التقليد الي سعره وصل لجيمه الاصلي لييييش

[احلى بعفويتي]

انا مو حاطه الموضوع للتهجم ..
بس سوال ليش التقليد صار سعره نار
هل لان الناس قامت تطلبه بزياده
و لا شو السبب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طموحة]

البضائع المقلدة جداً سيئة ما اعرف ليش السعر المبالغ !!!

[munamoor]

ما أخذ التقليد لان الحمد لله عندي الأصلي مب خقة و الله يا غير ،،، إذا أنا عندي غيري ما عندها
فبكيفها تأخذ تقليد درجة أولى تقليد سوبر ،،،، بيزاتها و هي حرة فيها ،،،، و عادي عندي سواءا كانت فلانه تشيل أصلي أو تقليد ،،، بس كون انه حلال أو حرام ما اعرف ،،،، يبغي لنا مفتي ،،،، بس ترى في ماليزيا حتى التقليد ما يبين عليه لان نفس الخامة و نفس الكوالتي ،،، وما يخربن ربيعتي عندها شنطة شانيل من ثلاث سنين وما اختربت على حسب كلامها ،،،

مثل ما قلت ما ادخل في الحرام و الحلال ،،، نتركها لأهل الفتوى ،،،، أما ارتفاع الأسعار. فالتجار يدفعون جمارك و غيره هذا رأيي

[عبيرستايل]

الله يعين

[خــــيوط]

الله المستعان

[Fa.R]

أنا مريحة راسي من الصدعة اي تاجرة تبيع تقليد اسوي اكس

[~شوق~]

الحين مايفرق بين التقليد والاصلي الا يمكن تخترب اسرع

يمكن عشان شي بنباع غالي
فالاخير الحريه للمشتري في الاختيار

سبحان الله العظيم سبحان الله وبحمده

[Miss PiXy]

هي حره اذا تاخذ تقليد

لكن حق شو تعق الالاف على شنطه تقليد بس عشان المظاهر ؟؟ تدفع كم الف بعد وتاخذ الاصلي مب احسن من انها تعق الالاف على تقليد ؟؟ اقصد الي همها المظاهر .. مع انها تقدر تشتري بسعر الي دفعته عالتقليد ماركات ثانيه واصليه ..

[al-raheel]

موضوع راااائع

لولا الناس ولهفتهم على الاشيا المقلده
لما استغلوهم تجار الكوبي

[المغتربة]

هو مب بس مشكلة التقليد


الحين صار مشكلة الاصلي رفعوا اسعارهم بصورة فظيعة
يعني 25 % رافعين الاسعار

فأنا ما الوم البنات اللي ياخذون تقليد سواء راتبها 20 الف ولا 50 الف
ياخي عوار قلب
تاخذين شانيل تقليد ب 1000 درهم و هاي كوالتي ولا اصلية من المحل ب 20 الف !!


انا عن نفسي شخصيا مرتاحة ف الاصلي لان اصلا التقليد صار مصخرة و كل حد يبيعه و الاسعار عالية
اخذ اصلي و اللي اقدر عليه و أكرفه كراف اليهد و سنين اشيله كأنه الشنطة تقول لي ارحميني
و عقب ابيعه و لا يتم طايح ف جبدي
وما شاء الله المنتدى خير و بركة و بنات يبيعون شنط اصلية مستعملة و حلوة و اسعارهم حلوة الصراحة

اللي عندها شنط تراسلني هههههههههههه اتمصخر

[ام احلى بنات]

خواتي عاد شوفوا تجربتي!
انا عندي شنطة بيربيري اصلي اشترتها لي امي من ماليزيا بـ5000 بات ايام الرخص، والله ما تمت سنة الا و لونها تجشر من صوب المسكة!!!!!
و عندي تقليد شانيل اشتريته من السوق الصيني بـ1000 درهم والله كملت وياي تقريبا 3 سنوات و لا استوابها شي!!!
يعني شو رايكم الحين و بعد هاي التجربة نشترتي التقليد النظيف اللي سعره ما يتجاوز الـ1000 او نشتري الاصلي اللي ما يقل عن 5000؟ انتوا شوروا علينا.

[MiSs MiMi]

أتوقع بسبت طلب زايد ع تقليد نمبر 1 فعشان جي ارتفع سعرة

وأنا رايي لو يبون ينقصون من جيمته شوي يعني يكون

أرخص عن أصلي بنص

بروحي ما ادري جيه مغلين و ع قولتكم ناخذ أصلي أبرك من تقليد ع أقل يعيش لجدام

مب تقليد وينقص بعد كمن شهر ><

[شوشو_24]

كل واحد و تفكيره و كل وحدة و كيفها تبغي تاخذ تقليد اصلي براحته
ما ادري شو اللي يزعل البعض... يا خي كيفففففففها تلبس اصلي تقليد نص تقليد

[حلمي الوردي]

وين عقلي اذا كنت باخذ جنطه ب3000 وشكلها ووووووووووووووووووووووووووووع!!! مب حلو كللللللللللللش

بس لانها ماركه؟ ومشهوره؟ وتعالو يا بنات شوفو جنطتي انا الكشخه انا الماركه ؟ وتمر وحده بكل برود وتقول وع مب حلو؟ وبقول عنها انتي على قد حالج وماعندج؟
هالنوعيه اللي ماعندهم ذوق انا اشفقهم عليهم صراحه ادفعي 3000 لجنطه ماركه وشكلها حلو ! مب شكلها ارف ماتستاهل المبلغ حتى !!

التفكير السائد
الماركه كشخه للناس الراهييه
التقليد
للناس اللي على قد حالهم

والأصح ان اصحاب الشركات اللي تنتج هالجنط حاطين الماركه عسب يخدعون الناس الراهيين وياخذون مبالغ مباللغه فيها وايبون جيمة البضاعه بالكامل من جنطه وحده بس !بالتعبير العامي يقصون عليهم!
والتقليد ينتجونه بسعر أقل عسب يمشون البضاعه اللي تمت عندهم بس

وحاليا ماشي اصلي ولا تقليد كلهم بنفس السعر لان بعض التاجرات الله يهديهن يسافرن وياخذن جنطتين ثلاث وايونا البلاد ويبيعونها بسعر أغلى من سعر تذكرتهم!!
نصب واحتيال ومايخافن الله

بروح بنفسي المحل وباخذ جنطه شكلها حلو ومرتب وسعرها معقول

[حلمي الوردي]

احس اغلب الآراء بتكون من البنات الي يشترون اصلي

حبيبتي كل وحدة تعرف لو حلال ولا حرام

وإذا هي مرتاحة تدفع هال مبلغ على شي تقليد كيفها مسؤوليتها هي مو مسؤوليتي

تعرفين

في ناس اتضحكني

تقول نحن نلبس الأصلي لنفسنا

بس ليش تنقهر لما غيرها تلبس تقليد نفس شنطتها مو عاساس ان لنفسها

بالنسبة لي

ماحب التقليد واعرف انه حرام بس ما أتهجم عالي يشترونه

يمكن فخاطرهم انا شلي

بس في محلات تبيع اصلي مستخدم بيكون سعره افضل فأحس ها بديل ممتاز