الامراض الروحيه بنات الي عندها خبره تساعدني

[future dreams]

السلام عليكم

بنات انا في خاطري وايد كلام يدور بيني وبين نفسي والتفكير معذبني واايد ومتعبني ...
يمكن يكون سبب من اسباب الحاله الي انا فيهــــا ....نادر جدا افضفض لانه ما احس انه حد مهتم يسمعني ( يخفف مني الي انا فيه )

طبعا انا حالي حال اي وحده الحمدلله راضين بالتأخر الي نحن فيه لانه متوكلين ع الله انه كل انسان مكتوب له رزقه ..
انا بالكثير 3 سنوات وادخل 30 وشكلي مثل ما هو محد يعطيني عمري الحقيقي ولكن القلب تغير من الي مر عليه في حياتي ...
المهم انا محتاجه حد يقولي اللي انا فيه شو سببه ..
اول شي انا واايد تيني فترات احلم وما اكون مرتاحه في الحلم اشياء غريبه امكان غريبه ناااس غرب ...وحتى لو اكون في نفس اليوم ما افكر في شي معين ...بالمختصر اقوم من النوم خايفه واخذ فتره لين ارد ارقد ونفس الشي احلم حلم واقوم مفزوعه احلام ورى بعض ...مثلا قبل الفجر اقوم وبعد الصلاه نفس الشي ...اذا بنام ساعه ...
مع اني لا اسمع اغاني ...ولا اني مجابله التلفزيون لانه ما عندي وقت .. حياتي دوام بيت ...وصلاتي دايما في وقتها ..اذكار الصباح والمساء الحمدلله كل يوم ...

طول 4 سنوات من اشتغلت ما انخطبت ولا مره مع انه في 2 طلعو في حياتي فجأه بس انصدمت صدمه كبيره انه مول ما يناسبوني ابدا المحاولات كانت من طرفهم بس انا صديتهم خوفي من ربي ...ومن بعدها قلبي تغير ..دوووم حزينه ...دووم كنت مبتسمه الكل كان يحب هل الشي فيني اللحين بالغصب ابتسم ...كنت اسولف اللحين ما اعرف شو اقول ولا احب ارمس ويوم يكلموني في البيت اعطيهم الاذن الصمخى لا شعوريا ما اسمع شو يقولون لي والله العظيم ...
والي زادني الدراسه وضغط الشغل ...قلت بدرس عشان ما افكر وارتاح بس حطيت هم ع قلبي ...
امس من الضيقه خذت ورقه وكتبت وما قدرت اطلع الي في خاطري شخبط بالقوه وطريت الورقه ....نمت وانا قبل لا انام اقول للوالده انا مب عايشه حياتي مثل باقي البناااات ...ونمت ...
مستغربه من عمري لا اقدر اركز في صلاه ولا اقدر اطلع من الحاله النفسيه الي فيني ....

قررت اعالج نفسي بديت اقرا كل يوم صفحتين من القرآن عشان اختم قبل رمضان ...
وابغي اعرف هل العين او الحسد لهم دخل في الحاله النفسيه الي انا فيها ؟؟؟
كلام الناس عني ....مبدعه ..شغوله ...طيبوه ...انجزت اشياء في حياتي محد من العائله الكريمه حقق الي انا حققته ...مع اني ما اتباهى ويوم قررت ادرس ما خبرت حد غير بيتنا ...

هل فيكم جربت علاج معين للحسد والعين ؟؟ انا ما احس بأعراض لكن ضيقه وحزن وهم ما اعرف شو سببه ...
وابغي احصن نفسي ما اعرف كيف ...
وهل العين والحسد يردن نصيب البنت ...

شي خارج الموضوع ...
من فتره بسيطه شافتي عمتي بالرضاعه ..انا اسمع فيها بس هي ما شافتني من زمان كنت صغيره وتعرف ابويه ..
شافتني في مكان عام انا واختي وعمتي خليص وعيالها ...وكانت تسألني اسأله صريحه شكيت في كلامها ...
انتي منوه من بنات فلان ؟؟ وبعدين سألتني تشتغلين ؟؟ وبعدها سألت اختي انا مواليد اي سنه ؟؟؟ وبعدها سمعتها تكلم امها وكلامها حسيت انها حطتني في بالها ..مع اني متأكده انه هي تدور حق اخوها ..بس الواقع يقول وبعد ما سألت انا عدل عن صله القرابه حسيت انه ما يستوي لانه في رضاعه من الطرفين وكل العيال تقريبا معدا هل اخر واحد ويستوي اخو اعمامي في شكيت ليش كانت مصره تقنع امها ( سمعتها وحسيت من كلامها انه تقصدني ) والام رافضه ....وانا بعد ما اتخيل انا مع الام في سالفه الرفض

المهم شفتو انا كيف حظي عشان جي ابغي اعالج نفسي ولا ابغي ألجأ للمطوع ...
وسامحوني ع كلامي كل حد مشغول في حياته ما عندي حد يسمعني وان رمست شوي قااالو عني شكايه وتكبرين المواضيع ..يجعموني ما اتحمس اطلع الي في خاطري ...فأتم كاتمه وهل الشي مسبب لي تعب ...

