البس ولا ؟!!

[اتعبني غلاهـ]

مرحبااااا

بنات كنت بسالكم لو راييلكم قالولكم تلبسون نقاب بتوافقون ولا يعني مب نقاب كامل كامل لا ماعرف شو اسمة بس هذا الي تحطينه ع نص الويه انا ريلي يباني البس وانا ابد مب حابه الفكره معنى يقولي مابتلبسينه دوم بس يوم بنروح المولاات والاماكن الي فيها زحمة انا احيانن احس اني مقتنعه ب كلامة واقول دام مولات بس عادي بلبس واحيانن اقول بعدني صغيره ليش البس من الحين ماصار ع زواجي 3 شهور مب عارفة شو اسوي بس جد يوم اقوله اني مابا البس احسة وايد يتضايج ويقولي انتي ماتحسين فيني ولا تعرفين الشباب كيف يجوفون الحرمة بس انا مابا ارضيه هو وازعل عمري شورن علي يزاكم الله خير لان صدق هالموضوع مخلني مارقد عدل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Diana Sy]

ليش لا أختي البسي نقاب دام يقلك البسيه بس بالمولات وأماكن الإزدحام
ربي يسترنا دنيا وآخرة

[ام عمورر]

ارجعي لسنة الرسول عليه الصلاة والسلاة وتعاليم الاسلام وشوفوا شو أمروك بإتباعه هل امرك بالستر ام التبرج واتبعي ماأمروك به خلي قال زوجي وقالت اأمي ،،، اتمنى قصدي واضح

[لحنْ #]

بالشرع مب حرام انج تمشين بويه مفتوح ، فقط كفج وويهج حلال تبينيه بالشوارع والاماكن العامه وع الريايل وجي
بس المهم ماتكونين متبرجه ، يعني حاطه ميك اب
لكن اغلب الريايل تفكيرهم جي ، ان لازم حرمته تغطي ويه ، وانا مثلج ماتغطى
بس ف اتفاق ع ان بعد الزواج لازم اغطي ..
ف لازم بالنهايه تمشين ورا كلام ريلج واللي يباه
يوم عن يوم بتتعودين
وزين ان يقولج مب دايم بس المولات والزحمه ، ارحم شوي
بتكبرين بعينه لو سويتي كل اللي يباه
وهالشي يمكن يخليه بعد فتره لو كلمتيه بهدوء ان يخليج براحتج من هالناحيه

[أحلام علي]

موضوع في وقته

نسمع باقي الاراء

[Um Sha5bo6]

انا بعد عقب الملجه ريلي قال لي انه يباني البس نقاب.. أول شي ترددت بس بعد ما اقنعني أبدا ما مانعت..
الريال بطبيعته غيور على عرضه.. فأنتي توكلي على الله والبسي مثل ما قالت ميار بتكبرين في عينه..

الله يوفقج حبيبتي ^_^

[sama DXB]

يختي مايخصه صغيره و لا كبيره ع النقاب
انا لبست النقاب من كان عمري 19
والله ارتحت من نظرات الرياييل
يوم خطبني ريلي ماكان يعرف اني متنقبة
بس يوم خبروه يقول حبيتج زياده
و صدقه الريال ترا مايحب ربعه ولا معارفه يشوفون حرمته
الله يستر علينا و عليج اختيه
البسيه يوم اتسيرين المولات و انتي بتحسين براحه

[زم_قمر_ان]

أنا اشوف زينة الحرمه ويهها فﻻزم تغطيه

والله يستر علينا وعليكم

[Cobon]

اختي الغالية ها الامور خاصة فيج
شاوري نفسج و جوفي شو اللي تبغينه

[ليندااااا]

اسمعي كلام ريلج
اول فترة بتشوفين الموضوع غريب وصعب عليج وبعدين بتتعودين فديتج
وبعدين الريال ما يطلب هالطلب من حرمته الا لانه يغار عليها

[افناان]

بالعكس النقاب اريح شي في المولات و السوق
تخلصين امورج مرتاحة و ريلج مرتاح نفسيا
النقاب ستر للحرمة و تؤجر اذا لبسته من طيب خاطرها
نصيحتي لج : اسمعي شوره دامه و مأجورة و بتتعودين بسرعه ع النقاب

[Ward-uae]

اتلاقيت مع ريلي في اجتماع الدكاتره وانعجب فيني وخطبني ومن الملجه طلب أني اتغشى مب بس نقاب في البدايه رفضت لين صار موقف في مكان عام ربعه شافوني ويضحكون معاه ما عندها خوات صج احرجته واحرجت نفسي سمعي شوره

[هجير الشمس]

اطلعين ويهج هاه مب حرام بس لازم تقدرين غيرة ريلج لنها نابعه من حبه
وطاعته واجبه عزيزتي
وفيه شي لفتني
اذ بتلبسين النقاب اللي يطلع فيه حواجبج وعيونج
الافضل عيل ما تتنقبين
لن هالنقاب فتنه للوحده
والله يوفقج

[صدى الغرام]

السلام عليكم رايي من راي الخوات وها دليل الغيرة والحفاظ على الزوجة ، وما يبغيلها تفكير هو ما طلب شي عيب هي لو قال عادي تلبسين اي شي وعباه مفتوحة وانا ريال فري هني انتي لازم تفكرين الف مرة وتقدرين ترفضين وانتي مقتنعة بس مدام الريال طالب لج الستر ها حطيه بعيونج وقوليله على امرك

[سار90]

ياليت يقول لي البسي نقاب
ياليت يقولي اغاااااار