زفــــ (قصة)ــــــافي ديسمبر 2013

**السنقباســـية** · 2014-04-17, 11:35

السلام عليكم ورحمه الله وبركاته

اشحالكن بناتات وعروسات وحريمات ... عساكن بخير وعافيه ...

حبيت أراويكم .. شو صار معاي في العرس وشو اخترت ومن هالسوالف

يعني بإختصار شديد :

قصة عرســـــــــــــــــــــي

ديسمبر 2013

في البداية أحب أقول لكل عروس إنها ماتتوتر في يوم عرسها ولا تخلي أي كلمة أو أي شيء يزعلها لأنها تكون حساسة في هالإيام خصوصا قبل العرس بكمن يوم ويوم العرس بعد ..

بالنسبة لي :

( تميت فترة قبل العرس ما أقعد وايد ويا الناس وأسمع الرقية الشرعية كل يوم و ادعي انه ربي يتمم لي على خير و اقرا الأذكار .....الخ ) هالنقطة جدا مهمة لكل عروس

خلي ليلتج أحلى ليلة ... وأنا وريلي خليناها أحلى بعد فضل ربي بهدوئنا و راحة بالنا وعدم توترنا ....

الحجوزات مهمة جدا يوم العرس و لازم تتأكدين منها قبل العرس بيوم أخر تأكيد لأنهم مرات يخربطون ويمكن اعصابج تخترب يوم العرس فتأكدي من كل شيء قبله بكمن يوم أو يوم خصوصا القاعة انا تأكدت ثلاث مرات لول

الحجوزات الي لازم تتأكدين منها ل يوم العرس والأشياء الي لازم تكون متوفرة : 1- القاعة 2- الديجي 3- الكوشة+ الإضاءة 4- التصوير (عادي وفيديو) 5- المكياج 6- الشعر 7- الأظافر 8- الفستان سواءا كان ايجار او شراء 9- الطقم والخاتم 10- الساعة 11- المسكة 12- جوتي العرس ولو بتغيرين لإنج طويله مثلا خخ .13 – لو مسويين توزيعات 14- صبابات القهوة...وغيرها من أشياء لو عندج شيء ثاني مهم ...

اسمحن لي عروسات وبناتات وحريمات
الصور مب لين هناك لأنه تصوير فون ..
من اللي لقيته عند الناس لووول ..

أنا ماستلمت الصور بعدني...

بسم الله الرحمن الرحيم نبدأ مع السنقباســـــــــية

(مــــــــاشاء الله تبارك الرحمن)

الكوشة ( في الشارجة محلات صوب ميغا مول نسيت اسم المحل تصميم بسيط و أنا صممت نص الكوشة ) ب 28 الف اعتقد ... ( أنا سويت كمن ليلة ف ماهتميت وايد بالكوشة بصراحة لأني الحمدلله استانست بكل الليالي ف خليته شي بسيط عشان جيه ماكلفني وايد )

التصوير (عادي وفيديو)

خذت تصوير من عند say Cheese وللحين ماستلمت الصور .. ف ماعرف كيف شغلها ... 8500 درهم للصور فقط واذا تبين ألبوم يبدا من 3000
والفيديو من عند Dawn photography ب 8000 ... وللحين ماستلمت ف بعد ماعرف شغلها ...

المكياج ( سويت عند رفيعة ) مكياجها حلو وكله جليتر ( انا يمكن ماعيبني وايد بس الي وياي تخبلو وتموا يسألون عنها وعن رقمها ) ب 5000 تسوي ..

الشعر ( سويت عند وحدة باكستانية اسمها بروين )ب 3000 سوت لي

الأظافر ( صالون بافان )اعتقد كان ب 100

الفستان ( تصميم مايكل) خذته لإنه ماكان شيء وقت وماعيبني تصميم أي مصمم ثاني تميت على راس مايكل ماطاع ف استسلمت وخذت شيء جاهز ب 25 الف

الطقم والخاتم ( من عند سالم الشعيبي و داماس )هم يابولي

الساعة (رولكس أبيض)
هم يابولي

المسكة ( محل في الشارجة بس انا صممت الباقة لأني بغيتها كلاسيكية )1500 درهم

جوتي العرس ( من محل عادي جوتي لماعي لأنه مب وايد مهم مايبين استخدمته للتصوير بس اونج زاخة الجوتي وحركات خخ )
اعتقد ب 250 درهم لووووول .. الفستان كان معاه جوتي و تاج واشياء غريبة بس ماحبيت الدفاشة ..

