التجمع الـ 11 لكروشات 4-5-6-2014 ❤️

[r3boooba]

الله يسهل عليكم فديتكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[راقية بطبعها]

طلعت عنهم الساعة 9
بعد معاناه وصياح وحالة نفسية ما يعلم فيها الا الله
ياني اكتآب من جو المستشفى وتعبت من كثر ما يفحصوني وكل مره 1 ونص سم من 12 فليل لين الحين 9!
بس مخليني جيه طايحه وكل شوي يفحصوني ويحطون التخطيط وانا حالتي النفسية خلاص متحطمه
ويقولون تقلصات قويه في التخطيط وانا مافيني الا تقلصات خفيفه تمسك بطني وظهري وتروح وترجع مب منتظمه

[BENT LEMRAR]

طلعت عنهم الساعة 9
بعد معاناه وصياح وحالة نفسية ما يعلم فيها الا الله
ياني اكتآب من جو المستشفى وتعبت من كثر ما يفحصوني وكل مره 1 ونص سم من 12 فليل لين الحين 9!
بس مخليني جيه طايحه وكل شوي يفحصوني ويحطون التخطيط وانا حالتي النفسية خلاص متحطمه
ويقولون تقلصات قويه في التخطيط وانا مافيني الا تقلصات خفيفه تمسك بطني وظهري وتروح وترجع مب منتظمه

راقية الله يسهل عليج

تمي ادعي ادعية الافادة في ورد الولادة واشربي ماي زمزم بتتسهلين باذن الله

[أمل ظبيانيه]

الله يسهل عليج راقية لاتضايقين بعمرج الحمد الله على كل حال أقرئ ورد الولادة

أنا نفسيتي جدا تعبانه وما خليت شي ماسويته بس الحمد الله متوكله واستخرت الله يكتب اللي فيه الخير

[شوق قلبـي]

راقية فديتج الصياح مابيفيدج قوي قلبج وان شاء الله تربين بالسلامة

[r3boooba]

الله يسهل عليكم كروشات وما عليه هانت ما باقي شي فديتكم

[x_haifa_x]

صباح الخير

[راقية بطبعها]

الله يسلمكم فديتكم
تعبت قولوا شسوي عشان يفتح الرحم اكثر؟
قبل ما اطلع عنهم محذريني وايد لا تشربين خروع ولا أي محرضات للطلق لأن تقلصاتج قويه بس الرحم ما يفتح واذا شربتي بتزيد التقلصات أكثر بدون ما يفتح وبيتعب البيبي خطر عليه.. مع اني كنت ناويه اشرب كف مريم بس خوفوني
الحين ما عندي غير المشي والتمر وماي زمزم والقرفصاء

[قلب عيسى]

الله يسهل عليج الغالية اخت راقية وايسر ولادتج
انا سمعت عن الحلتيت اللي هو الخيلة حطيه في دبة ماي صغيرة لين يذوب وايلسي شمي منه يقولون مفعوله قوي انا كنت ناوية اخذة بس الله مب رايد حددولي عملية يوم السبت بسبة نزول المشيمة و الله يسهل على الجميع.
وعليج بالأشياء اللي ذكرتيها

[راقية بطبعها]

قلب عيسى مشكوورة فديتج ما قصرتي
اشوف السعوديات يرمسن عنه فالمنتديات
بس ما كنت ادري ان هي نفسها الخيله
حد يقول بخور وحد يقول اتشمينها وحد يقول اتذوبينها في ماي و تشربينها
بس صدق زينه يعني تفتح الرحم؟
الله يسهل علينا يارب وان شاء الله تولدين قبل العملية

[قلب عيسى]

ان شاء الله قبل العملية يقولولي ارتفعت
انا قريت عن وحدة حطته في ماي ويلست فيه سكرلها الرحم
و وحدة من تجمعكم قالت انها حطته بالماي وقامت اتشم والحمد الله فتحلها بسرعه والله يسرلها
ادخلي قوقل واقري عن الحلتيت
و الله ايسرلج ولادتج ونسمع اخبار حلوه في هاليومين

[راقية بطبعها]

اذا السالفة شم بنشم مع ان ريحة الخيله اذا فتحوها في مكان ماقدر اتم يالسه فيه استغفر الله فظييعه
البارحة حاطين لي غدا فالمستشفى وانا طبعا ماحب اكلهم
بس شفت أناناس ويا الوجبه قلت باكل احيده زين للولادة
و اول ما كليته خبلني ياني ويع فظيع في بطني وظهري و صكت التقلصات لين فوق في التخطيط وتميت ادور في الغرفة شرات الخبله واخربط ماعرف شو اقول من الويع والرحم ما يفتح أكثر عن 1 ونص

[غلا الكون كله]

راقيه حبيبتي لا تلعبين بعمرج اخاف اتعبين عمرج ع الفاضي واتعبيبين البيبي وياج خليها ع الله

[BENT LEMRAR]

راقية الله يسهل امرج ونسمع البشارة

تمي ادعي واستغفري والله بيفرجها

[راقية بطبعها]

غلا الكون ترى انا جيه خايفه
اخاف اسوي أي شي وتزيد التقلصات وما يفتح الرحم
عشان جيه الحين بس صابره اليوم مشي و رطب و شربت حليب بالزعفران وبسوي تمرين القرفصاء وبتنقع بماي حار في البانيو و الله يسهل يارب
و خذت ماي زمزم بعد قريت عليه ورد الولادة و شربته
تعبببت خلاص ما أفكر بالحمل لين كم سنه
ما كنت أدري أن جيه معاناه والله يومين فالمستشفى بصياحي