صدمني بدعوته

[طموح دبا]

السلام عليكم ورحمة الله وبركاته

آسفه خواتي لكن بعرض موضوعي عال سريع

تذكرون أني كنت أعاني مع الحمل والإجهاض ،، وحاليا أنا حامل ولا اعرف إذا حملي بيكمل أو بيكون حظه مثل الباقيين،، وان شاء الله ينكتب لي الخير. وأنا متفائلة

اللي صائر يا خواتي انه زوجي دوامه كله سفرات ،، زوجي بارد عاطفيا لكن يلجأ لي فقط لأخذ حقه الشرعي. ما يجلس معاي ولا معا بنته إلا للأكل والنوم ،، وكله يطلب مني نطلع نتمشي،،

حاليا زوجي فسفرته دائم السهر والدليل انه لما يرجع البلاد ما ينام مثل اول،، وكل ما أقوله انت تسهر فالخارج ينكر هااشي،،، لكن عدم استطاعته علي النوم تدل علي انه يسهر فالخارج

خواتي،، زوجي دائم الجلوس علي برنامج الواتساب فالخارج لما يسافر وكله أشوفه online لكن لما ينزل البلاد ما يستخدمه ،،، لكنه يطلع وايد،،
دائماً اعترض علي أسلوبه واطلب منه يجلس معاي يتكلم معاي،، انتظر رجعته البيت افتح معاه أي موضوع المهم اسولف،، يأخذ ويعطي معاي وفجأة يقوم ويتركني أما يروح ينام أو يطلع ،، كل ما افتح معاه موضوع ما يتحمل إلا ويطلع ويقطع سالفتي،،

بديت أحس انه فحياته ثانية يتكلم معها ويسولف وكله يقضيها واتساب معها خاصة لما يسافر الخارج فعمله،،

اليوم قلت له انت تسولف مع ثانية وتفكر تتزوج من وراي،،،

تفاحات من ردة فعله وكلامه يوم قال: الله يراويك فحملك لو أنا أكلم بنات،،

تضايقت والله وايد من كلمته،، كان ممكن يرد علي بأي رد ثاني،، لكن دعوته على حملي وعلي الجنين،، فاجأني،، وأنا اللي أعاني من الإجهاض يقوم ويدعي علي حملي،،

مالي نفس أشوفه وحذفت رقمه من موبايلي وما أبي ارجع له البيت يوم بينزل من السفر،،

ما توقعته يدعي علي حملي وأنا اللي أجهض وايد وتعبانه،،،

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ابداااع]

اختي يمكن اسلوبج مستفز ..

[Diana Sy]

أختي حاولي تكسبي وده وتجذبيه بالقصص الحلوة والفكاهات خاصة يجي من السفر بعد غياب
ارجعي بيتك وحاولي تبدي معاه بأسلوب غير ابتعدي عن الوسواس دامك مو متاكدة لا تذكري حرمة ثانية
الله يكمل حملك بخير وسلامة ويألف بين القلوب

[ليندااااا]

الله يرزقج الحمل السليم الكامل الدعوة مب حلوة ابدا ابداً
بس يمكن هذا طريقته عسب يقنعج ويأكد لج انه ما يكلم حريم
وبالنسبة للبرود العاطفي اغلب الريايل عندهم برود عاطفي الله يهديهم

[Fa.R]

اختي يمكن اسلوبج مستفز ..

وسوااااس مش طبيعي !!

الريال يكره هالأسئلة !!

[LADUREE]

ربي يعينج

[مهرووووووه]

لا تعليق!!!
سوري على هالكلمه
بس انتي احس انه ماعندج اسلوب وشكاكه

[ناروتا]

خواتي لا تهاجمونها

الاجهاضات المتكرره الي تعاني منها اكيد خلتها حساسة زيادة عن اللزوم ,يكفيها ما فيها
اختي اشوف ان تستعيذي بالله من الشيطان الرجيم وتردين بيتك وحاولي كلميه بأسلوب ألطف وعاتبيه بطريقة لطيفه على كلامه ,والله يهديه لك

[Ms anime]

حسبي الله عليه صدق خسيس كنتي رديتي عليه دعوات الزاني ما تنقبل الله يحفظ لج هالجنين استودعيه عند الله الذي لاتضيع ودائعة

[مراسيل الوفاآ]

^
ي اختي بدال ما تجحلينها تعمينها !
الريال يدعي عليها لانها تشك فيه
تبينها تتهمه بالزنا وهي مب متأكده ؟؟
مب بس ريلها ما بيرضى عليها حتى ربج
ما يرضى ب هالشي


