الجلطه القلبيه ..

**✿Orchid✿** · 2014-04-08, 08:06

السلام عليكم خواتي

بنات انا خطيبي للاسف تعرض لجلطه في القلب قبل شهور او حوالي سنه وهو بعده شاب بالعشرينات من عمره ونحن مخطوبين من قبل لا يتعرض لها

مابينا شي رسمي للحين لكن حسب ما يوصلني انه السبب نفسي والضغوطات وكل ما يمر بحاله ضيق يتعب ويتعب بسرعه ويعوره صدره

مب عارفه شو اسوي ما عندي حد مر فيها عشان اعرف اتصرف او افكر
مابا افسخ الخطوبه لانه ماينعاب وبنفس الوقت خايفه لان تونا بعدنا وبعد الزواج تزيد المسؤوليه والضغوطات مع العيال وامور كثيره تتعبه ولا سمح الله تؤدي للوفاه

اذا حد منكم عندها هالحاله كيف تتصرف ؟ وهل في علاج لاثارها بحيث انه يرجع احسن ؟؟

شورو عليه خواتي راسي بينفجر من التفكير

المزيد من آخر المواضيع من نفس القسم:

**ورقة ناعمة** · 2014-04-08, 08:15

الغالية الجلطة مب مرض معدي ولا انها تتكرر انا عمي يتله جلطة وعادي احين بيكمل 15 سنة ماشاء الله

مافيه شي ,,, بس ارتاح بعد ماعرس الثانية

واحينه يتمرن ويسوي رياضة يومية عادي عايش حياته

طبيعي ,,, وفوق هذا بعد يدخن ,,, الله يهديه انتي استخيري ولاتحاتين وايد وماخاب من استخار الله

اذا استخرتي الله بيسر امورج واللي فيه الخير الله بيكتبلج ياه ,,, الله يوفقج يارب

**مالتيزرس** · 2014-04-08, 08:20

حليله الله يعافيه ويدفع عنه كل شر وبلا يارب ..
اختي استخيري ربج ودام الله كاتب لج نصيب معاه ترا بتاخذينه ..الله يقدم اللي فيه خير يارب ..
انصحج تروحين عند استشاريين فالجلطات وتهرضين حالته وتسألينهم عن حالته ربي يعافيه مسكين ..

**أم أية 2** · 2014-04-08, 10:04

حبيبتي الأعمار بيد ربج وبعدين اذا هو زين وأخلاق وتدين اخذيه شوفايدت تاخدين واحد صحته زينة ويطلع عينج

**ألم أمي** · 2014-04-08, 11:14

الله يسرلج الله فيه الخير لج عزيزتي
روحي عند أخصائي قلب وباطنية وسأليه بالتفصيل
وإن شاءالله ماعليه شر^^

**افناان** · 2014-04-09, 00:41

و كم من صحيحٍ مات من غير علةٍ
و كم من سقيمٍ عاش حينا من الدهرِ !!

**Fa.R** · 2014-04-09, 01:32

ماقصرن الخوات ، استخيري واسألي طبيب أو خليه هو يسأل
لو كنتي صدق حاطتنه في بالج وتشوفينه خير لج وماتقدرين تتنازلين
خلاص توكلي وربي يجدم إلي فيه الخير إن شاء الله

.

**ليندااااا** · 2014-04-09, 01:42

الله يشافيه ويعافيه

**✿Orchid✿** · 2014-04-09, 14:07

اشكركم خواتي

فعلا افكر استشير دكاتره بعد ما اعرف حالته بالضبط

طول الفتره الماضيه استخير وانا في امور صعب اتنازل عنها لكن الله يقدم الي فيه الخير والحمدلله على كل حال

يزاكم الله خير

الموضوع: الجلطه القلبيه ..

أدوات الموضوع

عرض

العرض المتطور