التجمع الـ 11 لكروشات 4-5-6-2014 ❤️

[r3boooba]

رعبوبة كيف حامد و الأمومة شعور حلو صح شعور الله يرزقه لكل محروم خصوصا أول ياهل تحسين شي غريب

على فكرة شكلنا بناخذ اسمكم الريل نفس حالات غلى الكون مش مستقر وموعايبنه الأسامي اللي عطيته الحين صفى على حامد وفلاح

غلا الكون راشد وااايد حلو ونهيان بعد بنتي كان خاطرها في نهيان بس ريلي ماسوالها سالفه

حبيبتي شعور بصراحه حلو وصدق صدق تغيرت فيني اشياء كثيره للاحسن طبعا هههههه
الامومه فيها مسؤوليه كبيره ويبالها طولت بال وصبر

حلو اسم حامد وحمد ومحمد
سميه شرات ولدي هههههه
الله يحفظهم يارب
وتفرحين بشوفته الشيخ وهو بصحه وعافيه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[r3boooba]

روح المناصير مالها حس ولا خبر
صار لها فتره طويله مادخلت ولا سألت عسى المانع خير يارب

[x_haifa_x]

روح سعيد الله ييسر لج ولادتج يارب وتقومين بالسلامه انتي والبيبي

[x_haifa_x]

رعبوبه

ماشتقتي للحمل؟؟ احس اني اشتقت للحمل ههههههه

[أمل ظبيانيه]

روح المناصير مالها حس ولا خبر
صار لها فتره طويله مادخلت ولا سألت عسى المانع خير يارب

هيه والله روح المناصير مختفية كانت على بالي ان شاء الله المانع خير

[الف باء]

مبرووووووك هيفا ومس ديور ودااابشة

وام نااااني


متى موعد ولادتج وقتييي


راقية شكلج بتربين قريب انا بعد اذا ياني اسهااال خلاص معناه اني بربي قريب

[غلا الكون كله]

مرحبا بنات اشحالكم
باركولي اليوم فتحت الربط وارتحت بس صدق الدكتوره ايدها وايد الريال واحد غبيه صدق ضبحتني بغيت اموووت لا واخر شي زقرت وحده ثانيه هي اللي فتحت يوم انتي ما تعرفين ليش تتفلسفين وتعذبيني ويااج بس صدق معاناه للحين تحت وداخل يعورني الله يستر ما تكون سوت شي
والخبر الثاني راس البيبي فوق وعندي وقت لين الاسبوع الياي عسب يجلبونه عطوني الاثنين ادخل المستشفى عسب الجلب وقالت حتى الجلب مب مضمون عادي يرجع يقعد بس انا متوكله ع الله انه بينزل الراس لان في بنتي نفس الشي بس اخر شي نزل

[x_haifa_x]

الله يبارك فيج الف باء

[x_haifa_x]

غلا الكون

مبروووك على فتح الربط. وان شاء الله اتربين قريب وتقومين بالسلامه انتي والبيبي

[شوق قلبـي]

غلا الكون مبرووك واخيرا فتحوه

ان شاء الله بينجلب الياهل ماعليج عندج وقت

[r3boooba]

رعبوبه

ماشتقتي للحمل؟؟ احس اني اشتقت للحمل ههههههه

ههههههه والله وحشني وناويه بأذن الله على السنه اليايه
من شوي اخبر الحوامل بقروب الواتساب اني ناويه احمل وانها احلى فتره هذي

[r3boooba]

غلا الكون كله

حبيبتي بالبركه ان شاءالله وان شاءالله البيبي روحه بيقلب عمره بس انتي امشي وطولي في السجود
الله يسهل عليج غناتي

[غلا الكون كله]

الله يبارك فيكم
رعبوبه
وشوق قلبي
وهيفا

الله يسمع منكم وبنتريا لين الاسبوع الياي بس ان شاء الله ما اربي لين الاسبوع الياي عن بعدني الحين بدايه التاسع

[Um Rasho0ody]

مسا الخير .. الله يسهل عليكم..

[راقية بطبعها]

مسا الورد كروشات
اليوم رحت الفيستفال ومشيت من 12 لين 6 المغرب
مشيت مشي مال اجرام ههههه
بس خلصت وايد أغراض رحت بودي شوب
و رحت ماركس سبنسر و لاسنزا خذت ملابس داخليه حق يوم بكون فالاربعين أحب القطن مال ماركس سبنسر
و خذت هدية من باريس غاليري حق ريلي بمناسبة يوم زواجنا وخذتلي فستان قطني ناعم مورّد اسود واحمر ويا ربطة شعر اذا لحقت احتفل قبل ما اربي هههههه
و رحت ايكيا خذت كراتين حق أغراض المستشفى و ديكورات بسيطه حق طاولة الأكل
يعني الحمدلله خلصت وايد اشياء اليوم
رحت كارترز مسوين تنزيلات بس افرولاتهم تلوع الجبد مول ما حصلت شي حلو
وخذتلي بيجامات من نعومي بعد مسوين تنزيلات