ريلج والبلاكبيري

[Dont_Care]

السلام عليكم
اذا جفتي ريلج يحط صور بنات مش اوك في البيبي شنو راح يكون موقفج؟!
وللمعلوميه انتي متكلمه معاه في هالشي من قبل انه شي عيب وفيه شي اسمه حشم حشمه
واستحى على ويهك وفوق هذا اللي معاه في اللسته بيحفظون الصور وبيحطونها واللي عندهم بيسون نفس
الشي يعني الذنوب اللي بياخذها وايد بعد ما فيه فايده شبتسوين؟!

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ورقة ناعمة]

بحط صور رياييل ,,,,,,,, وبخليه براحته لين يمل

[الياسيه20]

بحط صور رياييل حلوين..

خلاف بيحس ع دمه..

بس حاولي انج ما اتبينين له انج متعمده اتحطين.. لان هو محطي..

لان جذا بيتمادى..

خلج نورمل..

[مالتيزرس]

اذا كلمته مرة مرتين وثلاث ومافاد وياه دقه حزن هو اللي بياخذ ذنوبه وذنوب غيره .

[كتكوتة حبيبي]

استمري بنصحه والدعاء له

[munamoor]

قوليه لو مت بعيد الشر عنك هالصورة راح تكون ذنبك ليوم الحساب لان ربعك راح ينشرون الصور ،،، شو بتسوي ،،، هل الصورة راح تكون لك شفيع !? ذكريه بعقاب ربه ،،،

اما انج تحطين صور رياييل احلى عنه هذا مب حل ،،، راح يعاند اكثر

بس ذكريه بانه لو مات و الصور تمت عند ربعه و ربع ربعه خذوه و نشروه ،،، عليه وزرها ليوم الحساب ،،،، بشو بتنفعه هالصور ،،، استغرب وايد منه الرياييل ،،،،

[افناان]

اوقفي له بالمرصاد حبيبتي لا تسمحين له ابدا
قولي له بالحرف الواحد انا زوجتك و واجب عليك احترامي و كيف تسمح لنفسك تحط صور نسوان و خرابيط ، صج انعدم الحيا من بعض الناس و ما عاد يعرفون الادب و لا الحشيمة لا تزعلين مني حبيبتي و اذا هو شاريج صج بيستحي ع ويهه و بيشيل هالصور الخليعة
الله يعينج

[بنت الشوامخ]

عليج بالدعاء
دام كلمتيه كم مره وما نفع

[M-Alshehhi]

عيييب الصراحه !!!
انتوا امهات عيال وزوجات
وتقولون بنحط صور رياييل حلوين
وجي شو خليتو للمراهقات وعيالكم
الله يحفظهم !! مانقول ريلها مب غلطان
غلطان من راسه لين ريله بس لا تعالج
الغلط بغلط أكبر تكلمه مره ومرتينوألف
لين يبطل هالشي واطلع له احكام دينيه
وعواقب هالشي وتدعي له بصلاتها
ربي يهديه مايصير اللي تقولونه !

[sarah161]

عيييب الصراحه !!!
انتوا امهات عيال وزوجات
وتقولون بنحط صور رياييل حلوين
وجي شو خليتو للمراهقات وعيالكم
الله يحفظهم !! مانقول ريلها مب غلطان
غلطان من راسه لين ريله بس لا تعالج
الغلط بغلط أكبر تكلمه مره ومرتينوألف
لين يبطل هالشي واطلع له احكام دينيه
وعواقب هالشي وتدعي له بصلاتها
ربي يهديه مايصير اللي تقولونه !

انا مع الأخت
بصراحه عيب في حقج تحطين صور رجال! وبعدين تري الصور اذا حطيتيها بتعكس شخصيتج والناس بتاخذ فكره سيئه عنج وعن تربيتج. ماعليج من كلام البنات عيب تحطين صور!! تعالجين الغلط بمصيبه
حاولي تنصحينه وتقولين له ان هالشي يقلل احترام الأخرين له و يعكس صوره سيئه له قدام الاخرين

[طبعي جذيه]

ريال متزوج ويحط صور بنات اعوذ بالله!!!!غير انه يغضب الله هالشيء حتى يقلل من قيمة حرمته بين الاوادم...الله يهديه ,,,,,,,
بنات يعني هيه تبغي ريلها يوخر عن هالمنكر تقوللها انتي بعد حطي صور رياييل !!!!!!!! زخي فونه وغيري الصورعلى ذوقج

[Cobon]

بالنسبة لي لو ها الصور فيها منكر و وراه شي من ها الصور

بصراحة بقوله يا انا يا ها الصور و اختار

[احلى بعفويتي]

بكلمه كم مره
و اذا ما اصتلب .. ذنبه ع يمبه ..
و بخلي الصغاؤيه يسالونه ..
بابا شو ها ..
ههههههههههههههههه بس بعد ناس مافيهم دم و ما يستحون ..

[أم مغاوي]

الله يهديهم

انا حرمه واستحي احط صور حريم ساعات اشوف صور جميله مثلا لبس ولا شي لكن ما احطها لان في شيوخ عندي

ومن باب الغيره ماحبهم يشوفون هالصور

اذا شفت حد حاط مثل هالصور مب شرط ريلي حتى لو اخواني


بقول لهم مبروك عليك السيئه ياضعيف الفكر

[ليندااااا]

الله يهديه
تصرفات مراهق