تفاصيل العرس

يوم العرس : من الساعة 11 لين لقائج مع زوجج في جناحكم ...
الصبح نشيت من الرقاد وطلعت من بيت أبوي للفندق ( كنت مجهزة كل أغراضي الي راح احتاجهم في الفندق لمدة ثلاث أيام فقط )
رحت الفندق سويت جك إن وحطيت كل أغراضي وريحت .. طبعا من رحت وانا مشغلة الرقية واسمع ف بالي مرتاح مع إني مب راقدة من يومين لأني سويت ليلتين وليلة بيتوتية خفيفة .. ف كنت هلكانه ...
رحت اتسبح ع الساعة 2 لين يت الي تسوي اظافر والشعر .. بس طبعا الي ضايق بي انه الممكيجة وايد تأخرت وأخرتني ....
ع الساعة 4 بديت اسوي اظافري وطبعا على أعصابي أتريا الممكيجة بس يلست اهدي نفسي واسمع الرقية ... عشان ارتاح ... ماشاءالله بروين انسانة جدا طيبة وحبوبة وكانت تقرا علي .. خلصت اظافري وسشورت شعري صلينا الي علينا ... عقب يت الممكيجة بعد فترة ... وخلال هالفترة مالت الفيديو يت و التصوير يصورون الفستان و الشبكة الخ الخ ...
الممكيجة واااااااااااايد طولت

... غير انها متأخرة خلصت ع الساعة 10 ونص ... وانا متوترة لا تصورت ولا شيء لبست بسرعه بسرعة ... لين 11 الا ربع قلت ع الاقل بتصور كمن صورة ...
عقب يوني فوق ونزلوني الساعة 11 ...
نزلت وطبعا اتضايقت لأنه ماكانوا يايبين ليتات العروس ... الاضاءة جدا مهمة بس انا لأني بروحي وماعندي أم

ف اهتميت بكل شيء بروحي ..!!!
دخلت وقالولي كنت مبوزه هههه .. بس قالولي اضحكي وانا المشكلة من الزيغة كنت انسى ... حسوا انهم غاصبيني ع العرس لوووووول ..
يلست وارتحت بعد الزفة و الحمدلله اني ماطحت مثل ماكنت متخيلة لوووول
عقب رقصوا وهيك وشسمه ... اتصلوا الرياييل انه يلا اخرتونا وايد ههههه
دخلوا بعلي العزيز الله يحفظه و جي وتموا الرياييل وايد ههههه والكل اتضايق من هالحركة بس الحمدلله كل شيء عدى على خير .... ورحنا فوق وتمينا نتصور ... واحنا مب متفيجين للتصوير ... وانا كل شوي اطالع عمري بالمنظرة معجبة بعمري لوووووول ... تمينا جيه لين روحوا مال التصوير .. ملوا منا وعقبها بدلنا وجييه ... وطبعا المفروص نصلي ركعتين .. ف المفروض اني اخوز المنكير فيلست اخوز وهو يخوز وياي حليله تعبته خخ .. قال لي هذي أخرتها .. اخذج عشان اخوز المناكير

... الله يالدنيا .. لول

(مــــــــاشاء الله تبارك الرحمن)

(تنبيه للعروسات : لا حد يزيغ من ليلة الدخلة ومن هالقصص الغريبة الي تسمعونها ... خلج كول وهو بعد يكون كول وكل شيء بيعدي على خير ... الألم شيء عادي ومحتمل فلا تتوترين عشان هالموضوع أبدا )

احنا قبل ما نرقد صلينا و تمينا نسمع الرقية ورقدنا من التعب ....

والحمدلله ثاني يوم نشينا وكان كل شيء على ما يرام ....

تنبيهاتي : لازم تتأكدين من الحجوزات بوقت ... وتتأكدين انه كل شيء مثل ماتبين ... وثانيا : الاذكار ثم الاذكار ثم الاذكار ... العين حق يا ناس ... ف انتبهن يا بنات ... الوحدة تنضرب بعين حتى لو هي مب مسوية شيء .. كيف وهي عروس .. ف اتحصني

الغرض من الموضوع : اني اراويكم .. وانبهكم على بعض الإمور ..

وهذي قصتي يا حلوات ....

