موقع للتسوق Ali express

[أحلى مشاعر]

السلام عليكم خوااتي

خوااتي بغيت اسالكم عن هالموقع

حد سمع عنه
او طلب منه
او يعرف حد طلب من هالموقع اغراض

بغيت اعرف بسرعة وصلتهم الاغراض وشو جودة الاغراض
تنصحوني اطلب من عندهم ولا لا


لان اغراضهم وايد عايبتني واسعاارهم واايد اوكي مقارنة بالي اشوفه فالانستقرام وبعض المواقع الثانية على الرغم من انها نفس البضاعة تقريبا بس الاسعاار جدا متفاااوتة ..

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دموع النور]

رفع رفع

[لحنْ #]

صح اختي ، انا بعد يوم اشوف بالانستقرام القى نفس الغرض بهالموقع وبسعر يصدم !
للاسف بعض الحريم والتاجرات يستغلون هالشي
عمومآ انا رمست وايد لان بعد ابا اطلب منه
يقولون حسب البائع
ف بائيعين نصابين وف ناس زينه
احسن شي ان تدوري ع وحده تطلب لج بعموله بسيطه
وهي تتفاهم وياهم وتطلب لج
ودوري ع وحده زينه ومعروفه لان بعد ف نصابات يطلبون المبلغ كامل بالاول وبعدين ماتشوفين شي
او لو عندج بطايق او باي بال ، شي يضمن حقج يعني وتقدرين تسترجعين فلوسج لو بائع نصب عليج ها ممكن

[munamoor]

إن شاء الخوات ال خبيرات يساعدنج ،،،، انا يا دوب مبتدأة هههه

[أحلى مشاعر]

مشكورة أختي ع الرد فعلا وايد قالوا على حسب البائع وهاي اول تجربة لي

[أحلى مشاعر]

بغيت تجارب أكثر

[أحلى مشاعر]

وينكم بنات

[ام احمد خالد]

الموقع يرجع فلوسج اذا التاجر ماطرش البضاعه

[أحلى مشاعر]

الموقع يرجع فلوسج اذا التاجر ماطرش البضاعه

وكم يوم لين توصل الطلبية وشو نوعية البضاعة أتحسي زينة ولا

[ام احمد خالد]

وكم يوم لين توصل الطلبية وشو نوعية البضاعة أتحسي زينة ولا

على حسب التاجر من 20 الى 60 يوم توصل
في بضاعه تكون زينه وفي بضاعه تنصدمين منها
شوفي راي الناس في البضاعه والتاجر قبل ماتطلبين

[متجر اللافندر]

صح البضايع بعضها جودتها مرتفعه بعضها لا
الوقت ابتداء من عشرة ايام وفوق
ويعتمد على البايع اكثر شي

[الضوء]

هلا اختي احلى المشاعر
كوني مبتدا وحسب علمي حسب التجار وانا بصراحة طلبت بس الين الحين ما استلمتها لاني حطيتها شحن مجاني وطالبة ملابس للعيال بس اعتقد انج لازم اتحطين اكبر من عمرهم جية يقولن التاجرات لان احجامهم صغيرة مقارنة فينا وان شاء الله بصور الطلبية اول ماتوصل

[نبض الشارقة]

الغالية انا عن نفسي طلبت مره ب 2000 درهم ويم وصلتني الطلبية انصدمت اقل بوايد من اللي حجزته من عندهم

[#وجدان#]

اذا اخترتي الشحن المجاني تقريبا راح توصل بعد شهر
واذا اخترتي الشحن عن طريق شركات الشحن راح يوصل خلال 10 ايام تقريبا
بالنسبه للبائع شوفي منو اكثر واحد باع نفس المنتج والتقيم عليه يفضل فوق 90%
واذا انتي متردده طلبي من اكثر من بائع كل واحد خذي منه شي بسيط يعني شي ب 5 دولار واقل
وهو عادي حتى لو طلب واح ب 1 دولار راح يرسلونه لج

[meerosa2]

لازم نطلب من بائع واحد ولا عادي نمكس كذا بائع تفرق؟؟