لندن و لكن .....

[غرور بدوية]

السلام عليكم و رحمة الله و بركاته ..
بنات استشارة سريعة .. بعد احداث لندن الله يسلم و يحفظ الجميع اتوقعون ممكن حد يسافر لها فالصيف ... صراحة أنا وايد محتارة و زايغة معنه سفرتنا بتكون نصها شغل و نصها سياحة ...
فشو اتشورون عليه و خاصة خبيرات لندن ..

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dena22]

اعوذ بالله من بعد سالفه بو مطرقه بعد حد يسافر هذي البلاد وايد ناس كنسلوا وحجزوا المانيا وماليزيا

[السنقباســـية]

ياربيه وايد كان خاطري اروح لندن ...... بس جيه هالعصابات ابعدوا الناس عن لندن.... الحين الكل غير وجهته ... الي ساير المانيا والي ماليزيا والي ايطاليا ...... المهم مب لندن ... بس انا في قرارة نفسي اشوف لو الوحده تقرا دعاء الحفظ وتحصن نفسها ... وتلبس لبس عادي بدون ما تجذب الناس لها ان شاءالله ماراح يصير شيء للعايله المسافرة ..

[روح.الامارات]

الغاليه انا كنت في لندن وقت ماصارت سالفه البنات ولسووء الحظ كنت في نفس الفندق .. كنت ما انام الليل و من اسمع صوت خلاص اتنافض ..
بس الفندق كان ولا كانه شي صاير نحن ماشفنا شي و لا سمعنا من حد في لندن .. بس كانت في صحافه تسال كل اللي يطلعون من الفندق قلنالهم ماشفنا ولاسمعنا الا اللي يتداول ع الواتس اب ..
و الوضع في الشوارع و المولات كان جدا عادي .. بس تعرفين الخوف كان في قلوبنا ..
و السياح في لندن واايد بينقصون مش مثل قبل .. بس انا اقولج روحي و طبعا الاذكار اليوميه لاتنسينها و استودعي نفسج ومن معج لله .. و طبعا لاتلبسين شي يلفت الانظار ( للحرمه و الريال ) مثل سوع وخواتم و اشياء ماركات احزمه والخ .. لانه هذا اللي يغريهم للسرقه .. انا حتى شنطه ما كنت اخذ ماركه عقب اللي صار ههه ..
توكلي على الله .. لندن حلوه بس للاسف مووووووول ما اسانست بشي بسبب الخوف و القلق .. بس الحمدلله عدى كل شي على خير ..

[حلمي الوردي]

لاتبينين لهم انج من البلاد

[ش.و.ق]

انا بروح ان شاء الله في الصيف

[munamoor]

انا بروح ان شاء الله في الصيف

ش.و.ق لج رسالة على الخاص بليز اقريها ،،،و برري موقفج من توريط احدى الاخوات

[ياقوتةخضرا]

قل لن يصيبنا الا ما كتب الله لنا

اتوكلي على الله وسافري

لكن

خذي احتياطاتج :

1 اسكني في فندق 5 نجوم واتاكدي انه في كيمرات مراقبة
(لا تغرج الفنادق اللي اسعارها رخيصة)

2 اتعاملي بالكريدت كارد وابتعدي عن الكاش

3 اذا اضطريتي تصرفين في محل صرافة
اصرفي مبلغ بسيط

4 ابتعدي عن المبالغة في الاستعراض في لبس الشنط الماركات والساعات والمجوهرات الغالية

5 لا تسوين لج روتين يومي يعني تنزلين في وقت معين وتيلسين مكان معين وتروحين وقت معين
عشان اذا حد يراقب ما يعرف تحركاتج

وشوفي تقرير الاخت شما الهاجري اللي سوته عن لندن وايد ممتع
http://forum.uaewomen.net/showthread...5#post42933295

وسفرة سعيدة مقدما

[مون 55]

الله يعين ..........

[عيوون احمد]

انا احتماال اسافر اخر هالشهر لندن والله صديقتي سارت ماليزيا واعتدو عليهم ومعاهم اطفال بعدد احس هالشي وارد باي مكان بس الحمدلله احنا نحاول قد مانقدر نطبق قاعدة ياغريب كن اديب وثانيا مانروح نستعرض نفس البعض الله يهديهم كىنها رايحة تعرض ممتلكاتها ومجوهراتها وماركاتها <<تكره هالنوعية
مايشوفون الاجانب يوم يجون عندنا وش يلبسون تيشرت وشورت وسليبر والحياة بسيطة وسهلة وانا يالطيف من اروح باريس واشوف خواتنا في الله الي كيلو ميك اب وشنطه اثقل واكبر منها وكل الاساور الماركات الي بالدنيا حاشرتهم بايدينها حشرر وحلق ونظارة وساعة وماعرف شو بعد اقول هاذي شوو تبااا ؟؟ صدق شوو تباااا

[meem reem]

انا كنت حاجزه لندن شهر 6 بس عقب اللي استوى غيرت وجهتي

[غرور بدوية]

يا ربي من احين قلبي يرقع ... بنات مشكورين ما قصرتوا أوقات أحس أني مرتاحة و من يضوي الليل أيلس افكر و اهوجس ،،و بالفعل ترا أنقهر من اللي يتكشخون هم اللي اييبونه لعمارهم .. شكلي ما بشل شنطة خير شر و بلبس جلباب بدل العباة عشان ما انعرف ههههههه و اسكارفات بدل الشيلة و كله عادي ،هذا إذا الله كتب ..و تبون الصدق ترا الواحد الا بيتشرى و لازم بينتبهون ،،، الله يستر و يحفظ الجميع و يسلمهم و الكل يستانس و يرد لأهله سالم غانم ...

[ام-مريم]

حبيبتي الاوضاع عاديه وما في اي شي انا موجوده في لندن واروح وارد بس سبحان الله كل شي مكتوب والله يشفيها الاخت الي اعتدوا عليها

[ربطه عنق]

مرحبا انا بعد خاطري اسير لندن بس غيرنا لباريس ان شاء الله ما عليه الاجازه اللي عقبها اذا الله اراد لنا

[شما الهاجري]

انا كنت في لندن وقت الحادث وتميت شهرين بعد
كنا نطلع كل يوم للهايد بارك ونمر صوب فندق كمبرلاند يوميا
محد له خص فينا والحمدلله ماصار لنا شي
وماكنا نستخدم الكاش بالمرة كله الفيزا
وانحصن نفسنا كل يوم اللهم لك الحمد
وبعدني شهر 10 برد اسافر ان شاء الله