التجمع الـ 11 لكروشات 4-5-6-2014 ❤️

[ام ناني]

ختنت ولدي في المستشفى ثاني يوم من الولاده واليوم كمل 7 ايام من الختان
بس الحلقه ما طاحت لين الحين
هم قالو لي 5-7 ايام وبطيح وشكلها ثابته

شوروا عليه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[r3boooba]

الله يسهل عليكم

[r3boooba]

ام ناني

زين سويتي انج ختنتي ولدج انا الين الحين ماسويت شي
شكلي بموعده الياي بسأل

اتريي شوي عليه يمكن يطيح هاليومين

[راقية بطبعها]

شو الأشياء اللي خذتوها تفتح النفس واتسهل الولادة؟
غير الزعتر و الجرفه و التمر و ماي زمزم
قالتلي حاولي تمشين عندج تقلصات في التخطيط

[ام ناني]

شربي الراسبيري
يلين النفس يخليها مرتخيه
شربي الحين كوب وباجر كوبين
وان شاء الله تبشرينا

[راقية بطبعها]

أم ناني ماعرف كيف تقولي فيج تقلصات
بس انا مب حاسه بالويع عادي
بس احس بطني كأنه ينقبض شوي يشد و يرخي
قلت قبل المغرب بمشي حوالين الحديقة وقبل شوي شربت كاس زعتر و بجرب الرازبيري بس مخلتنه في شقتي وسايره عند قوم أمي

[BENT LEMRAR]

راقية الزعتر زين لكن مب حد ينصحج بالخروع جتلني يابلي دبل ويع

[راقية بطبعها]

بنت المرر ما أفكر اشربه احس فظيع وايد قوي
خلني ع الزعتر والجرفه والرازبيري احسن
اليوم الدكتوره والنيرس يوم شافوا التخطيط يضحكون عليه اونه ياينج الويع وين بتشردين ><

[BENT LEMRAR]

الله يسهل امرج راقية وتبشرينا قريبا

[BENT LEMRAR]

بشو داويتو الختانة والسر يا امهات؟ ولدي قيل يصيح وانا منهارة واصيح وياه؛(

[ام ناني]

بشو داويتو الختانة والسر يا امهات؟ ولدي قيل يصيح وانا منهارة واصيح وياه؛(

ما حطيت دوا الصراحه
يوم سألتم قالوا لا تحطين شي
والحلقه ما طاحت لين اليوم كمل أسبوع شكلها برت بس الحلقه

اما السر بس انشفه عدل عن الماي واحط له امبي اللي هو بودرة السر وبعده ما طاح

فديتم معاناه
شوفي هالموضوع انا خفت أسوي اللي يقولونه

http://forum.uaewomen.net/showthread...=241806&page=3

[الف باء]

ماشاء الله وااايد سوالف فاتتني


اولا مبرووك روح سعيد وبنت المر

بنت المر الحمدلله ربيتي انتي طول فترة حملج يوم تسولفين احس الثقل اللي فيج اضعاف ثقلنا هههههه

[الف باء]

كروشات
بقولكم قصة ولادتي

يوم الخميس 6/29
المسا كنت احس بطني متيبس ونازل مع بروز غريب حتى أقول حق ريلي شوف بطني اليوم شكله غريب يقولي انا لاحظت بس ما رمت اقولج بتمين تفكرين

يوم الجمعه 6/30 الصبح
تريقت وحسيت بويع في بطني واحسبه يوم منسدحه وإذا واقفه او امشي ما احس فيه قلت يمكن غازات ولا منان

طلعنا نتغدا برع سرنا مردف وكان ناقصني كم غرض قلت باخذهم عقب ما اتغدا ، بالمره مشي وتسوق
ومشيت مشي ما حسيت بعمري ولا اشتريت شي ، والساعة 5 ونص روحت البيت ويوم ركبت السيارة حسيت بويع في ظهري قلت من المشي
وأقول في خاطري من أوصل البيت بنسدح وبريح
من وصلت البيت انسدحت الا وهذيج الاوياع وقابظه الظهر والبطن تسير وترد كل نص ساعه
وبعد ما شكيت حتى 1٪ انه طلق
لانه وانا اتحرك او يالسه ماشي ويع ، الويع بس يوم منسدحه !!!!

تعشيت واسبحت بماي دافئ وشربت كاس راسبيري ورقدت
لكن وين الرقاد كل ويعه أقوم وطول الليل على هالحاله ،شي مؤلم وااااايد
هني شكيت انه طلق لانه يلست احسب كل 20 دقيقه
وصليت الفجر والويع فيه حتى ما رمت اصلي واقفه ، صَلَّيْتَ وانا يالسه

يوم السبت 6/31 الصبح
طبعا انا مب مجهزه شي أبدا ولا صكيت الشنطه وخلاص شكل الويع اللي فيه طلق
الساعة 8 ونص رتبت الشنطه وجهزت الفراش اللي بستخدمه في المستشفى وجهزت المواعين
وجهزت لبس بناتي يوم بيون المستشفى وراويت بنتي لبسهم
يعني ما يلست
تميت أدور في البيت مثل النحلة
تريقت ريوق عدل لانه احس البيبي ما يتحرك والويع استوا كل 10 دقائق
الساعة 10 ونص خبرت ريلي ، وهو كل هذا ما يدري قلتله تريق وانا بعدني يوم بيستوي كل 5 دقائق بسير
الساعة 12 ونص خلاص سرت المستشفى لانه الويع كل 5 دقائق
ونزل عليه دم ، توكلت على الله وسرت

