موعد الولاده

**Re0em** · 2014-04-14, 19:33

حبايبي انا بكريه وفي التاسع ويوم الجمعه موعد ولادتي
من عشره ايام نزلت عندي سداده الرحم الذي عباره عن ماده مخاطيه
وخيوط دم واستلمت الالم من هذاك اليوم الام طلق تيي كم ساعه وبعدها تروح ظهري وبطني وفخوذي احيانا احس بالم قوي مررره وكم ساعه ويروح
رحت المستشفى وكشفت وكان الرحم مفتوح 1 سم رقدوني يوم واحد وعقبها طلعت وبعد كم يوم رحت عياده خاصه وقالت مفتوح 2 سم والرحم بطئ جدا لما يفتح.. عقبها بكم يوم بعد رحت عياده ثانيه وقالت لي انه بعده1 سم .. احس اني بتخبل كل وحده تقول شي .. هذه الدكتوره قالت لي انه وزن النون كبير ولازم اربي خلال عشره ايام بالكثير وبعد سوت لي تحريض للولاده الحين من يومين مسوتنه ولا ربيت ولاشي.. انا بصراحه تعبت خلاص ما قادره اتحمل كل شي عندي طبيعي للولاده حتى النونو تحت وااايد داخل عنق الرحم مرره اخر شي بس مافي طلق قوي اييب الولاده متواصل عشان يفتح الرحم.. بس الامي تروح وترجع واحيانا قويه واحيانا محتمله الصراحه ما عرفت حق عمري.. شوو اسوي الله يخليكم خبروني اشرب شي والا اخليهم يسوون لي طلق صناعي مب عارفه .. دخيييلكم انصحوني خلاص تعبت من الالام..

المزيد من آخر المواضيع من نفس القسم:

**قلب عيسى** · 2014-04-14, 19:49

الماي نزل من 10 ايام وانتي بعدج ماولدوج ؟!!!!!!
انا في اول ولادة نزل عندي ماي البيبي وبدون الم وكان فاتح 2 سم كنت في بداية التاسع و عطوني طلق صناعي مرتين لانه مب زين يتم البيبي بدون الماي انصحج اتروحين للمستشفى
انتي من اي امارة ؟؟

**Re0em** · 2014-04-14, 19:59

حبيبتي الذي نزل مب الماي .. نزلت سداده الرحم اونه .. انا
في راك.. والله اني تعبااانه ولا عارفه شو اسوي .. ادعووولي

**غلا الكون كله** · 2014-04-14, 20:09

المشاركة الأصلية كتبت بواسطة Re0em

حبيبتي الذي نزل مب الماي .. نزلت سداده الرحم اونه .. انا
في راك.. والله اني تعبااانه ولا عارفه شو اسوي .. ادعووولي

الله يسهل عليج لا تحاتي حبيبتي انا فبكري نزلت السداده قبل الولاده باسبوعين والرحم طول التاسع كان ب 1 سم فاتح وسوولي تحريض اخر التاسع يومين والثالث ربيت طولي بالج وامشي وايد

**Re0em** · 2014-04-14, 20:13

مشكووره الغاليه على ردج ما قصرتي.. الله يصبرني ويسهل علي وعلى كل الحوامل
ياااارب تنور حياتي بشوفت ولدي بخير وصحه

**r3boooba** · 2014-04-14, 22:41

ربي يسهل عليج غناتي
انا شراتج بكريه وما عندي فكره بس انصحج امشي وكلي تمر وشربي ماي زمزم وربي يهون عليج الطلق والولادة وتربين خلال هاليومين وتفرحين بسلامة ضناج وشوفته بحضنج

**ام ناني** · 2014-04-14, 23:24

الله يسهل عليج يارب وتبشرينا
اشربي زعتر وامشي قد ما تقدرين
واذا تقدرين امشي على البحر حافيه
واشربي حلبه فوريها في ماي وحليها بعسل
الحلبه وايد تطري وتلين عنق الرحم

**um-wldha** · 2014-04-15, 01:24

الله يسهل عليج وتقومين بالسلامه

اذا عندج كوره كبيره مال الرياضه يلسي فوقها وتمي تنططي بس شوي شوي لان يساعد الرحم يفتح ... واذا ماعندج كوره يلسي ع طرف الشبريه وتنططي ع الخفيف ،

وبعد تمي ف حوض فيه ماي دافي يخفف الالم ويساعد الرحم يفتح ...

وبعد شربي ماي ورد وزعفران انا ماقد جربته بس يقولون يساعد ع الولاده

الله يقومج بالسلامه فديتج وتربين بخير وسهاله وتفرحين بشوفة ضناج

**دلــع** · 2014-04-15, 15:11

الله يسهل عليج و تقومين بالسلامة انشالله
حاولي تمشين وأيد و عليج بالدعاء و التمر و شربي ماي و زعفران حمد لله أنا جربته ف ولاداتي
و حلولي تقعدين قرفصاء ف ماي ساخن ف البانيو.
الله يسهل عليج و تربين

**ليندااااا** · 2014-04-15, 19:36

الغاليه بعدج بكريه امشي هالفترة المشي يساعد وايد على فتح عنق الرحم ويسهل الولاده
سدادة الرحم ممكن تاخذ من اسبوع لين عشر ايام
كلي تمر واشربي قرفه
والله يسهل عليج

**ام هزاع2013** · 2014-04-16, 10:50

ها بشري حبيبتي ربيتي.. ومتا موعد ولادتج عالسونار

الموضوع: موعد الولاده

أدوات الموضوع

عرض

موعد الولاده

المزيد من آخر المواضيع من نفس القسم:

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

رد: موعد الولاده

المواضيع المتشابهه

فديتكم خل نستفيد من اللي سبق لهم الولاده .. عن موعد الولاده هل كان بحساب آخر دوره أو

طاف موعد الولاده ><

موعد الولاده؟؟؟

موعد الولاده جرب

>< موعد الولاده ><