فضفضه

[امتياز]

السلام عليكم ,,
انا مسجلة ف المنتدى احس جي ابا مكان افضفض فيه .. وها اول موضوع لي

انا عمري 24 .. ومن 5 سنوات فيني سكر تايب 1 يعني سكر اطفال

قبل لا امرض يمكن عشرين واحد متقدملي وكنت ارفض بحجة الدراسه .. من دخلت المرحلة الإعدادية وانا ما ايلس شهرين الا وواحد متقدملي .. وانا ايلس اطلع هذا جي ماباه هذا مادري بلاه ماباه .. ومن داخلي انا اصلا ارفض عسب اكمل دراسة واشتغل

انا انسانه جي , ااااااخر همومي العرس! كل همي اكون انسانه ناجحه دارسه بشهاده بدرجات عاليه بوظيفه راقيه براتب وااايد اوك ,, ف حياتي كلها ما افكر بشي ثاني الا اني اتميز وكل ما اسوي شي لو شو ما كان سخيف لااااازم اتفوق فيه

والحمدلله بالرغم من اني مرضت عقب امتحانات الثانوية العامه وتنومت في المستشفى اكتشفت ان فيني السكر! بالرغم من صغر سني ووحده طول هالفتره ما تسمع شي الا يحليلها الله يعينها بعدها صغيره كيف بتسوي كيف مادري شو والخ من الكلام الا انني كنت اسير الكليه ودرست وطوفت الفاونديشن والجي بي اي كله قريب ال 4 وفي مواد اييب فيها 4
وعقب سنتين ف الكليه سويت اضراب ف البيت عسب اخذ الليسن والحمدلله خذته ف شهر .. وبعدين امي الله يطول بعمرها خذتلي سياره يديده من الوكاله وكنت اسير وارد الكليه بروحي بالسياره.
والحين انا متخرجه بشهادة البكالوريوس وحاليا موظفه. وأفكر اكمل ماجستير.

ونسيت اخبركم, كل شغل البيت علي انا, حتى لو امي ما تقولي اسوي شي بس انا اسير وياها. شغل البيت ما اقصد به طباخ وتنظيف وغسيل, لا اقصد الاشغال الخارجيه اغلبها انا اسويها بحكم اني اكبر وحده
الحين لما حد ايي يخطبني يقولون ما شاء الله البنت حلوه وغيره من هالكلام لكن من يعرفون ان فيني السكر يوصلني الرفض من الام! انزين ليش انا فيني سكر اطفاااال لا اني بعادي ريلي ولا بينتقل للاطفال فليش الامهات مكبرين الموضوع

انا محافظه على جسمي محافظه على صحتي والحمدلله اللي يشوفني ما يقول ان هاي وحده فيها السكر, لدرجة اني لما خبرت حد ف الدوام انصدم! قال مووول ما يبين عليج. يعني انا حياتي عاديه واتعب واشتغل يمكن اكثر عن اي وحده ثانيه ما فيها ولا مرض. انا انسانه اعتمد على نفسي ما احب اقول شي حق حد واذا حطيت شي ف بالي يعني اسويه اسويه لو ان شاء الله يبقالي نص صبع صاحي

اللي يقهر كلام الناس تحبطني ساعات يعني شو حليلها هاي ! مب محتاجه شفقة حد انا. شو الشي اللي ناقص ف حياتي عسب اي حد ايي يقول هي عسب السكر ما قدرت؟ كل شي فيني بيرفكت ما شاء الله حتى تعرفون عن فحص الدم اللي كل 3 شهور لازم مريض السكر يسويه نتيجتي طلعت بييييرفكت. حتى الدكتور يقولي انتي متاكده فيج السكر!

اعترف اني لما اشوف بعض من ربيعاتي عرسن استانس لهن وافكر متى بيي دوري لكن اقوي نفسي اول اشغل نفسي بشي ثاني, اقنع نفسي ان شي بنات من اهلنا مب متزوجات وهن اكبر عني فانا بعدني ليش استعيل

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

[امتياز]

اسمحولي ادري الكلام ملخبط واني طولت عليكم ..

