مجرد كلام

**مطلقة وافتخر** · 2014-05-12, 04:50

السلام عليكم خواتي
بخبركم يمكن مب اوكي الوحدة تقعد تتشكى بس أحس بكتمة
مثل ما تعرفون انا منفصلة من سنين بعدت عن أهلي فترة مب بسيطة ورجعت من كم شهر بس أحس بوحدة متعبتني يمكن لأن ما عندي صديقات و ما أحب أكون ثقيلة على أحد في الدوام دايما بروحي لا تسألوني ليش لأني بروحي ما أعرف
دوم أسأل نفسي هل العيب مني لأن ما حولي أحد وأجاوب اكيد مني
الحمدلله ع النعمة بس جد تعبت من الوحدة

المزيد من آخر المواضيع من نفس القسم:

**مراسيل الوفاآ** · 2014-05-12, 15:20

اهتمي ف نفسج وف حياتج
بتلقين الناس تهتم لج وتتقرب
منج

الله يوفقج وييسر امورج

**مطلقة وافتخر** · 2014-05-14, 18:40

شكرا للرد مراسيل الوفا

**بنت الشوامخ** · 2014-05-15, 00:33

حبيبتي الوحده شينه و مره
ليش ماتكونين صداقات وعلاقات مع غيرج
حلو انه الانسان يختلط ويحتك اكثر باللي حواليه وخصوصا مع اهلج هم عزوتج قوي علاقتج فيهم

وعسى الله يعوضج باللي احسن عن طليقج و دوم ادعي ربج انه يصلح حالج

**ام مصطفى..** · 2014-06-01, 04:44

حبيبتي اهتمي بعمرج وشكلج و كشختج لو عمرج 40 بعدج صغيره ..
تقدرين تزوجيين مره ثانيه وعاشره لا تهملييين عمرج ..

**حرم الحميري** · 2014-06-02, 10:23

اشتغلي جذا بتحتكين مع الناس ولاسوي تجاره صغيره تشغلج

**لياالينا** · 2014-06-08, 13:01

ما ألومك أختي ، الدنيا اتغيرت والناس كلها لاهية ، والوحدة رغم مرارتها لكنها احيانا ارحم من القرب من الناس
لكن الامل في الله انه يكرمك بالصحبة دايما موجود ، ادعي ربنا يكرمك بالانسانة الصالحة اللي تكون اخت لك...
والله المستعان

**غرووب 22** · 2014-06-15, 21:59

لا اله الا انت سبحانك اني كنت من الظالمين

**Cobon** · 2014-06-16, 11:04

حاولي تتعرفين على الناس
و الحياة تجارب يمكن انتي تخافين تتعرفين ع ربيعات او زميلات
اشتغلي - اعمال تطوعية- نادي رياضي - دورات
حياة اجتماعية مع اهلج و اعراس و زيارات اجتماعية

**ماسه حساسه** · 2014-06-23, 19:21

الوحدة غالبا تتكون في داخلنا قبل لا أتي من الاخرين ، لاتقنعين نفسج انه من الناس او الظروف، وكل إنسان يتعرض لمشكلة في حياته لكن الهدف انه يتغلب على مشكلته ويحاول يعيش حياته، موضوع الطلاق انتهى الحين فكري بالأيام اليايه ، اهتمي بالناس علشان يهتمون فيج وساعديهم وعاونيهم ..

**مطلقة وافتخر** · 2014-06-24, 13:14

مشكورين خواتي ع الرد ويزاكم الله كل خير

الموضوع: مجرد كلام

أدوات الموضوع

عرض