'fطبيعي ولا مب طبيعي ..؟؟

[ام سعووودي]

مرحبا خواتي ..
بغيت اشاوركن فشي .. لكن مابا تقولن عنده وحده ولا عنده حد ..لانه اعرف ماعنده حد ومتاكده
السالفه طبيعي ريلج مايي صوبج نهائيا لمدة طويله شهور .. انا ماقصد الجماع .. لا الجماع واللمس والحضن وووووو.. الخ
طبيعي هالشي ولا انا وريلي مب طبيعين ..
لانه جد ريلي مايي صوبي الا فالشهور كمن مره يوم يبا يجامعني .. لكم طول الايام مافي لمس نهائيا ولا في حظن ولا بوس ولاشي ..رغم انه نحب بعض لكن انا استحي لو ابا اقرب منه احس هو مايحب واتراجع .. واخلي كل شي فخاطري .. نحن معرسين من 7 سنين ..
ومرينا فمراحل صعبه ومشاكل .. لكن كل بيت مايخلا من المشاكل .. وانا اعرف هالشي ..ولاتتحروني ماصارحته صارحته اكثر عن مره انه ليش ماتقرب ليش ماتشتاق .. دوم يقولي يوم تعانديني ماروم اقرب منج احسبج واحد من الشباب .. يعني تعرفون تستوي نقاشات بيني وبينه .. لكن طبيعته يحب يفرض رايه وطبيعتي ماقتنع فشي غصبن عني ..

ماعرف جد العناد هو المشكله ولا انا فيني مشكله ..
وصارحته وقلتله اذا فيني ريحه فيني شي ماتحبه صارحني قال لا والله عمري ماشميت منج شي وانتي حلوه ودوم اقولج لكن لو تخففين من عنادج ...

وطبيعتنه انا وهو مانصارح بعض فالجنس .. متا مابغا عطيته وهذا فالشهر مره او فالشهرين مره او اكثر ..

لكن انا اتكلم عن الحنان عن اللمس طبيعي جي فالشهور مايلمس ولا يقرب رغم انه في سرير واحد لكن هو فصوب وانا فصوب .اشتاقله وابا حنانه لكن خلاص ماروم اقرب منه لانه فداخلي احس مايحب لمسي ولا قربي وخلاص الحين استسلمت وخليت امري على الله .. يعني ماناقشه ولا شي لاني تعبت قلت بخليه على راحته اذا يبا يلمس بيلمس واذا مايبا خلاص .. لاني احس كل ماصارحه والله يبتعد اكثر واكثر .. وانا نفسيتي تعبت لانه صعب تعيشين مع انسان تحبينه ويحبج لكن في حاجز بينج وبينه يمنعج تقربون من بعض . لانه طبيعي الحرمه تحب الحنان واللمس والبوس ..لكن انا قلت خلاص ربي فوق ويعرف بحالي وسلمت نفسي لربي.. لكن اخاف مع الايام هو يمل ويروح لغيري ..ماعرف الغلط مني ولا منه .. لكن انا وايد احاول فالسياره ازخ يده وفالسينما . احس به يشرد يعني يشل يده من ايدي يبا يسوي شي مثب يعدل غترته ولا اي شي يشغله عني .. كل مامسك يده لازم يطلعله صرفه . وحتا فالسرير يوم اقرب منه يقولي فيني رقاد ولا انا يالس عالتلفون .. واذا كنه فالصاله نشوف فلم شوي احط ريوليه عريوله يقولي مب وقته الحين اجوف فلم .. احترت معاه والله من كثر مايطلع اعذار خلاص اتقوقعت على نفسي ماروم ابدا اقرب صوبه ..

لكن لو ياه يوم وراح لغيري .. مابيرتاخ اذا عطاها كل شي .. وانا كان حارمني لانه ربي فوق وربي ماينسا عباده .. عسب جي ماتعب نفسي وانبش وراه .. الله يحفظه ان راح لغيري لكن متاكده ربي بيعاقبه اشد العقاب .. لانه ابعدني عنه ولجأ للحرام .. والف مره قتله اذا تبا غيري روح والله مابمنعك لكن خبرني قبلها عسب اخليك حقها .. لكن انا اكون معاك وعلى ذمتك وانته شبه هاجرني وتروح من وراي تستانس مع غيري ..ربي مابيسامحك ابدا.. يمكن من كثر مايرفضني ويبعدني عنه واتقوقعت على نفسي ..صرت خلاص ماروم اقرب صوبه والله العظيم رغم انه الشوق فقلبي وعيوني دوم تتريا منه شي لكن خلاص نفسي عافت هالشي ..ايلس دوم اتخيل انه يمسكني ويحظني ..المشكله يحبني وعلاقتنا الزوجيه زينه ندخل ونطلع صح في مشاكل بسيطه ..

واحيانا اقول يمكن هذا بلاء من ربي يختبرني اصبر عليه ولا لا ولي الاجر ان شاء الله ..