اختي طموح، انتي دايما تعالجين الغلط
بخطأ آخر وهالشي ما بيساعدج ف انج
تحصلين ع حياه زوجيه مستقره، بل دايما
بتنحل مشكله وبتيج مشكله غيرها وبتحسين
عمرج ف دوامه المشاكل ما تطلعين منها،
خففي من الشك ف تصرفات ريلج واهتمي ف
عمرج وسوي اللي عليج، وبدال لا تتفاجئين
من كلامه راجعي نفسج واستوعبي انه اللي
يستوي بسببج انتي، الريال بيتحمل يوم ويومين
بس ما بيتحمل طول عمره اذا مل من الصبر
والدليل رده عليج لانه عرف انه اللي انتي فيه
بسبب نفسيتج السلبيه والظاهر انه مل من اعاده
الاسطوانه نفسها، لا اتدققين ع كل حركه يسويها
لابد من انج تعطينه وقت لنفسه ولنفسج وبترتاحين
من هالمشاكل


الله يتمم حملج ع خير

[الأحلام الملونة]

^
ي اختي بدال ما تجحلينها تعمينها !
الريال يدعي عليها لانها تشك فيه
تبينها تتهمه بالزنا وهي مب متأكده ؟؟
مب بس ريلها ما بيرضى عليها حتى ربج
ما يرضى ب هالشي


اختي طموح، انتي دايما تعالجين الغلط
بخطأ آخر وهالشي ما بيساعدج ف انج
تحصلين ع حياه زوجيه مستقره، بل دايما
بتنحل مشكله وبتيج مشكله غيرها وبتحسين
عمرج ف دوامه المشاكل ما تطلعين منها،
خففي من الشك ف تصرفات ريلج واهتمي ف
عمرج وسوي اللي عليج، وبدال لا تتفاجئين
من كلامه راجعي نفسج واستوعبي انه اللي
يستوي بسببج انتي، الريال بيتحمل يوم ويومين
بس ما بيتحمل طول عمره اذا مل من الصبر
والدليل رده عليج لانه عرف انه اللي انتي فيه
بسبب نفسيتج السلبيه والظاهر انه مل من اعاده
الاسطوانه نفسها، لا اتدققين ع كل حركه يسويها
لابد من انج تعطينه وقت لنفسه ولنفسج وبترتاحين
من هالمشاكل


الله يتمم حملج ع خير

ما شاء الله عليك مراسيل مع بكل كلمة 100 %

[ورقة ناعمة]

اختى انتي اسلوبج مستفز ومن خلال مواضيعج انتي وااااااااااااايد شكاكة والله يعينه يوم متحملنج ,,,

ترى في غيرج وايد حملو واجهضوا وتعبوا وسهروا ,,,, وانتي اذكري الله واحمديه ,,,

والواتس ساب مب شرط يكون متصل او غير متصل يعني متواصل مع شخص يحبه

فكري اختى انتي يبغيلج علاج ودراسة عن الحياة الزوجية ,,, مابتعيشين من كثر الشك والتفكير والضيق الحين

هاي تعتبرينه مشكله شو تبين بالضبط يمنع الاتصال بربعه واهله بس يتصل فيج

يمنع من طلعاته وييلس وياج اربع وعشرين ساعة ,,, اترك كل السوالف ويقولج كلمات حب وغزل

انا مب معاج بهالمكشكلة لان كل مشاكلج ومواضيعج متعلقة بريلج ,,,, واايد نصحوج تفكرين بنفسج وصحتج وتريحين اللي حوليج

اذا انتي متضايقة لاتضايقين اللي معاج ,,, والله يهديج

[ورقة ناعمة]

حسبي الله عليه صدق خسيس كنتي رديتي عليه دعوات الزاني ما تنقبل الله يحفظ لج هالجنين استودعيه عند الله الذي لاتضيع ودائعة

كيف عرفتي انه زاني ,,, قذف المحصنات اثم اختى ولاتحطين شي بذمتج

[mrs.abk]

شكلج من غيرتج هججتي الريال

ما يرقد عدل لأن فيه فرق بالتوقيت بين بلادنا والدول الثانية والساعة البيولوجية مختلة غير إن السفر اصلا تعب يباله نوم يومين عقب السفر

[um brok]

اختي لو مو فباله بسؤالج بتحطين فباله هالشي وانا مجربه الاسقاط من قبل والنفسيه تكون داون يمكن انتي من كثر الاجهاضات وتفكيرج بالحمل انشغلتي عنه او كنتي كله كئيبه وحساشه وطبيعي لان هرمونات الجسم كلها تنقلب وتغيرفهالفتره صارت فجوة بينكم عالعموم كل شي يتصلح عليج بالدعاء والاستغفار واحسن لو بتمين تراقبينه وتوسوسين احذفي رقمه7 من الواتس اب وخلي مبينكم مكالمات ومسجات عاديه وطرشي له مسجات شوق ووووممكن يوم يرد تسوي له مفاجئه حلوه امممم وبخصوص السوالف شوفي شو اهتماماته وسولفي عنها بعض الحريم تسولف عن مكياج او لبس او ناس وتقول مايسولف وياي لان ها مب سوالف الششباب اكيد مابيهتم وبيمل ووالله يسهل لج عليج بالدعاء والاستغفار والصدقه والله يسخره لج ويتمم لج حملج



والباقي شوي خفو بالردود حرمه حامل ومضايقه والله بعض الردود ماشي اسلوووب