رايكم صبايا

[حبيبة كلود]

بنات سموحولي من يومين كنت عند ربيعتي وحالتها نفسية تعبانة بس تجذب روحها المشكلة ريلها تقولي يخونها وهي ساكتها مب مرة وبس ويعني خيانة ياليت لو شوي تقول ماقدر اقوله شي يرمسني ويبرر نفسه وتسكت معنها عارفه يجذب للاسف هي تتدرس احين فجامعة وعنده ولد صغير ويالسة فغرفه مع واهله قبل ماكنت اوكي علاقتها معاهم بس احين اوكي وعندها ولد وكملت سنة احين من الزواج المشكلة لو سويت شي يتم يحقرها وتوعل كم مرة نصحتها لا تسكتين بس خايفة تسوي شي ويطلقها اونه الحين لانه ماتبه ترد بيت اهلها لمشاكل عائلية وماصدقت عرست بهالانسان لو هو في عيوب وريلها وايد عصبي ومتحكم في اتفه الاسباب حتىسيارتها هو ويستخدمها ويوم يعطيها مصروف 500 حقها وولد ومرات ياخذه منه اذا ماشي بيزات له قالت مليت حتى ملابس العيد سارات فصلتهن مع خواتها ولا سو لها شي لحجة راتبة مايبقى شي من الديون الي عليه من والله قاعده تقول مليت من هالعيشة بس ماعرف شو اقولها كسرت خاطري والله وقلت بشوركم لانكم خواتي ويهمني شوركم وماعرف شو اسوي للعلم هي حتى النت مايخليها تتدخله الا يوم تروح الدوام

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Cobon]

هذا العيشة معاه تقصر العمر لو تمت ساكتة

هي تقدر توقفه عند حده مب بالطلاق لا حشى لكن بالتهديد و تنبه بها الشي انها ممكن تتخذ اجراء ثاني
بس هي ساكته عنده و هو يتمادى كل يوم

[[..دانــة..]]

وليش كل هالخوف دامه يخونها
خلها تمسك عليه أدلة
اذا ما فاد الصلح والكلام الطيب
تاخذ حقوقها منه كاملة فالمحكمة
ولو تطلقت يدفعلها مصرووف مب أقل من 1000 حقها وحق ولدها
ويحطلها خدامة وبيت لها بروحها
الدنيا مب لعب وخرابيط شي حقوق وشي قانون
وخليها ترمس خواتها يساعدونها تحصل محامي زين يفكها من شره!

[مراسيل الوفاآ]

دامها انسانه ضعيفه وريلها يدري انها ضعيفه
ردودنا ما بتفيدها ف شي لانها ما بتقدر تاخذ
خطوه وتجازف، اذا فعلا تبا الحل ف عندها
الاصلاح الاسري لانه الواضح من كلامج انه
ريلها عادي عنده يطلقها واهلها ما بيوقفون
وياها لذلك هي المفروض تتبع الحل الانسب
مب حلول عشوائية وتخرب حياتها بإيدها اكثر
من ما هي متدمره

[Fa.R]

مديون ويخون !!

خلها ادورلها على وظيفة عسب تعتدل حياتها
الـ 500 درهم شو تسوي الحين ؟

الله يكون في عونها . .

[ام هزاع2013]

الله يعينها البنت شكلها صغيره وتدرس ومضغوطه من دراستها وولدها ومشاكل ريالها ومصاريف البيت ....

لازم حد من اهلها يكلم الريال ....... الله يكون بعونها ويفرج عنها

[حبيبة كلود]

امين ماقصرتو ان شاء الله يارب ادعولها بس

[ورقة ناعمة]

ابسط طريقة تنسحب من حياته بهدوء

[حلو مالح]

الله يفرجها عليها ويهديلها زوجها بس لازم تحكي مع حد من طرف زوجها انسان عندو حكمة ينصحو

[عنيده بحبك]

الله يهديه ,,

اختي الساكت عن الحق شيطان أخرس و هي لازم توقف هالمصخره عند حد معين ,, ما يصير يخونها و هي توها مكمله سنه وياه!
يمكن ما يباها !! او يمكن يخونها مع وحده عسبت يتزوجها ! و لو فات الفوت ما ينفع الصوت
في وايد طرق غير الطلاق و اولهم المواجهه و المصداقيه

[زم_قمر_ان]

الله يعينها وﻻزم هى تأخذ قرار حاسم في حياتها

وتحاول تعدل اﻻمور ﻻﻻ تتدخلين واايد

باجر لو سمح الله وطلقها

بتقول شورج؟؟؟؟

[Ward-uae]

يخون ويهينها وما يصرف عليها وتخاف تتطلق وعندها ولد وتدرس
ما برر لريلها لكن تقدر تملك عقله وقلبه المفتاح بايدها هي انثى

[يسرا ام نوف]

الله يهديه

[ليندااااا]

المفروض توقفه عند حده
وخلي الطلق اخر الحلول
تخبر اهلها وخل حد منهم يتدخل