[bintal3ood]

اختي الغاليه امتياز الله ويوفقج ان شاء الله وبييج نصيبج قريب باذن الله
خلج قريبه من رب العالمين واستغفري وباذن الله قريب نشوفج عروس
بنت خالي كان عمرها 25 سوت رجيم حاد لدرجه صار فيها السكر تستخدم الابر نفس الشي
كل حد يتقدملها يعرف ان فيها سكر يهون صبرت لين جاها واحد وقال راضي فيج وهذا مرض من
رب العالمين ولا اعتراض فيه وتزوجت وعمرها 27 وشالنها شل ويحبها وامه ماشاء الله عليها ماتقصر
وشافيتنها مثل بنتها وعندها الحين بنت وولد والحمدلله عايشيين بسعاده

فلا تفكرين وايد واحمدي الله على مانتي فيه

[امتياز]

اختي الغاليه امتياز الله ويوفقج ان شاء الله وبييج نصيبج قريب باذن الله
خلج قريبه من رب العالمين واستغفري وباذن الله قريب نشوفج عروس
بنت خالي كان عمرها 25 سوت رجيم حاد لدرجه صار فيها السكر تستخدم الابر نفس الشي
كل حد يتقدملها يعرف ان فيها سكر يهون صبرت لين جاها واحد وقال راضي فيج وهذا مرض من
رب العالمين ولا اعتراض فيه وتزوجت وعمرها 27 وشالنها شل ويحبها وامه ماشاء الله عليها ماتقصر
وشافيتنها مثل بنتها وعندها الحين بنت وولد والحمدلله عايشيين بسعاده

فلا تفكرين وايد واحمدي الله على مانتي فيه

سبحان الله .. نصيب .. الله يديم المحبه امبينهم

الله يسمع منج حبيبتي وان شاء الله بكثر من الاستغار والحمدلله على اللي انا فيه .. صح ان الله خذا مني شي لكن في المقابل رزقني بوايد نعم والحمدلله على هاي النعم

[DK1]

فديتج الله يشفيج اول شي. ثاني شي اختي يعني مافي داعي الناس كلها تعرف فيج هالمرض المفروض الانسان القوي ابدن ما يبين للناس انه فيه شي ودااام انتي ما ترضين حد يقولج حليلج خلاص لاتقولين حق زملائج ف الدوااام هم ما بينفعوج بمرضج بالعكس كل ما شافوج قالو وحليلها ما تستاااهل. وبعدين فديتج العرس بتعرسين ان شا الله. اساسا المفروض ما تقولين حق العرب اللي يخطبوونج فيج سكر. ويمكن اصلن مافيج سكرر يمكن انتي سويتي فحص الدايابيتز وقت انتتي ماكله شي وثبتوه انج مريضه بالسكر. الله يشفيج

[امتياز]

فديتج الله يشفيج اول شي. ثاني شي اختي يعني مافي داعي الناس كلها تعرف فيج هالمرض المفروض الانسان القوي ابدن ما يبين للناس انه فيه شي ودااام انتي ما ترضين حد يقولج حليلج خلاص لاتقولين حق زملائج ف الدوااام هم ما بينفعوج بمرضج بالعكس كل ما شافوج قالو وحليلها ما تستاااهل. وبعدين فديتج العرس بتعرسين ان شا الله. اساسا المفروض ما تقولين حق العرب اللي يخطبوونج فيج سكر. ويمكن اصلن مافيج سكرر يمكن انتي سويتي فحص الدايابيتز وقت انتتي ماكله شي وثبتوه انج مريضه بالسكر. الله يشفيج

ترا المشكله ما نروم نخش شي .. من طحت اول مره واكتشفو فيني السكر هاي قالت حق هاي والثانيه راحت قالت حق الثالثه .. يعني انتشر بين الكل وعاد انتي تعرفين الحريم كيف
واللي في الدوام ينعدون ع الاصابع اللي يعرفون واحس صدق اني غلطت لما قلت .. يعني جي كانت زله

وكيف جي ما اخبر اللي ايون يخطبوني ان فيني السكر! اذا تم الموضوع بعدين بتستوي مشاكل وبنطلع نحن جذابين .. فشله جي

[soso888]

اختى تقربي من رب العالمين اقري سورةالبقره في قيام الليل
بنيه رضا رب العالمين ونية الشفاء والاستغفار بنية الشفاء
وماء زمزم وخلي عندج يقين ان الله بيشفيج ان شاءالله
الله يشفيني من ما ببلاني ويشفيج ويشفي كل مريض
اميين يارب العالمين

[امتياز]

