ولادة ولا في الاحلام

**المديه** · 2014-03-31, 11:46

السلام عليكم حبيباتي

اليوم بكتب لكم قصة ولادتي السبشل والله كانت تجربة فريدة والحمد لله

انا كنت في لندن رحلة علاج لولدي وكنت مسافرة وانا بالشهر السابع وهناك وقدمت الرسالة للسفارة وخبروني لازم اروح اول مراجعه بروحي وادفع وعقب اقدم عندهم وهم يكملوا ويرجعوا لي اللي دفعته وها كرم دولتنا الله يحفظها لنا ويحفظ شيوخنا, ريلي سوا لي موعد في مستشفى بورتلاند وكان من ارقى المستشفيات في لندن ورحت وقابلت الدكتورة وهي بتكون دكتورتي لين اربي وكشفت على وقالت كل شي تمام وتميت على المواعيد لين التاسع وفي اول التاسع خبرتني انه الراس فوق شوي يعني مب نازل في الحوض مثل مالازم يكون وقالت امشي زيادة وبينزل وخبرتها انه موعد ولادتي بيكون في الوقت اللي ولدي بيبدي فيه علاج مكثف ولازم اكون متابعة وياه فخبرتني اني اقدر احدد اي تاريخ قبل واتولدني فيه واتفقنا قبل الموعد باسبوعين وسبحان الله كان نفس تاريخ ميلاد ولدي المريض تاريخ 26/6 ووافقت على طول ههههه.

قبل ولادتي باسبوعين وصلوا خواتي وعيالي من الامارات وكانوا يايين يقعون عندي عسب يساعدوني لما اربي وامي فديتها مطرشه لي اغراض الاربعين من التفة والسمن العربي وكل شي ويا اليوم الموعود وجهزت شنطتي وكان الدخول الساعة 9 الصبح واتفقت مع ريلي انه انروح بروحنا انا وياه بس وخواتي ايتمون عند عيالي مع انه كان رافض لانه مايتحمل المستشفيات ووضعي في الولادة من الالام وغيرها بس انااصريت ووصلنا ودخلوني غرفة في القسم كانت مثل غرف ماقبل الولادة وطبعا المستشفى غير عن العيادة اللي اراجع فيها بس كلهم على نفس الشارع والدكتورة تتنقل من بينهم مشي وياتني وبطلت لي الماي وقالت بتنتظر فترة اذا ماياني وجع بتحطي لي طلق وراحت تجوف مراجعاتها وكانت وياي القابلة الي بتساعد الدكتورة وكانت اتكمل الاجراءات وتجوفني بين فترة وفترة وانا قمت امشي بالغرفة واقعد على السرير وانطط شوي شوي وريلي قاعد ويتريق عدالي خخخخ وماكملت ساعة الا الالام بدت وتمت تتسارع وانا في خاطري مستانسة اني برتاح ومنه خايفة وقلت وش اللي خلاني ابهدل عمري ومن ها الافكار وكملت ساعة على ها الالام والساعة اللي بعدها زادت وماتحمت والقابلة كل شوي تكشف مرة فاتح 4 ومرة 6 واخر شي شافت 8 وقالت ولادة وانا انازعها اقول لها كوول ماي دوكتووور يعني زقري دكتورتي بس قالت عندها بيشن وتركت لها رساله ولين اتخلص وتركض من العيادة للمستشفى انا شو ينطرني والقابلة زقرت وحدة ثانية عسب اتساعدها في حال الدكتورة اتاخرت وياني الطلق وعلى الطلقة الثانية دخلت الدكتورة وشوي وربيت الحمد لله وياني احلى ولد في الكون فديته الله يحفظه وكانت الدكتورة مستانسة مني لاني ماتاخرت ومااحتجت طلق ومن فتحت الماي الساعة 10ص ولين ربيت 12و57 دقيقة وسبحان الله كان نفس توقيت ولادتي اللي قبلها يعني نفس التاريخ ونفس التوقيت بس هذا بتوقيت لندن ههههه وريلي كان وياي لين ياني الطلق وكل شوي ازقره ايود ظهري ومن يلمسني ازعق عليه يوخرها هههه مايعرف شو يسوي المسكين وكنت اخاف صوتي يطلع والمستشفى اجانب بس قال لي اخذي راحتج وصارخي على كيفج محد موجود ههههه
وطبعا كل ها كان بغرفة وحدة وانا كنت يالسة بس رافعة ظهري شوي مب سرير اولادة اللي عندنا نرفع ريونا فوق واتعورنا , عقب ساعة من الراحة نقلوني غرفتي وكانت توب 5 نجوم ومعاملة فنادق والمطعم مفتوح 24 ساعة من غير الوجبة اقدر اطلب سندويتشات واليوم الثاني ياني دكتور وكشف على الولد واستاذن مني انهم يختنوه ووافقت وكان يبون يخلونه عندهم عسب ارتاح بس انا اصريت انه يتم عندي وعقب ثلاث ايام طلعت وكانت تجربة حلوة الصراحة وكانت الدكتورة والقابلة قمة في التعامل والاحترام والكل كان مستانس مني لاني ماتعبتهم خخخخ ومروا على كذا دكتورة ( دكتورة نفسية ودكتور اطفال ومدربة رياضة عسب تعلمني التمارين المناسبة للبطن )
كنا متفقين على كذا اسم للولد بس غيرته واصريت اسميه زايد بن سلطان على اسم المرحوم زايد بن سلطان مؤسس دولتنا اللي اكرمتنا وماقصرت ويانا واحنا في الغربة ربي يحفظها ويديم امنها علينا

