بغيت مساعده

**الميزعه** · 2014-03-29, 19:20

السلام عليكم خواتي شخباركن

خواتي يزاكن الله خير بغيت مساعدتكم ونصايحكم وخبراتكم بنتي كم يوم وبتكمل شهر وابا اعودها على المرضعه واللهايه(المصاصه) لأن أبوها مرات ينسى اني فالاربعين ويبانا نطلع نتعشى

ثاني شيء الاسبوع الياي بطلع من الأربعين وماعرف شو اسوي ابا اغير شكلي شوي

المزيد من آخر المواضيع من نفس القسم:

**M-Alshehhi** · 2014-03-30, 15:21

عادي اختي انا من اول اسبوع اعودهم
عالمرضعه اشفطي وحطيه في مرضعه
مره يوميا و ربي يحفظه لج

**ناروتا** · 2014-03-30, 19:38

عادي اختي اشفطي وحطيلها بالمرضعه بالأول تستغرب ويمكن ما تقبل بعدين تتعود,ونفس الشي اللهاية

بالنسبة لشكلك ولا اسهل تغيرينه , سيري اشتري ملابس وبجامات ولانجريهات جديدة بقصات والوان انت مش متعوده عليها , عطر جديد
وسيري الصالون قصي غرة,قصي شعرك , صبغيه ,تحني ,سوي كيراتين , او اي شي تحبينه ومش متعوده عليه حتى تحسين التغيير
اشتري بعض امور ما كنتي تستخدمينها قبل مثل باف الشعر او الخلخال للرجل او التاتو الي بألوان وأشكال حلوه (بس هذا لازم تنتبهين انه يبطل الطهارة والوضوء,يعني لازم تشيلينه قبل )

أقل تغيير بيحسسك بالانتعاش وانك جديدة وفرش
وانصحك بعد الأربعين تسيرين المبزرة الخضراء في العين ,يوم ينام البيبي بتسيرين تتسبحين بالمياه الكبريتية جدا مفيدة للجسم والبشرة

**الغندورة** · 2014-04-01, 11:31

انا عودتها من اول اﻻيام بأني كنت اشفط حليبي واحطلها
وبعد شهرين نستها
فقمت اعطيها بعد ما ارضعها من صدري شوي
كانت ترفض لكن احاول وياها اوقف واتمشى تسكت بعدين عادي ايلس واتم تشرب
بس احيانا طعم الحليب مايعجبها عشان جي غيري الحليب اذا شفتي البيبي مصر مايشرب
بالنسبه للتغيير اول شي انصحج بالحمام المغربي ف البيت طبعا وتغيرين عطرج وستايلج ف اللبس

الموضوع: بغيت مساعده

أدوات الموضوع

عرض