اختى تقربي من رب العالمين اقري سورةالبقره في قيام الليل
بنيه رضا رب العالمين ونية الشفاء والاستغفار بنية الشفاء
وماء زمزم وخلي عندج يقين ان الله بيشفيج ان شاءالله
الله يشفيني من ما ببلاني ويشفيج ويشفي كل مريض
اميين يارب العالمين

ان شاء الله حبيبتي .. امين يا رب العالمين

[المغتربة]

عندي زميلة لي عمرها 33 تزوجت و عندها نونو
و عندها سكر من اول ما هي صغيرة كانت 5 سنين و تاخذ ابر
و عادي ريلها متقبل وضعها و يعطيها الابرة
و شوي شوي ما شاء الله سوت رياضة و سكرها اعتدل و خذت حبوب اظني بدل الابر
حتى لو انتي ضعيفة لازم رياضة و دايت و تحافظين ع عمرج

حتى حطي ف بالج فرص الحمل بتتغير وياج لو ما حافظتي ع الرياضة و الدايت و الصحة و الاكل الفرش و تبتعدين عن الحلويات و السكريات اللي تخرب سكرج


بس نصيحتي لا تخبرين حد ابدا سواء في الدوام او اي حد
لين لما يخطبونج و تستوي النظرة و عقب خبري الريال فيس تو فيس
لا تخبرين لا اهله ولا حد

[امتياز]

عندي زميلة لي عمرها 33 تزوجت و عندها نونو
و عندها سكر من اول ما هي صغيرة كانت 5 سنين و تاخذ ابر
و عادي ريلها متقبل وضعها و يعطيها الابرة
و شوي شوي ما شاء الله سوت رياضة و سكرها اعتدل و خذت حبوب اظني بدل الابر
حتى لو انتي ضعيفة لازم رياضة و دايت و تحافظين ع عمرج

حتى حطي ف بالج فرص الحمل بتتغير وياج لو ما حافظتي ع الرياضة و الدايت و الصحة و الاكل الفرش و تبتعدين عن الحلويات و السكريات اللي تخرب سكرج


بس نصيحتي لا تخبرين حد ابدا سواء في الدوام او اي حد
لين لما يخطبونج و تستوي النظرة و عقب خبري الريال فيس تو فيس
لا تخبرين لا اهله ولا حد

انا اللي قالولي ان الابر احسن عن الحبوب .. الحبوب نحن نفكرها اسهل لكن اللي تاخذ حبوب صعب تحمل .. استوت ويا وحده اعرفها الدكتور قالها لازم تودر الحبوب وتاخذ بس الابره ولا ما بتيب عيال

لما ايون يخطبوني ويكون الريال موجود .. نكون يالسين كلنا اهلنا واهله يعني ما عندنا ان البنت تيلس بروحها ويا الريال .. فيعني لما بقول ان فيني الكل بيعرف .. وعاد يااالله الام تكبر السالفه .. لكن مثلا بناتها وهو الموضوع يكون جدا عادي .. مادري هو من الجهل ولا شو

[@مريم]

وجهة نظري... السكري مرض وراثي و لازم الشخص المتقدم لج يعرف عنه ((هذا زواج مب لعبة!!!))... و بعدين ما في أحلى من قبول الشخص المتقدم لج كليا بج سواء فيج سكري أو لا!!! و الزواج قسمة و نصيب، و بييج إن شاء الله نصيبج!!!

و على فكره لازم زميلتج في الدوام (على الأقل وحدة) تعرف عن مرضج إذا استوى لج شيء لا سمح الله تتصرف!!! و الله يشفيج و يشفي والدتي من هاالمرض!!! و لا تهتمين بكلام الناس لأن اللي عندج شيء مب يديد موجود بكثره!!!

و السموحه

[future dreams]

انا اشوف هل الشي عادي ..
واذا ع المرض والعمر والزواج بيبها لج من الاخر ..
وحده وصلت شي وخمسين في العمر بدون عرس ..
ويوم تعبت ومرضت فجأه ياها نصيبها ...
والله على ما اقول شهيد ...
انا الناس تمدح فيني بس محد يخطبني يتحروني صغيره لاني قصيره ويت فترة احس هل الشي هو السبب في اني لين اللحين ما عرست ..بس فكرت وفكرت لقيت انه تفكيري غلط ...الزواج لا يعرف مريضه ولا قصيره ولا متينه ولا معاقه ...الزواج رزق مكتوب ....