وو توته توته خلصت الحتوته
السموحة عاد طويلة شوي

وصية: مااوصيكم سواء كنتي مواطنة او وافدة بأنكم ماتنسون تدعون بالرحمة على المرحوم والدنا الشيخ زايد بشكل يومي وتدعون لبلادنا وشيوخنا عسى الله يحفظهم ويطول باعمارهم , والله ييسر اموركم وينولكم اللي في بالكم
والسلام عليكم ورحمة الله وبركاته

المزيد من آخر المواضيع من نفس القسم:

**طيف الغربة** · 2014-03-31, 11:56

تجربة حلوة واحد يجرب ولاده برع

سبحان الله هو نفسه بس احنا العامل النفسي يأثر فينا

الحمد لله على سلامتج عزيزتي والف مبارك قدوم زايد ربي يجعله يارب قرة عين لكم

**مهرووووووه** · 2014-03-31, 12:45

الحمدلله ع سلامتج وسلامة زايد

**الورقا** · 2014-03-31, 13:23

الحمد لله على السلامة بس حتى الولادة في بلادنا حلوة وانحصل معاملة راقية تظاهي معاملة الاجانب ويمكن احسن اشوي

**ام ناني** · 2014-03-31, 15:03

المشاركة الأصلية كتبت بواسطة المديه

السلام عليكم حبيباتي

اليوم بكتب لكم قصة ولادتي السبشل والله كانت تجربة فريدة والحمد لله

انا كنت في لندن رحلة علاج لولدي وكنت مسافرة وانا بالشهر السابع وهناك وقدمت الرسالة للسفارة وخبروني لازم اروح اول مراجعه بروحي وادفع وعقب اقدم عندهم وهم يكملوا ويرجعوا لي اللي دفعته وها كرم دولتنا الله يحفظها لنا ويحفظ شيوخنا, ريلي سوا لي موعد في مستشفى بورتلاند وكان من ارقى المستشفيات في لندن ورحت وقابلت الدكتورة وهي بتكون دكتورتي لين اربي وكشفت على وقالت كل شي تمام وتميت على المواعيد لين التاسع وفي اول التاسع خبرتني انه الراس فوق شوي يعني مب نازل في الحوض مثل مالازم يكون وقالت امشي زيادة وبينزل وخبرتها انه موعد ولادتي بيكون في الوقت اللي ولدي بيبدي فيه علاج مكثف ولازم اكون متابعة وياه فخبرتني اني اقدر احدد اي تاريخ قبل واتولدني فيه واتفقنا قبل الموعد باسبوعين وسبحان الله كان نفس تاريخ ميلاد ولدي المريض تاريخ 26/6 ووافقت على طول ههههه.

