العزيمه بعد الاربعين

[راعية الدلع]

السلام عليكم
اشحالكن خواتي

اممم انا ولادتي اخر 5 او بداية 6 والعلم عند الله يعني احتمال اخلص النفاس قبل رمضان بكم يوم او ف رمضان ، و انا حامل ببنت و البنت لها عقيقه ف اللي ابا اعرفه مهم انسوي عيش ولحم لاهل ريلي بعد الاربعين ولا اكتفي بتوزيعات و سويتات ! لان اخاف اقول لريلي سو لاهلك و من صوب اهلي ما اسويلهم بعد احس مب حلوه ! و من الناحية الثانيه الميزانيه مب لهاك الزود ف شورن عليه خواتي شو اسوي ! و اخاف اهل ريلي يتكلمون بخصوص العزيمه ان ما سوينا ولا شياته ! انتوا تشوفون ضروري و مهم العزيمه بعد الاربعين ولا!!!

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سلامــــة]

هلا ختيه
ربي يسهل عليج وتقر عينج بشوفة ضناج بخير وعافيـه
بخصوص العزايم ..
عن نفسي ربيت مرتين وماسويت عزايم
نذبح ونوزع للأهل .. واسوي توزيعات على حسب المزاج
حد من اهليه لازم يسون عزيمه سواء غدى او عشا
واخويه يذبح + توزيعات على حسب البجر بوكس خشب فيه دبوب وحلويات
البيبي الثاني كان على شكل فازه عوده وفيها دبوب وحلويات
البيبي الثالث كان كيك عليه صورة البيبي حق كل الاهل طبعا


عن نفسي هالمررره امممممم اكيد بنذبح وبنوزع + يا سويت توزيعات طلوع او عزيمه على حسب بفكر فالتاسع

اكيد العقيقه سابع يوم .. بس عقب الاربعين التوزيعات او عزيمة للأهل
والله يسهل علينا ان شاء الله وتكون ولادتنا ميسره وسهله

[مس ستايل123]

سوي عزيمه فاليوم السابع حبيبتي
اعزمي اهله واهلج وخلاص مب كل واحد عزيمه برروحه.. ليش تترين لين ال40
العقيقه تتسوا لافاليوم السابع

[ليندااااا]

ما اعرف شو علاقة التوزيعات والسويتات بالعقيقه
يعني المفروض العقيقه قبل الاربعين ها الي اعرفه
الله يقومج بالسلامه

[مهرووووووه]

العقيقه ف اليوم السابع!! وانا عن نفسي اوزع لحم بسسسسس

[بندقة 2010]

أنا ويا الخوات بكلامهن..العقيقة لحم ؤلازم يتوزع..
ؤعن نفسي اسوي توزيعات للمستشفى بس لأهلي وأهله ومب بكل عيالي سويت..مرات مايسعفج الوقت وماتلحقي تسوي..
وعن العزيمة بعد نفس كلامهم جمعيهم أهلج وأهله وسويلهم عزيمه مرة وحدة..أنا من أظهر من الأربعين
ريلي يسوي هريس قدرين واحد لبيت أهلي أمايه توزعه ع جيرانها..وواحد لبيت عمتي توزعه ومب قدر كبير يعني كرتون دياي ويتوزع ع قدرين..والسويتات أنا اسويها للضيوف يوم يزوروني بالبيت أو اطلب من برع ع حسب يعني..فأنتي لاتشلي في بالج خليها على الله وتتيسر بإذن الله..والبنت أتي برزقها والولد أي برزقه فلا تحاتي إن شاءالله..والله يقومج بالسلامة..

[راعية الدلع]

مشكورات خواتي ماقصرتن عيل ان شاء الله من اربي بسهاله سابع يوم بوزع لحم و عقب الاربعين بسوي سويتات و توزيعات ان شاء الله . و على قولة المثل مد ريلك قد الحافك ههههه

[بـدو الخويـره]

أختيه سابع يوم العقيقة
ونحن نذبح ذبايح أو حوار 1 و نوزع للأهل والجيران والمحتاجين

[ام ناني]

أختي العقيقة للولد تكون ذبيح تين وللبنت وحده وتكون فيها مواصفات الضحيه يعني كامله
وتذبح في اليوم السابع وتوزع لحم على الأهل والجيران وكل حد على حسب امكانيته ومعارفه

انا اسوي جذيه

وفي الطلوع من الأربعين وايدين ما يسوون شي ... يعني حسب الظروف والامكانيه

انا اسوي هريس واوزعه على الأهل واليران .. نعتبره فرحه بس لا اكثر

حتى لدرجة أني المرتين الأخيرات في ربايه ما كنت موجوده في البلاد ... بس فديتا أمي تسوي الهريس وتوزعه على يرانها الله يطول عمرها ولا يحرمني منها

انتي لا تفكر ين في هالسوالف ... الحين خليها على الله
كل شي في وقته حلو

[غلا الكون كله]

عادي حبيبتي مب لازم العقيقه لازم وتقدرين تاجيل العزيمه لين بعد شهرين او ثلاث حسب ميزانيتكم
انا فبنتي بس سويت حق اهلي عزيمه هههههه واهل ريلي عمتي كانت تبا عزيمه كبيره تعزم العالم كله انا ما رضيت قتلها ما ابا الناس ما تقول ما شاء الله وانا صراحه ما صدقت تيني هالبنوته بعد اسقاطات عده الحمدلله يعني مب شرط العزيمه

[راعية الدلع]

مشكورات خواتي ماقصرتن و اهم شي طبعا عندي العقيقه اما العزايم ما افكر فيها بس لان عمي يبا عزيمه ع كلامه عقب الاربعين ههههه اقول حق ريلي مد ريولك قد الحافك يعني يوم ماتروم خلاص مب لازم تسوي و حالتك لله واخر شي تدري ان مابيتم لك شي لين اخر الشهر خاصه انك مسؤول الحين عني و عن عيالك .

[أم وعود]

العقيقة بعد اسبوع وانوزع لحم بس بعد الاربعين ممكن انسوي عزيمة بس مب شرط ولا لها لزمه

[احتاجك..]

الله يسهل علييييكم

[mrs.abk]

أنا وزعت اللحم عن بنتي .. مع اني موب مربية ف يرمضان بس كانت ظروف بيت أمي ما تتحمل أسوي حفلة

[المغتربة]

انا بالنسبة لي اسوي عزيمة بعد الاربعين
و أي حد يتصل فيني عسب يزورني في البيت اقولهم بسوي عزيمة بعد الاربعين ع اساس تعرفين والدتي فديتها تتعب و هي تستقبل و تسوي فيكون مرة وحدة
ع اساس اكون مرتاحة و اقدر ايلس مع اللي بيزورني
بوفيه خفيف و توزيعات خفيفة