وقت الولاده !

[راعية الدلع]

هلا خواتي اشحالكن
انا فالشهر الثامن الحين والله يسهل عليه وعلى كل حامل يارب
ابا اعرف الحين فترة حملي اراجع عند دكتورة وحده ماقد راجعت عند دكتورتين ف ابا اعرف وقت الولاده هي الدكتوره نفسها اللي تولدني ولا

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[ام ناني]

المفروض تكونين مسجله في مستشفى للولاده
او تشوفين دكتورتج في اي مستشفى تولد وسيري لها اذا انتي تبينها
المهم لاااااازم يكون عندج ملف في المستشفى اللي بتولدين فيه
المستشفيات الخاصة تستقبل الحين او وقت الولادة بس المستشفيات الحكوميه ما يستقبلون على الاقل تكونين مسجله في السادس
لاني اعرف وحده سارت مستشفى حكومي ( لطيفه ) في السابع وما كانت فاتحه ملف
وكانت طواري حامل باتوام ونزل عندها الماي في السابع فقالت لها الدكتوره في العيادة الخاصه سيري لطيفه لانه عيالج بيحتاجون حضانه لانها ولاده مبكره
يوم سارت الهم ما استقبلوها وربت في ولكير

الله يسهل عليج وعلينا

[طيف الغربة]

حسب المستشفى الي تتابعين فيه

ربي يسهل امرك

[راعية الدلع]

انا اراجع ف مستشفى خليفه ف ام قيوين بس ماعرف اذا نفسها هي الدكتورة اللي اراجع عندها اللي بتولدني ولا عادي تولدني غيرها !

[ام هزاع2013]

انا كانت ولادتي متعسرة.. اتصلو فدكتورتي ويت.. وولدتني

[ام ناني]

اذا مستشفى حكومي
الدكتوره المناوبه بتولدج
ومرات الدكتوره نفسا اذا انتي كلمتيها
اساليها اذا تقدر تحظر ولادتج بتعطيج رقمها وقت الولاده تتصلين فيها وتي
ومرات ما يرضن تقولج الدكتوره المناوبه بتسد عني

الله يسهل عليج وعلينا

[راعية الدلع]

مشكورات خواتي ماقصرتن والله يسهل على كل حامل يارب ��

[شمسة المرر]

مب دووم نفسهآ و سلآمتج
جـدامـج

[ليندااااا]

حسب اذا كنتي بتولدين في مستشفى خاص او حكومي
اذا حكومي الدكتورة الي بتولدج اهي الي بتكون موجوده وقت ولادتج او الدكتوره المناوبه
اما الخاص الدكتوره الي بتولدج اهي الي بتراجعين معاها وتتفقين انها اتولدج