سامحيني على الي سويته فيج وانتي صغيرة }~

**السنقباســـية** · 2014-05-22, 15:25

حـبيباتي والله دمعت عيوني من ردودكم ... ماتوقعت حد بيرد .... وفي بالي اكيد بيقولون شريرة إذا ماسامحتها ..... بس حبيت الاخت الي قالت فمن عفا عنكم ... والي قالت : "وَالْعَافِينَ عَنِ النَّاسِ أي مع كف الشر يعفون عمن ظلمهم في أنفسهم"
إن شاءالله .. مثل ماحاولت انسى بحاول انسى هالأشياء وبسامحها من قلبي مثل ماقلتوا مب عشانها طبعا عشان ربي يعطينا .. ويريح بالنا .... وتكون حياتنا حلوة ... والله حبيت ردودكم .. الي تشجع والي قلبها عورها وماتباني اسامح ..
حسيت انه لي خوات ... فديتكن والله .....

والي تسأل عن أمي ....... ( امي ابوي طلقها واعتقد بناءا ع طلب مرت ابوي لانه امي الثالثه وحرمة ابوي الثانيه وخلته يتزوج وحده غير وهذيج بعد عذبتنا يلسنا عندها سنتين ... وامي توفت في معترك الحياة ولكن احنا ماكنا ندري .. لأنه كنت دايما اقول حق خواني يوم بنكبر بندور عليها وبنعيش وياها ودريت من 5 سنين انها توفت ويتني صدمة ... ولكن الحمدلله على كل حال )

**افناان** · 2014-05-22, 15:35

الله يرحمها امج و يغفر لها و يجمعكم بها في دار كرامته حيث لا عين رأت و لا اذن سمعت و لا خطر على قلب بشر ، و ان يجعل مثواكم و مثواها في عليين مع الاتقياء و الصالحين

**ملاآك قلبكـ،،** · 2014-05-22, 16:17

لا تسامحين

**لمسات هادئه** · 2014-05-22, 17:58

صح ان المسامح كريم ..

بس اكثر الناس يضرونا هم الاهــــــــــــــــــــــــــــــــــل .. مشاكل مشاكل ,,, لين متى

وعقب يوم يستوا شي فيهم يتاسفون بس بعدها الدنيا بخير وما بنضايج عمرنا ولا نتعب عمرنا نحن ياييين لدنيا بس زياره .. وبنموت مردنا لتراب ,, وسامحيها الغاليه ربي يعطيج ع قد صبرج ..

**Fa.R** · 2014-05-22, 18:15

والله يا اختي الي سووته فيج مش هين !!

اخوج مغتصب ومنطرد وهو عمره 10
وتفركم عند الريول والحارس !!

انتي كيف ترضينها على عمرج ؟؟؟؟؟
فيني غصة من امس وانا افكر فيج !!!
انتي متأكدة انها مسلمة وتخاف ربها ؟؟ ولا يهودية هاي ؟؟
شو من قلب عندها ؟؟

مايسوى عليه اعامل يهال هالمعاملة بس لأنهم من الثالثة ااااخ عليها

**مذهــله** · 2014-05-22, 23:18

عني مابسامحها .. ليش ربنا خلق الجنه والنار للظلام الي شراتها..

**زم_قمر_ان** · 2014-05-23, 01:05

عينى دمعة من قسوة قلوب البشر

الله يعوضج خير ويعين كل طفل

عايش بعيد عن أمه وابوها

أو يتعذب يالله ارحمنا برحمتك

**ام مصطفى..** · 2014-05-23, 04:00

لا حول ولا قوة الا بالله

**روح.الامارات** · 2014-05-23, 21:47

على شو و لا شو !!

كم بيتحمل الانسان له طاقه .. واللي سوته مب شويه !!

بس ربنا و رسولنا يسامحون و المسامح كريم .. وانتي الافضل و ربنا بيعوضج ان شاءالله و ترا الحين يراويها عقابها فالدنيا .. منو يتحمل مرض و الم ..

**شمسة المرر** · 2014-05-23, 22:00

الله يحفظكم ويعوضكم خير
ويغفر لها

**مناتي الحلوة** · 2014-05-23, 23:46

حبيبتي سامحيها واجرج عند الله مايضيع الله يوفقج ويسعدج انتي طيبه

**cute uae** · 2014-05-24, 01:30

المشاركة الأصلية كتبت بواسطة فديت ماماتي..

فديتج

ربي بيعوضج على طيبة قلبج إن شاء الله

رغم كل المساوئ اللي شفتيها , ما زال قلبج سليم

ربي يسعدج أختي

**cute uae** · 2014-05-24, 01:34

المشاركة الأصلية كتبت بواسطة مراسيل الوفاآ

نحن بشر، بنكون مناقضين لعمارنا لو قلنا لج سامحيها
اللي مريتوا فيه ما بتنسونه لين اخر يوم ف حياتكم، الله
عوضكم بحياه افضل، لكن الماضي ذكرى والذكرى تمر
ع البال لو مب اليوم باجر وتضايق بالواحد، حطيت نفسي
ف مكانج واللي استنتجته، اني ممكن اسامح انسان حرمني
من الاكل، حرمني من البيت، حرمني من الفلوس، لكن يسلبون شرفكم
عشان الفلوس!! للأسف هي انسانه ما فيها قلب، اذا باب التوبه انغلقت
ف ما تنقبل توبة اي انسان هذا عند ربنا لانه اي واحد جريب يوم
الحساب بيخاف وبيتوب ع اخر لحظه، وهي نست هالاشيا قبل مرضها
وتعبها والحينه يايه تستسمح منج؟ ماعرف شو من قلب عليها، من حقج
انج ما تسامحينها ك قلب انسان تعرض لأبشع معامله من طرف اهله اقرب
الناس له، لكن كـ مسلمه اقولج سامحيها وتناسي الموضوع ادعيلها ف صلاتج
انه الله يشفيها وحقج عنده ما بيضيع والحينه لج عالم ثاني، انسي اللي فات
واهتمي ف حياتج اليديده و وكلي امرج لربج

**A+k** · 2014-05-24, 02:07

الله يسامحها يارب. صح صعب تنسين. هاي الدنيا الله يكون بعونج يارب

**السنقباســـية** · 2014-05-24, 02:29

حبيباتي والله ... اختي فاطمة احمد .. اكيد ما ارضاها لا على نفسي ولا على اخواني ... والله وقتها الله كان أعلم بحالنا ... والله يريح بالنا .. وينسينا هذي الالام .. المشكلة انا قوية لكن خواني واحد منطوي والثاني هايت ف الدنيا بروحه عايش في شقه بروحه لا حد يدري عنه واذا مرض محد يداري به .. تخيلوا واحد من صغره عايش بروحه ... وحليله يكسر خاطري ..

الموضوع: سامحيني على الي سويته فيج وانتي صغيرة }~

أدوات الموضوع

عرض

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

رد: سامحيني على الي سويته فيج وانتي صغيرة }~

المواضيع المتشابهه

شو احلى كلمة انقالت لج وانتي صغيرة؟؟؟

سامحينى يا أم الغالىىىىىىىىىىىىىىىى..!

يمه .......يا امي ................يالغاليه ... سامحيني

شو كنتي من اليهال وانتي صغيرة؟؟

سامحيني أمي