دكتورة جي الألمانية في كوزمسيرج أبوظبي _ عملية شد البطن

[الشوق السرمدي]

الســلام عليكم ورحمـة الله وبركـاته

تحيـة طيبـة على أطيب خوات
و جزاكم الله خيــر على التفاعل فالموقع



بس حبيت أستفسـر عن البنات اللي مسوين عمليات شد كامل للبطن وكم هي أسعارهــا ؟
وايد مدحولي الدكتور جي الألمانيـة
وهي بالعادة دكتورة زايرة و حسيتها بروفشنل الصراحـة
و كم مدة التنويم بالمستشفى ...؟
كيف قدرة التحمل على هالالام اللي تحصل ...؟
أنا موظفـة ، كم يوم لازم أحسب أجازة حق نفســي ...؟
يسسوون نظام الإجازات يعني ينفع أخذ من عندهم ورقـة تفيد بعمليـة ...؟
متى تروح الآلام .. ؟ متى تختفــي بالضبط ...؟

و هل يرخصون الأسعار ولا خلاص الأسعار ثابتـة لأني أفكر بعمليتين مرة وحدة ...؟

ياليت كل بنت عندها خلفيـة عن الموضوع تساعدنـــي وبكون شاكرة لكم
و صح صح .. سمعت يسوون أقســاط ... ... منو سوت أقساط ...

المزيد من آخر المواضيع من نفس القسم:

• افضل نظام غذائي مضمون لتنحيف البطن امن وفعال
• رجيم الكيتو في رمضان
• اهم اخطاء شائعة في الرجيم
• افضل طرق تنحيف الارداف
• خطوات واسرار تنحيف البطن بسرعة
• افضل نظام غذائي للتنحيف بعد الولادة القيصرية
• افضل طرق تنزيل الوزن الثابت
• افضل رجيم سريع ومضمون للتنحيف
• افضل اكلات لتنحيف وشد البطن
• طريقة زيادة الوزن في اسبوع للنحيفات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بسمه الحياه]

بليز اللي مسويه ترد %^^

[الشوق السرمدي]

وين التفاعل خواتي .. ساعدوننا بخبراتكن لو سمحتن

[ام سعووودي]

هلا اختي
انا من شهر مسويه عندها عملية شد البطن مع شفط الدهون ..

حجزت قبل العملية بكمن اسبوع مع دفع مبلغ الحجز وكانت العملية يوم الجمعه .. رحت من الصبح صايمه وكانت عمليتي شد البطن مع شفط الدهون من ورا ومن الخواصر
تكلفة العملية 35 الف تقريبا او 37 الف

وانا موظفه داومت للخميس وبالجمعه العمليه .. قبل لاتدخلين غرفة العمليات يعطونج السيكليف لمدة اسبوعين بس .. ويكفن لكن انا بعد العمليه صابني صداع نصفي فظيع فكنت اخذ اجازات يعطونج بعد مايكشف عليج الدكتور ..
والآلام شو اقولج .. لانه انا الشفط من ورا كان صعب يعني كنت نص بنج بس لحظه مايشفطون احس شي يضايجني فجسمي .. وبعد العملية بتحسين بألم لكن لانه انا مجربه القيصري فهانت علي عمليه شد وقص البطن ..
فدفعتهم واجلت 5000 و5000 على شهرين اقساط .
ترقدين يوم واحد عندهم وثاني يوم شلوا عني الرتوش والدكتورة عن تجربه فنانه ورهيبه من ناحية الشغل ومن ناحيه التعامل في قمة الاخلاق وحنونه حسيت براحه معاها واطمانان والله العظيم بدون مجامله
انا وزني كان 90 وطولي 160 ومتني اكثر شي تحت ..

الحين وزني 87 لكن لازم اتبع ردجيم عسب النتيجه تبان اكثر ..واسعار الشفط تختلف اذا ماتبين شفط بيقل المبلغ .. انا لانه شفط ورا وجدام ..

[Mis angela]

الدكتور جي الألمانيـة
انا مسوية عندها عملية شد وشفط خفيف بصراحه ماعليها كلام وحسيت بعد العملية عطول بخير بس بعد مارديت البيت العذاب لان صدق يباله عناية خاصة وبعد ين انا اشوف لو يخلون المريض يرتاح في المستشفى اكثر بيكون كل شي تمام بس انا ماانصح شفط وشد لانه متعب هاي تجربتي

[زم_قمر_ان]

ننتظر باقى التجارب

[حرم الحميري]

بتخبركن تنفع للكبار بغيتها لامايه حليلها ظعفت من السكر بس تم الكرش تعرفون مالحمال والظعف وتم الا طايح تغمضني مرات يوم تشوف ربيعاتها يترصصن مع انها ما شاءالله اشطر عني تروح سباحه

[Mis angela]

انا انصح شد بس بدون شفط لان الشفط متعب

[كتكوتة حبيبي]

كل الي جربها يخوفنا من الألم
فما عرف احس بالخوف من ذكر اسم العملية

[Mis angela]

تجربتي كانت ناجحة جدا وانا تعبت شوي بعد العملية ثاني يوم فقط لان كان عندي فقر دم لهالسبب اما عن العملية ممتاوة والدكتورة شاطرة وبصراحة نتيجة مرضيه 100%

[المغتربة]

اببببببب

[سمايا1975]

اببببببب

اذا بتسوينها عند د. جي في كوزموسرج ابوظبي فتوكلي على الله شغلها وايد نظيف و الخياطة عبارة عن خط رفيع تكلفة العملية انا كان فيني فتاق و ترهل في جلد البطن و شوية دهون كلفتني العملية 45 الف درهم شاملة يوم واحد في المستشفى و 4 جلسات مع دكتور تغذية و 4 جلسات LPG و الفحوصات الي قبل العملية. مكان الجرح ما تحسين فيه الي صدق يعور هو مكان شد العضلات كانك مسوية رياضة بطن عنيفة و هو محتمل جدا لانه يعطونج مسكّن الم. و بعد أماكن الشفط تعور كأنه عوار كدمات. ما بترومين تمشين بشكل مستقيم لمدة اسبوعين طبعا يتحسن يوم عن يوم. المهم اني انا مستانسة من العملية و الحمدلله اني اخترت أسويها مع د.جي بعد ما لفيت عند كذا دكتور. اولا انها حرمة و طلبت انه الطاقم الطبي كله يكونوا حريم حتى دكتورة البنج.
و تعامل الممرضات فوق الرائع بصراحة. و الحين كل ثلاث ايام اروح أغير على الجرح عندهم.
اذا عندكم اي استفسار انا حاضرة

[Umsaeed alnuaimi]

السلام عليكم ورحمة الله وبركاته
خواتي بليز ابغي اسوي شد وشفط وعندي اسئله الي مسويه تعطينا تفاصيل