المزيد من آخر المواضيع من نفس القسم:

• تأثير الطلاق على الاطفال
• اشهر العلامات التي تسبق الطلاق بين الزوجين
• ابرز التغيرات في نفسية المرأة بعد الطلاق
• نصائح للتغلب على الحزن والألم بعد الطلاق
• نصائح للمرأة للتغلب على الم الطلاق
• اسباب غير مباشرة قد تؤدي للطلاق
• دعاء تيسير الزواج
• اسباب تؤدي لحدوث الطلاق السريع بين المتزوجين...
• تقرير عن تأثير الطلاق على الابناء في سن...
• اشهر اسباب الطلاق المبكر بين الازواج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Pink Cherry]

يا اختي في بنات اكبر عنج بلا ريل ولا وظيفه قولي الحمدلله حالج احسن عن غيرج ناجحه بحياتج

ماحس فيج امراض روحيه هذه مجرد وساوس ابعديها عنج لانج شايله هم الزواج ، عليج بالرقيه الشرعيه اذا فيج شي بيروح باذن الله

وعيشي حياتج لا تعيشين بحزن وهم وتاكدي ان نصيبج بيج باذن الله

[ابداااع]

حبيبتي حصني عمرج بالاذكار سدها منييييييع وتحفضج من شر الانس والجن والزمي سورة البقرة..وكثري من الاستغفار .. بس هالاشيا وشوفي كيف حياتج بتتغير..

[future dreams]

يا اختي في بنات اكبر عنج بلا ريل ولا وظيفه قولي الحمدلله حالج احسن عن غيرج ناجحه بحياتج

ماحس فيج امراض روحيه هذه مجرد وساوس ابعديها عنج لانج شايله هم الزواج ، عليج بالرقيه الشرعيه اذا فيج شي بيروح باذن الله

وعيشي حياتج لا تعيشين بحزن وهم وتاكدي ان نصيبج بيج باذن الله

والله اعرف انه في بنااات اكبر عني لا زواج ولا وظيفه وحالتهم اخس عني بوايد ..
انا بس بغيت اعرف كيف ابدأ اغير من نفسي شو اسوي ...
انا طرحت الموضوع بإختصار ابغي اعرف هل في رقيه شرعيه معينه لانه واايد ادور في النت يطلع لي وايد اشياء ..ما اعرف شو الصح منها ..يعني الاذكار معروفه من السنه والقرآن والرقيه فيها قرآن وفيها ادعيه ( هل الادعيه الي تختلف من قارء الى قارء ) شي فيديو طويل مده 3 ساعات وشي ساعه انا محتارة ...

[future dreams]

حبيبتي حصني عمرج بالاذكار سدها منييييييع وتحفضج من شر الانس والجن والزمي سورة البقرة..وكثري من الاستغفار .. بس هالاشيا وشوفي كيف حياتج بتتغير..

مشكوره الغاليه ..
سورة البقره لازم كامله ..؟ ما اقدر اجزء فيها مثلا كل يوم جزء لمدة يومين

[Pink Cherry]

والله اعرف انه في بنااات اكبر عني لا زواج ولا وظيفه وحالتهم اخس عني بوايد ..
انا بس بغيت اعرف كيف ابدأ اغير من نفسي شو اسوي ...
انا طرحت الموضوع بإختصار ابغي اعرف هل في رقيه شرعيه معينه لانه واايد ادور في النت يطلع لي وايد اشياء ..ما اعرف شو الصح منها ..يعني الاذكار معروفه من السنه والقرآن والرقيه فيها قرآن وفيها ادعيه ( هل الادعيه الي تختلف من قارء الى قارء ) شي فيديو طويل مده 3 ساعات وشي ساعه انا محتارة ...

في وايد فالنت واليوتيوب مب اكثر عن نص ساعه او ساعه الي ترتاحين لها اسمعيها كل يوم لان 3 ساعات وايد وبتملين ،وممكن تحسين باعراض هذه بتكون عين او حسد وخلج مستمره ومحافظه عليها

وبخصوص سوره البقره مب شرط تقرينها كلها في يوم ممكن تقسمينها على يومين او اذا تقدرين اقري 10 صفحات عقب كل صلاه جيه مابتحسين بملل

ولا تنسين اذكار الصبح والمسا

والله يحميج ان شاءالله

[البـري]

تعوذي من ابليس
هذه مجرد وساوس لاتفكرين ولاتحاتين
وقراءة البقرة والاستغفار هذه طاعات تبتغين فيها الاجر من عند الله وليس من اجل كذا وكذا

والاذكار تحصينات للمسلم

[سر سر]

لا إله إلا أنت سبحانك إني كنت من الظالمين

[اليزوي]