صعب تشتاقين لشخص قريب منج ومعاج لكن ماباليد حيله ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لاتجرح احساسي]

اختي والله حاااسة فيج شعور صعب عدالج زوجج وحبيبج ولايلمسج ولا يهتم فيج الله يكون فعونج عليج بصبر وقيام ليل وقراءه سورة البقرة والصدقه
والدعااااء والي ربج بيكتبه بيصير لا تياااسي من رحمه الله ربي يوفقج ويرجع العلاقه مثل ماكانت واحلا بعد يارب اميين

[المغتربة]

اختي الغالية انا انصحج لا تستحين مول خلي ويهج لووووووووح بليييييييييوت ولو هو ابتعد و احبطج شوي لا تزعلين كملي ع ها الشي
ذكرتيني بوحدة عندها نفس مشكلتج هو يمكن يستخدم ها الشي كوسيلة للعقاب و نتيجة هو يلجأ للحرام ع حسب اللي فهمته من كلامج عسب جي يمكن شبعان وما يقرب صوبج


قلت لها ابغيج ترمسين وياه بهداوة و تقولين الكلام بطريقة حلوة و بعتب و لو بزعل و بدمعة مب مشكلة

انا انسانة و اخاف الله و انا حرمة مب ريال ما اقدر اتزوج 3 و 4 و 2
وين اروح وين القى الحلال !!!!!! يوم انك ما تعطيني ال .............
و في حديث ان حتى الرجل يُلعن لو ما قرب حرمته احيد سمعته ع الاذاعة في مداخلة لشيخ . دوري الحديث و خبريه

بس والله يعتمد ع طبيعة ريلج
والله ريلها انصدم من كلامها لانه قوووي و هي من النوع الهادية الكتومة


و تغير واييييييد عن قبل و خاف بصراحة و صار احسن
نصيحة قولي له كاش انج تبغين الحلال ولا تترين شي ابدا

[غلآ نفسي]

ما فهمت سالفه العناد

تعاندين في امور ( اللمس ) والا تعاندين فالكلام

فررق ترا اذا كنتي تعاندينه فاللمس ف ريلج طبيعي ما يقرب صوبج .. اما عنادج فالكلام ف هذا اشوفه عذر اقبح من ذنب

يمكن برودج اول ايام الزواج السبب ان هو خلاص ما يقرب ما يحضن مستوي بارد

ترا الحرمه بعد جزء من برود الريال

شوفي عمرج كيف كنتي معاه اول ايام الزواج سواء شهر العسل والا بعد سنه زواج

مستحيل ريال يحب حرمته وابد ما يحضنها او شي الا وقت الجماع

انا ريلي يحبني يموووت فيني مرات يبتعد عني يقولي اشوفج انتي ما تبيني والا انا اباج كل يوم .. ف مرات الزوجه تعطي اشاره غلط ف الريال يبتعد لا اراديا

بالتوفيق

[ناروتا]

غلآ نفسي هي تقصد العناد في المناقشات وواختلاف بالآراء , وهذا شي يحصل بين اي زوجين

انا مع الاخت المغتربة بكلامها , الحل يبدأ من عندك , بصراحه لازمك جرأه زيااااااادة , ولا تستنين منه اي مبادرة , يمكن تغيرك يغيره
والموضوع مش على خاطره انت ايضا لك حقوق
وغيري بشكلك ولبسك وعطرك ,شوفي شي ما جربتيه قبل من لبس او مكياج او عطر , يمكن يكون طبعه ملول
كل التوفيق

[Fa.R]

كيف يحبج وهو مايباج تمسكينه ولا ادقينه ؟؟ شو ياينه ؟؟

الله يهدييه يارب ويخليه له ويبعده عن الحرام

[حلوة واموره]

ارمي كل هالحقد اللي شالتنه ع ريلج ورا ظهرج.سبع سينين وتتعاملون مع بعض جي.في خلل في علاقتكم.ريلج مفتقد الانوثة اللي فيج.شكلج تصارخين وانتي تناقشينه.

[سامية22]

للرفع

[ليندااااا]

اختي اعرف ناس وايد حالتهم مثل حالة ريلج

يمكن البرود العاطفي او الجنسي سبب الي يستوي بينكم من طرفه طبعا
يمكن لو قلتيله ابيك تتعالج من البرود الجنسي يثور ويزعل وما يتقبل الكلام
الله يعينج ويعوض صبرج على ريلج

[ام سعووودي]

اشكر خواتي اللي شاركوني بمرورهم الرائع ويزاكن الله الف خير ..

غالييتي .. لا تجرح احساسي .. تسلمين فديتج وفعلا اللي مصبرني الدعاء والقرآن ..


غالييتي ... المغتربه اشكرج علا كلامج الحلو .. لكن صدقيني بداية زواجي كنت اسوي وايد اشياء من حركات وووووو الخ ..لكن بعد فتره ريلي هجرني سنة ونص بالتمام هجرني بالفراش لكن كان في حنان هجرني بسبب لكن صبرت .. ومن عقب هالهجر ريلي تغيير وايد وبسبت هالهجر اتاثرت حياتي...


