لا تشكين بعمرج وتحسسين عمرج انج مخربه حياته واذا تحاتين انه ما يعرس جاملي فالاوقات اللي تكتئبين فيها فالنهايه هذا ريال وان طار قلبه راحت عليج ترا قلبه رهيف