وصلت وخلصوا اجراتي بسرعه لانه من حظي المستشفى خاااااااالي محد غيري
وكشفت عليه الدكتوره وكنت فاتحه 2 سم كل هالويع وهالفتره اللي استويع فيها 2 سم !!!!!!
حولتني على التخطيط وقالت اذا التخطيط زين بنرخصج واذا زاد الويع تعالي

وسوست التخطيط وكان مب مبين شي ويع بس نبظ البيبي نازل وااااايد زاغت الدكتوره
وعادت التخطيط
وطلع نفس الشي
قالت خلاص تنويم وعلى قسم الولاده دخلوني ما قبل الولاده والويع يزيد وهم يقولون مب مبين في التخطيط وحطولي مغذي
وانا ميته من الويع
واللي ويايه في الغرفه سولي رعب يصارخن ويتالمن بصوت عالي
وانا حليلي ميوده عمري ودموعي تنزل
المهم بدلو الشفت ويتني ممرضه هنديه ويت على القلب ... أحب الهنديات خبره

قلتلها شوفي كم فاتحه يوم شيكت قالت 4 سم وهذا العصر قالت تبيني افتح لج الماي وأوسع قلتلها انتي شو رايج شو أحسن ، قالت خليني افتح بيزيد الويع وبتربين بسرعه
وافقت على طول
وفتحت الماي ووسعت
بدخلت الدكتوره قالت إلها دكتوره هيه فاتحه 5 سم
قالت على غرفة الولاده
ودخلت غرفة الولاده وكان الويع مووووووت كل شوي يزيد وانا اصيييييح
وعقب حسيت البيبي يدفع
قلتلها
قالت اعتدلي على ظهرج وعطتني الأكسجين وكل ما احس بالويع أخذ لي شفطتين يخف شويه
والحمد لله عقب معاناة يومين
ربيت الساعة 8 فالليل
وعقب الربا يتني حاله هستيريه تميت أصيح وأقولهم هاتوه بشوفه
والحمد لله

يوم شفت عويناته فديته

ام ناني ولادتج ذكرتني بولادتي يوم بنتي الويع من يوم الاربعاء وربيت السبت

عااد انا اذكر البكر يطول كم يوم استغربت لا واذا سرتي تشيكين كم فاتح تستغربين كل هالويع اخر شي 2 ولا3 ومن كم يوووم اووو ام جييي

[الف باء]

حبيبتي الله بيسهلها عليج بس نصيحه اذا ياج الويع لا تخبرين حد الا اللي بيسير وياج المستشفى
احس من يدوربج الناس تتعسر
ولا تكتبين في التجمع سيري وتوكلي على الله ويوم بتربين بالسلامه بشرينا

البيبي وزنه 2.700 ك

واللبس مبهدل والنيوبورن مول ما نفع شكله يباله تايني

نفس وزن بنتي الحين بدا يترتب فوقها اللبس توها بتكمل شهر

[الف باء]

وانا بعد بقولكم قصة ولادتي ،،،

الخميس نشيت الضحى وسرت اتسوق في ايكيا وعقبه مردف ،، وبعد منها مشي وحركة،، رديت على اذان العصر ويلست ارتب الاغراض مالت النستشفى ترتيب اخير واغراض البيبي بعد لانه وايد اكياس ومحد يعرف غيري وين كل شي ينحط،،

العصر تجمع بيت اهل ريلي ماسرت من وقت سار ريلي بالعيال

تسبحت وتنشطت وسرتلهم ماكان فيه شي غير اوياع متفرقه فجسمي ،،

عالعشر سرت بيت يدوتي وهناك شربت حريروة ،، بدا الم منتظم بعد ماشربت بساعتين،،


رديت بيتي وسويت زعتر وعقبه خروع وكلت تمر ويلست ادعي ادعية الافادة في ورد الولادة،،

قلت لريلي ارقد وان زاد شي بوعيك،، تميت في اوياع لين 4 الفجر جان اييني ويلزم نسير المستشفى،، الاوياع كل 3 او 4 دقايق تتردد عليه موووووووت

وصلت الوصل وفحصوني كان 3 سانتي!!!! جاسني احباااط

نقلوني فوق للولادة وفتحت الماي وبدا الالم يتزايد،، والبيبي مايدفع ماحسبه ،، تكرمون مشاه بطنه ونزلت نبضاته فديته جان تقرر الدكتورة عمليه قلت برايه المهم تنقذونه

يوم دزوبي صوب العمليات حسيت انه يدفع جان ازعق عليهن انه بيطلع ،،

ردوني مكاني وكمن بوش والحمدلله ربيت بعد معاناه ،، اللهم لك الحمد والشكر،،

طول الويع اذكر ربي الحمدلله والاكسجين ينفع وقت التقلصات شفطته شفاط ،،،

شكله مشاااه من الخروع و الاعشاب ....هههههههه ولدج يحبج من سمع عملية قال خل تلاحق لامي عن يشوهوون بطنها وتم طول عمري تعايرني