------------------
ونبا ردود حلوة وذوق

المزيد من آخر المواضيع من نفس القسم:

**فآطمة البلوشي** · 2014-04-17, 11:46

ما شاء الله تبارك الله
مبررررروك يا عروسة
ربي يوفقكم ويحفظكم ويرزقكم بالذرية الصالحة
صراحة وانا اقرا الموضوع كنت مبتسمة ومستانسة وحلو اسلوبج بالسرد

بس زين كنتي رايقة لو انا منج كنت صحت لانه الممكيجة تاخرت وايد!
بس الحمدلله كل شي عدا ع خير
وضحكتني سالفة المناكير ههههههه
الله يخلي لج ريلج ويهنيكم ببعض

والفستان ع فكرة وااااااايد روعة حبيته يجنن ما شاء الله
تفصيل حلو من فوق ومنفوش من تحت مافي احلى عن جي
وحلوة بعد المسكة
وزين قلتي نجهز ساعة يوم العرس مادريت لازم نلبس ههههه

ربي يحفظكم

**ناروتا** · 2014-04-17, 14:29

ما شا الله الف مبرووووووووووك ,الله يرزقك بأيام حلوه وسعيدة

**احتاجك..** · 2014-04-17, 18:14

مبرووك حبيبتي ربي يرزقكم الذرية الصالحة

**Fa.R** · 2014-04-17, 19:25

*

يـا حياتي ألف مبروك مؤخراً ربي يهنيج ويسعدج
في حياتج ويرزقج الذرية الصالحة يارب . .

ترتيباتج جداً حلوة وراقية والشبكة تجنن، حبيت سالفة
المناكير هههههههه

،

تسلمين عالنصايح ماقصرتي صدق هالليلة ما تنسينها
ابداً

*

**السنقباســـية** · 2014-04-17, 23:30

فديتكن حبيباتي تسلمن على المرور المتواضع ...

اي استفسار أنا جاهزة

**~ الح ـشيمه ~** · 2014-04-18, 00:37

ألف مبرووك السنقباسية الموضوع يجنن ماشاءالله .. موضوعج جداً راقي وحبيت التفاصيل والتنبيهات الي نحتاجها

الفستان ماشاءالله حلو والمسكه بعد والكوشة، اهم شي انج استانستي وياارب الله يهنيكم ويسعدكم

**أحلام علي** · 2014-04-19, 02:55

حبييييبتي الف الف مبرووووووك

بس ابي أقول رأيي في شي

صح كلامج العين حققققق بس انا دوم أقول اللي يخاف من العين تصيبه

نحن علينا بالاذكار والباقي عرب العالمين

**السنقباســـية** · 2014-04-19, 03:31

المشاركة الأصلية كتبت بواسطة أحلام علي

حبييييبتي الف الف مبرووووووك

بس ابي أقول رأيي في شي

صح كلامج العين حققققق بس انا دوم أقول اللي يخاف من العين تصيبه

نحن علينا بالاذكار والباقي عرب العالمين

عشان جيه أقول ... الوحده تتحصن ولا تفكر في هالأمور

**فآطمة البلوشي** · 2014-04-19, 08:36

حبيبتي تفكرين تبيعين او تاجرين فستان عرسج؟
ما شاء الله وايد روعة

**السنقباســـية** · 2014-04-19, 10:14

المشاركة الأصلية كتبت بواسطة فآطمة البلوشي

حبيبتي تفكرين تبيعين او تاجرين فستان عرسج؟
ما شاء الله وايد روعة

أنا مأجرتنه

**N.A.L** · 2014-04-19, 19:39

نفس الموقف اللي صارلي ف عرسي تاخرت مال الميك اب والتسريحة وبعد المغرب شرفت
بس الحمدلله خلصت قبل ال10.. وحرقت تلفونها اسميني انبطت جبدي بس ما باليد حيلة الله يسامحها
الله يوفقج خيتو ويهنيج

**طاغية الأنوثة** · 2014-04-20, 10:15

ما شاء الله ألف مبروووووووك حبيبتي وفعلاً الفستان ما عليه كلام يجنننننننننننننننن
الله يديم عليكم السعادة

**ميمي87** · 2014-04-20, 17:39

الف الف الف مبرووووك و الله يهنييييج و يسعدج

ما شاء الله فستانج رووعه

**راعية مواجيب** · 2014-04-22, 09:14

الف مبروووك والله ييهنيج

الموضوع: زفــــ (قصة)ــــــافي ديسمبر 2013

أدوات الموضوع

عرض