موقع للتسوق Ali express

[#وجدان#]

عادي اكثر من بائع .. بس كل واحد راح يشحن لحاله
تقريبا راح توصل بنفس الفتره

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*الذوق*]

الموقع مو موقع واحد عباره عن موقع يلم تجار كثيرين من الصين و الهند و اندونيسيا وكوريا و كثير اماكن مثل اي بي
واختي لا تحكمي علي التاجرات لان يلي عرفته القطعه تشوفي سعرها مثلا 5 دولار
يكون مشروط ان تاخذي 300-500 قطعه مثلا
فالتاجره يلي تحصل هذا السعر تكون مشتريه كميه
وطبعا الكميه ما تدخل مثل الطلب الشخصي بدون جمرك و تخليص
واحيانا جي من البضايع مضروب او ما ينباع الكميه كلها
تري ما ادافع عنهم التاجرات
انا اصلا الموقع كله ما اتعامل معاه و لا عندي استعداد اتعامل معاه و لا بطلب منه ابدا
لان شغلي بالامريكي و الاوروبي فقط لا غير
ما احب بالجماعه هذولا و لا احب غثاهم
بس نصيحه لا تاخذي الا من تاجر مضمون لان الشحن ان بتردي شي بيطلع اكثر من ثمن البضاعه و انت بتدفعيه يعني ما راح ترديه
بتخليه غصب عنك فانتبهي يكون التقييم عالي

[أحلى مشاعر]

مشكورااات خوااتي ماقصرتوو

[زوجة الحافظي]

كله صيني في اغراض اوك و في اغراض لا حتى ف الموقع ترومين تبيعين فيه و تشترين بالجمله منه

[فينوس]

الي تحب تطلب من الموقع اعطيها رقم بنية انا اطرش لها الصور والرابط الي يخص السلعة وهي تدور لي على أرخص سعر وأضمن بائع وتطرشلي على عنواني وحسب ما أطلب منها بعد شهر أو بعد أيام.. لأنه فيه غش وفيه أمور وايد نجهلها مثل حجم السلعة وجودتها والكمية وما شالله هاي البنت تعلمت وصارت اكسبرت في السالفة وتعرف من عند منو تشتري وكيف تختار..
حتى فيه أوقات معينة ينزلون من سعر السلعة فترة يومين ثلاثة كعرض ويكون سعر خرافي بجم دولار يعني..

[UM MOHAMMED 2]

السلام عليكم بنات
انا اشتريت من الموقع واخترت الشحن المجاني بس ماحطيت رقم بريد بس كتبت مكان zip code 0000على اساس مافي في الامارات zip codeوتفاجات اليوم لمن شيكت انه الطلبية راجعه عصين قالوا لي في مكتب البريدمافي عنوان بريدي ورجعناها مع انه حاطة رقم موبايلي وعنواني التفصيلي
لو سحمتو حتى صادف هاي المشكلة قبل
ووين اضيف رقم البريد

[UM MOHAMMED 2]

مع انه لمن راسلت خدمة العملاء حكت مش ضروري رقم بريد
بس يمكن لو فيzip code بالامارات كان حددو المنطقة بس بما انه مافي اظن لازم بريد

[UM MOHAMMED 2]

[غلايوووه]

حبيبتي

انا دوم اطلب منهم


اول شي اقري جوفي كم تقييم البايع
ثاني شي قري الفيدباك للمنتج اذا مافيه فيدباك شليه من بالج
وثالث شي حطي فبالج بيوصل بحدود الشهرين
و رابع شي لا تتوقعين انج بتحصلين الطلب مثل الصوره بالموقع
لان اغلب الجوده تكون جيده ماتوصل جيده جداً
بس في اشيا تكون ممتازه وتجوفين الفيدباك قوي و فيه صور من المشترين محطين الغرض بتصويرهم هم

انا اجوفه موقع حلو بس يبغيله مخ فاضي يدور و يقرا

[غلايوووه]

حبيبتي حطي رقم البريد فال zip code


لانج بتستلمين الطلبيه من المركز البريد مب شركه شحن

[UM MOHAMMED 2]

مشكوورةحبيبتي