غالييتي .. غلا نفسي ...
اشكرج مرورج ومشاركتج .. والله العناد في النقاش ..هو طبيعته يحب يفرض رايه وانا طبيعتي ماقتنع بشي غصبن عني ..يقولي هذا السبب وانا صح بداية الزواج كنت استحي لكن بعد فتره تغيرت وغديت جريئه واسوي والبس لكن بعد ماهجرني خلاص تغيرت ..لكن بعد كنت احاول لكن مافي فايده ..


غالييتي .. ناروتا .
شكرا على مرورج حبيبتي ... ردي بيكون فوق ....

fatima Ahmed
>>اشكرج على مرورج غالييتي ..امين يارب ..

غالييتي .. حلوه وامورة
اشكرج على مرورج عزيزتي ..لكن انا ماقلت فيني حقد ولا شي .. الحمد لله احب ريلي من قلب قلبي مافي فقلبي غير الحب حقه ..انا كلي انوثه والله وعمري ماصرخت عليه لانه طبيعتي هاديه ..هو اللي مايتفاهم الا بصريخ .. لكن اناقشه بهدوء يوم اقوله رايي كذا وكذا ..

[ام سعووودي]

سامية 22 تسلمين فديتج

ليندا ... تسلمين على مرورج عزيزتي ... وفعلا انا حسيت جي البرود الجنسي ..ز عسب جي استسلمت خلاص ...هذا مرض وعلاجه مايتقبله الرجال .. ماعنده عذر يوم اصارح واقوله انته ماتعطيني حقي الشرعي يقولي منج انتي .. انتي السبب يحط عليه لانه يعرف العيب منه مب مني ..انا قلت خلاص مابخلي المشاكل وهالشي يدمر اسرتي يا انقذ نفسي وانفصل وابهدل عيالي ياه اتحمل واصبر .. لاني احبه ولاني ابا احافظ على اسرتي .. انا بصبر عادي .. لكن خوفي يروح لغيري ..

[mrs.abk]

أختي ..

الرجل ما يقربه من الحرمة جمالها والا جسمها وبس..
الرجل يقربه للحرمة الشعور الدافي اللي يحسه معاها .. شعوره إن هالمخلوق ضعيف ويحتاج حمايته .. نفس البيبي الصغير تحبينه وايد لأنه ضعيف ويحتاجج من يكبر ممكن تبعدينه عن غرفتج لغرفته بس دامه صغير وهش ما تسوينها ..

إنتي كسرتي هالجانب .. بعنادج المتكرر .. أنا أعتقد ريلج يحبج .. ويحتاج مبادراتج .. ويحتاج تقربين منه .. يا اختي هذا حلالج .. إنتي بادري .. بس قبلها تعدلي مثل العروس ..

حسني طريقة تعاملج .. قولي حاضر .. لا تعاندين .. ولا تخسرين بيتج علشان أمور مالها قيمة بعد سنة أو سنتين ..

كثري التسبيح .. سبحي وايد .. وحطي القرآن شغال في البيت بيعطي سكينة وطمأنينة ..

الله يهدي قلبج ويجمع شملج بزوجج

[sama DXB]

سمعت من دكتور ان الياهل اذا ماعطيتيه حنان من الصغر ( خاصة الاولاد ) و عودتيه ع الحضن مابيعرف يدلع حرمته
يمكن طبيعة ريلج جي !!
مايعرف شو هو الحضن الدافي ولا اهميته
مافي ريال مايحب الحضن
بطلع برع الموضوع :
اغلب حالات الطلاق تحصل لسبب ان رب الاسرة يعاني من صغره من انفصال امه و ابوه ( سواء طلاق او انفصال عاطفي )

الزبدة يمكن ريلج من صغره ماتعود ع الحضن و الحنان
مافي ريال يشوف جدامه حرمه و مايحس بشي

الله يألف بين القلوب و يحنن قلبه عليه

[حلو مالح]

اختي العزيزة الله ايحنن قلب زوجك عليكي ويصلح الاحوال بينكم انا بقترح عليكي انك اتروحي عند معالج اسري مع زوجك ويحاول ايشوف شو سبب المشكلة بينكم وانت لازم تصبري وتحتسبي عند الله وهذا ما يمنع انك تبداي اتغيري من طريقة لبسك كلامك ايكون انعم وتقللي من عنادك وانتي حاولي اتقربي منو اكثر الله يصلح الاحوال بينكم

[زم_قمر_ان]

الله يصلح الحال انتى قلتى صار هجر مدة سنه ونص

ارجعى للنقطه هذى وبتعرفي سبب البرود

مابا اقولج اتعدلى وﻻ البسي

ﻻﻻ يبالج خطوه جريئه في حياتج

عوديه كل ما دخل وطلع تعطيه بوسه بشكل

عفوي ﻻﻻ تستحي وﻻ تحسسيه انج متوفره

خلي أمر عادي ومرات وهو راقد قربي منه

وشوى شوى بتهدى النفوس