متضاااايجه:(

[غرنوقة راكـ]

مرحبا خواتي

فديتكن أنا من بعد الحمل بطني وأيد تشوه من التشققات
و هذا غير أني ما اقدر اربط بطني لآني والده بعمليه
بليز الي تعرف شي يخوز او يخفف التشققات تخبرني

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[رومنسية 84]

مرحبتين اختي
اول شيء حمد الله ع سلامتج
و بالنسبة للتشققات وايد يمدحون زيت جنين القمح كل ليلة تدفين الزيت و تدهنين مكان التشققات و باذن الله بيخفف منهم شوي شوي ها اللي اعرفه و ان شاء الله الخوات اللي عندهم خبرة اكثر عني يفيدونج

[غرنوقة راكـ]

مرحبتين اختي
اول شيء حمد الله ع سلامتج
و بالنسبة للتشققات وايد يمدحون زيت جنين القمح كل ليلة تدفين الزيت و تدهنين مكان التشققات و باذن الله بيخفف منهم شوي شوي ها اللي اعرفه و ان شاء الله الخوات اللي عندهم خبرة اكثر عني يفيدونج

الله يسلمج غناتي
حبيبتي وين احصل الزيت

و أتريا باجي الخوات لا تردوني

[sarah161]

حمدلله على سلامتج
لا تضايقين نفسج حاولي تفكرين في اشياء ثانيه و فكري ان اغلب الناس نفس الشي يعني عادي انتي مب اول وحده. طبعا انا اقول فكري بهالطريقه عشان لو صار وما خفت التشققات ما تتأزم نفسيتج.
انا دايم أسمع بزبدة الكاكاو بس ما ادري بصراحه جربي. و اعرف وحده قالت لي بعد كانت تتدهن بفازلين بس يوم كانت حامل وهذا قلل من التشققات لأن بشرتها كانت رطبه يوم تتمدد فما اثر فيها. اتوقع ان المفروض كنتي تحطين زيوت قبل الولاده.
جربي زبدة الكاكاو كثير ناس يمدحونها.

[ناروتا]

الغالية مبروك البيبي
اثناء فترة الحمل كان لابد من دهن البطن بأي مرطب بشكل يومي وبعد الاستحمام ايضا ,حتى ما تعطي فرصه للجلد يجف وتظهر التشققات
جربي زبدة الكاكاو الاصلية من بودي شوب تخفف جدا,ومع الوقت يفتح لون التشققات

[مهرووووووه]

لا تضايقين ولا شي...
كله يروووح اهم شي صحتج!! عن تجربه
بس اهتمي بنفسج

[ام ناني]

أختي بما انج مسويه عمليه ما تقدرين تسوين شي لين تكملين ٦ شهور تربطين ورياضة
اما التشققات صعب تروح بالكريمات
يبا لها ليزر ويالله تخف

[راعية الدار.]

التشققات شي لابد منه
شونسوووووووي عشان خاطر انشوف عيالنا

[mawasim]

سلام عليكم حميعا
اختي الحمد لله على سلامتج و سلامة النونو
بالنسبة لتشققات و تمدد الجلد لا اتحاتين توج امربيه يبالج وقت ... رطبي المنطقة بالكريمات الي اتكون خاصة للترطيب و يفضل الكريم يكون غير معطر
و بعد ال3 شهور او 6 شهور (على حسب جسمج) ممكن تبدين بالرياضه ومع الرياضه ممكن تنشد المنطقة و اتخف الاثار و طبعا الطب التجميلي الغير جراحي متطور و ممكن يساعدج اذا احتجتي...
لكن المهم الحين ركزي على صحتج و الراحة لانه البيبي يتأثر بنفسيتج...و كل هالاشياء لها حل اكيد...

[بنت غافان]

للأسف التشققات ما اتخووووز
بس هذي ضريبة العيال ، اللي تبا عيال تتحمل، ونقول الحمدلله الله عطانا عيال
انا سمعت ان الديرمارولر يخفف التشققات بس لين الحين ما جربته
وبعد وانتي حامل كان المفروض اتحطين زبدة الكاكاو ، انا وايد نفعتني ، بس فيني شوية تشققات ما اقول ما فيني

لكني افكر جدياً بالجراجة وشد الكرشة (هذا اذا خلوني)

[اليزوي]

رطبي المنطقه بزيوت . . جوز الهندددد حطي اول ماتنشين زيننن وعندج زيت زيتون وعندج وقت اانوم عشان الريحه .. زبدة شيا بودي شوب بجوز الهند

[البـري]

المفروض من بداية الحمل تدهنين بطنك باي مرطب
وزيت الزيتون بعد زين من البداية تدهنيين به منطقة البطن والحوض
جربي يمكن يفيدك

[ليندااااا]

ليش تتضايقين
كله يروح مع الاهتمام