قبل ولادتي باسبوعين وصلوا خواتي وعيالي من الامارات وكانوا يايين يقعون عندي عسب يساعدوني لما اربي وامي فديتها مطرشه لي اغراض الاربعين من التفة والسمن العربي وكل شي ويا اليوم الموعود وجهزت شنطتي وكان الدخول الساعة 9 الصبح واتفقت مع ريلي انه انروح بروحنا انا وياه بس وخواتي ايتمون عند عيالي مع انه كان رافض لانه مايتحمل المستشفيات ووضعي في الولادة من الالام وغيرها بس انااصريت ووصلنا ودخلوني غرفة في القسم كانت مثل غرف ماقبل الولادة وطبعا المستشفى غير عن العيادة اللي اراجع فيها بس كلهم على نفس الشارع والدكتورة تتنقل من بينهم مشي وياتني وبطلت لي الماي وقالت بتنتظر فترة اذا ماياني وجع بتحطي لي طلق وراحت تجوف مراجعاتها وكانت وياي القابلة الي بتساعد الدكتورة وكانت اتكمل الاجراءات وتجوفني بين فترة وفترة وانا قمت امشي بالغرفة واقعد على السرير وانطط شوي شوي وريلي قاعد ويتريق عدالي خخخخ وماكملت ساعة الا الالام بدت وتمت تتسارع وانا في خاطري مستانسة اني برتاح ومنه خايفة وقلت وش اللي خلاني ابهدل عمري ومن ها الافكار وكملت ساعة على ها الالام والساعة اللي بعدها زادت وماتحمت والقابلة كل شوي تكشف مرة فاتح 4 ومرة 6 واخر شي شافت 8 وقالت ولادة وانا انازعها اقول لها كوول ماي دوكتووور يعني زقري دكتورتي بس قالت عندها بيشن وتركت لها رساله ولين اتخلص وتركض من العيادة للمستشفى انا شو ينطرني والقابلة زقرت وحدة ثانية عسب اتساعدها في حال الدكتورة اتاخرت وياني الطلق وعلى الطلقة الثانية دخلت الدكتورة وشوي وربيت الحمد لله وياني احلى ولد في الكون فديته الله يحفظه وكانت الدكتورة مستانسة مني لاني ماتاخرت ومااحتجت طلق ومن فتحت الماي الساعة 10ص ولين ربيت 12و57 دقيقة وسبحان الله كان نفس توقيت ولادتي اللي قبلها يعني نفس التاريخ ونفس التوقيت بس هذا بتوقيت لندن ههههه وريلي كان وياي لين ياني الطلق وكل شوي ازقره ايود ظهري ومن يلمسني ازعق عليه يوخرها هههه مايعرف شو يسوي المسكين وكنت اخاف صوتي يطلع والمستشفى اجانب بس قال لي اخذي راحتج وصارخي على كيفج محد موجود ههههه
وطبعا كل ها كان بغرفة وحدة وانا كنت يالسة بس رافعة ظهري شوي مب سرير اولادة اللي عندنا نرفع ريونا فوق واتعورنا , عقب ساعة من الراحة نقلوني غرفتي وكانت توب 5 نجوم ومعاملة فنادق والمطعم مفتوح 24 ساعة من غير الوجبة اقدر اطلب سندويتشات واليوم الثاني ياني دكتور وكشف على الولد واستاذن مني انهم يختنوه ووافقت وكان يبون يخلونه عندهم عسب ارتاح بس انا اصريت انه يتم عندي وعقب ثلاث ايام طلعت وكانت تجربة حلوة الصراحة وكانت الدكتورة والقابلة قمة في التعامل والاحترام والكل كان مستانس مني لاني ماتعبتهم خخخخ ومروا على كذا دكتورة ( دكتورة نفسية ودكتور اطفال ومدربة رياضة عسب تعلمني التمارين المناسبة للبطن )
كنا متفقين على كذا اسم للولد بس غيرته واصريت اسميه زايد بن سلطان على اسم المرحوم زايد بن سلطان مؤسس دولتنا اللي اكرمتنا وماقصرت ويانا واحنا في الغربة ربي يحفظها ويديم امنها علينا