كل تاخيره خير لج اختي ماتدرين ها ابتلاء صغنوني من رب العالمين هو حاب يسمع دعواتج وتكونين قريبه منه اكثرر وماتدرين بعدها فترججج ان شاء الله عقب بتعرفين شو الحكمه من التاخيررر .. خصه يا اختي هالزمن الشباب معظمهم لعابين ويهمهم الجسم والدلع والاغراءات وواللبس العاري ... منو يبا هالزوج .. ؟؟ تبين هالفئه ؟؟ محد يبا اختيه جي .. التاخير خير لج لين يطلع الولد الطيب الخير اللي فلبج بيرتاحله ان شاء الله لاتكدرين بالجج ابددد استمتعي عزيزتي

[sarah161]

حبيبتي انا احس مافيج الا العافيه ان شالله وشيلي الأوهام من راسج والله طبيعي واجد ناس يمرون بنفس حالتج اهم شي تفائلي خلي ايمانج بالله اقوي لأن كل ما شكتي و ندبتي حظج معناتها ثقتج بالله تقل. اكثري من سورة البقره اقرأيها واسمعيها و حاولي تفكرين بأشياء حلوه تقرأين او تضيعين وقت فراغج بشي مفيد او مسلي وصدقيني ان شالله الوساوس بتروح منج وبتعيشين حياه حلوه باذن الله

[future dreams]

في وايد فالنت واليوتيوب مب اكثر عن نص ساعه او ساعه الي ترتاحين لها اسمعيها كل يوم لان 3 ساعات وايد وبتملين ،وممكن تحسين باعراض هذه بتكون عين او حسد وخلج مستمره ومحافظه عليها

وبخصوص سوره البقره مب شرط تقرينها كلها في يوم ممكن تقسمينها على يومين او اذا تقدرين اقري 10 صفحات عقب كل صلاه جيه مابتحسين بملل

ولا تنسين اذكار الصبح والمسا

والله يحميج ان شاءالله

ان شاء الله ..
مشكورة الغاليه ...
قررت اخصص وقت قبل النوم بنص ساعه اقرا جزء من البقرة الله يقدرني واستمر ...

[future dreams]

تعوذي من ابليس
هذه مجرد وساوس لاتفكرين ولاتحاتين
وقراءة البقرة والاستغفار هذه طاعات تبتغين فيها الاجر من عند الله وليس من اجل كذا وكذا

والاذكار تحصينات للمسلم

هي اختي انا عارفه انه ما يجوز اسوي الطاعات لهدف اني احصل مبتغايه او مثلا بقرأ البقرة بنيه الزواج ..
الحمدلله انا اقرا كل يوم صفحتين عشان ما اكون من الي هاجرين القرآن ...
بس الاحلام تزعجني وايد مع اني اقرأ الاذكار وانام ع وضوء ...

[future dreams]

كل تاخيره خير لج اختي ماتدرين ها ابتلاء صغنوني من رب العالمين هو حاب يسمع دعواتج وتكونين قريبه منه اكثرر وماتدرين بعدها فترججج ان شاء الله عقب بتعرفين شو الحكمه من التاخيررر .. خصه يا اختي هالزمن الشباب معظمهم لعابين ويهمهم الجسم والدلع والاغراءات وواللبس العاري ... منو يبا هالزوج .. ؟؟ تبين هالفئه ؟؟ محد يبا اختيه جي .. التاخير خير لج لين يطلع الولد الطيب الخير اللي فلبج بيرتاحله ان شاء الله لاتكدرين بالجج ابددد استمتعي عزيزتي

اكيد يا اختي بعد هل الصبر ما ابغي ولا واحد من الي ذكرتيهم ..
وانا متأكدة انه التأخير هذا حكمه ...و خير لي ...
مشكورة الغاليه

[future dreams]

حبيبتي انا احس مافيج الا العافيه ان شالله وشيلي الأوهام من راسج والله طبيعي واجد ناس يمرون بنفس حالتج اهم شي تفائلي خلي ايمانج بالله اقوي لأن كل ما شكتي و ندبتي حظج معناتها ثقتج بالله تقل. اكثري من سورة البقره اقرأيها واسمعيها و حاولي تفكرين بأشياء حلوه تقرأين او تضيعين وقت فراغج بشي مفيد او مسلي وصدقيني ان شالله الوساوس بتروح منج وبتعيشين حياه حلوه باذن الله

حبيبتي انا ما عندي وقت فراغ انا احظر كلاسات جمعه وسبت الناس اجازة نهايه الاسبوع وانا طول الاسبوع دوام وكراف ونهايه الاسبوع كلاسات وبروجكتات ..بتم ع هل الوضع لين صيف 2015 ان شاء الله واخلص ...
انا اعترف انه التفكير هو الي متعبني وااايد ...
ببدأ اعالج نفسي بالقرآن وببدأ ان شاء الله اخصص نص ساعه استرخاء ..

[sarah161]

الله يسهل عليج ويعطيج على قد نيتج يارب