وو توته توته خلصت الحتوته
السموحة عاد طويلة شوي

وصية: مااوصيكم سواء كنتي مواطنة او وافدة بأنكم ماتنسون تدعون بالرحمة على المرحوم والدنا الشيخ زايد بشكل يومي وتدعون لبلادنا وشيوخنا عسى الله يحفظهم ويطول باعمارهم , والله ييسر اموركم وينولكم اللي في بالكم
والسلام عليكم ورحمة الله وبركاته

الحمد لله على سلامتج وسلامة بابا زايد
الحمد لله دولتنا في خير ونعمه ربي يديها علينا
اكيد الدكتوره اسمها مسزز برايس دبدوبه وشقرا هذي وايد حبوبه

**r3boooba** · 2014-03-31, 15:43

الحمدلله على سلامتج ومبروك ماياج يتربى بعزكم يارب

**ليندااااا** · 2014-03-31, 19:35

الحمد لله على سلامتج ومبروك ما ياكم
الولاده في الامارات بعد تحصلين معامله راقيه

**المديه** · 2014-04-01, 08:12

اكيد في الامارات احسن وانا اربع ولاداتي كانت من احسن مايكون بفضل الله ثم بفضل الدكاترة والمستشفى الموفر فيه كل شي بس الشي الوحيد اللي يتعبني كان السرير مسند الريل يكون مرتفع وانا من النوع اللي ريلي ترجف وكذا مرة فلتت ريلي عل الدكتورة هههههه الله يعطيهم العافية وام ناني لا مب هي الدكتورة هاي وحدة عصقولة ووطولان فديتها

**المديه** · 2014-04-01, 08:13

والله يسلمكم حبايبي ويسهل على كل حامل ويرزق كل محروم يارب

**أم شهد86** · 2014-04-01, 09:35

تستاهلين السلامه الغاليه
ومبروك ماياج

**قلب عيسى** · 2014-04-01, 10:51

تستاهلين السلامة حبيبتي ومبروك ماياج

**ام ريوما77** · 2014-04-01, 21:21

يتربا ف عزكم ان شاء الله

وحمدلله على سلامتج ويقوم بالسلامة ولدج الاول ^^

**الملكة ديهيا** · 2014-04-01, 23:10

الحمد لله على سلامتج
و الله يحفظ شيوخ الامارات ويرحم ابونا الشيخ زااااااااااااااااااايد

**رومنسية 84** · 2014-04-01, 23:24

حمد الله ع السلامة فديتج و يتربى فعزكم احلى زايد
يا ليت تخبرينا شو هي تمارين البطن اللي علموج اياها

**راعية الدار.** · 2014-04-02, 21:35

ماشاءالله تبارك الله

الموضوع: ولادة ولا في الاحلام

أدوات الموضوع

عرض

العرض المتطور

ولادة ولا في الاحلام

المزيد من آخر المواضيع من نفس القسم:

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

رد: ولادة ولا في الاحلام

المواضيع المتشابهه

بنات منو عندها فكره عن ولادة للأم اللي عندها خلع ولادة......هل يأثر ولا؟؟؟

العضوه اللي تفسر الاحلام(روح العطاء) او اي حد يفسر الاحلام

بيت الاحلام

ولادة مواطــنــة ( ولادة جــويـــة ) !.

الاحلام