مصيبه ؟

[Al3'wya]

مرحبا بنات

انا دشيت بعضويه ربيعاتي بليز بغيت مساعدتكم

انا من فتره حوالي السنتين تعرفت ع واحد عن طريق الدوام يعني كان معاي فالدوام

وبعد فتره استقال وقعد يراسلني عالبيبي انه يبا يخطبني ومن هالكلام

بصراحه بنات انا الوحيده اللي ضليت فالبيت ما عرست وكل خواتي واخواني معرسين

وعندي امراض وراثيه كانت بمثابه حجر عثره فطريجي وخصوصا لما يخطبني حد من الاهل

والله يا بنات انا كنت كل يوم احاول ابتعد عنه بس باسلوبه يقربني اكثر واكثر

المهم بعد فتره قال بيي بخطبج من بعد ما اسافر ومن هالكلام سافر وسكر فونه

وكنت انتظر اي حد فالدوام اييب سيرته لين فيوم وحده من اللي فالمكتب سالت موظف جديم عن الريال

قالها انه راعي مشاكل مغربل بنات خلق الله ومن هالكلام ومن يومها حذفته من البيبي وماعاد لي اي تواصل معاه

من فتره انخطبت لواحد من الاهل والحمدلله التحاليل كانت زينه ونقدر نعرس

هو فضل تكون الملجه قبل العرس بشهر وانا وافقت

امس كان في عزيمه وخطيبي قال يبا يشوفني وطول الوقت فوني يصيح

وهو يقولي ردي اقوله لا رقم غريب بعد فتره لقيت تييني مسجات

واشوف ان اللي ما يستحي يهددني ويقولي بفضحج جدام خطيبج واهلج وفالدوام

قلتله اصلا كل كلامنا انك تخطبني وبس قال عادي يعني ما اقدر اجذب وبيصدقون

والله يابنات مت من الرعب ماعرف شو من البشر هذا

اليوم الصبح خطيبي طرشلي مسج اعتذر لان خذ الرقم من اخته

وقالي لو في مشكله خبريني وانا بحلها ومحد بيدري


برايكم اقوله ؟ والا شو اسوي ؟

والله ندمانه واصلا كل فتره تواصلنا اسبوعين

دخيلكم قولولي شو اسوي احس انه بيخرب حياتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[امراه]

لاحول ولاقوه الابالله دام واثقه من عمرج خبري اخوانج اواختج الكبيره او خبري خطيبج انه كان متقدم لج وماصار نصيب وخبريه انه للحين متعلق فيج وماذيج مع انج فهمتيه ماشي نصيب وبتحلون الموضوع وربي ايتتم لج على خير اختي ويوفقج

[لحنْ #]

دامج ماسويتي شي غلط ، وكان كل كلامكم عن خطوبه وزواج ف انتي بامان ، ليه خايفه ؟
خبري خطيبج قبل ماهو يروح يقول كلام غلط وكذب لخطيبج وينتهي كل شي بدقايق
صدقيني لو خبرتي خطيبج وفهمتيه السالفه ، يمكن بتكبري بعينه واييد لانج واثقه فيه
والريال بيخاف ومستحيل يقرب منج مره ثانيه

[حشوم]

صدقيني بس تهديد مايقدر يسوي شي طنشي
شو بايع نفسه هو بيفضح عمره وانتي ماغلطتي توكلي ع الله

[Jawharah]

لاتخافي أختي ولا تخبري خطيبج صعبة من أولها يسمع قصص ويمكن مايصدق أنج بريئة غيري رقم الفون والسلام
ربي يتمم على خير

[ليندااااا]

المفروض تخبرين خطيبج قبل ما يقوله اهو
حاولي باسلوب الانثى الذكية تقنعي خطيبج ان كل الكلام الي استوى بينكم كان عن الخطبة والزواج لانه ممكن يسبقج ويكلم خطيبج بامرر ما حصلت اساسا
وبعدين ليش خايفه
خلي خطيبج يسال في الدوام عندكم عن ذاك الريال ووقتها بيعرف انه بدون اخلاق ويتلاعب ببنات الناس

[cute uae]

لاتخافي أختي ولا تخبري خطيبج صعبة من أولها يسمع قصص ويمكن مايصدق أنج بريئة غيري رقم الفون والسلام
ربي يتمم على خير

[لحنْ #]

شلون تغير رقمها ، الريال وياها بالدوام ومهددها ان بيكلم خطيبها ( يعني يقدر يوصله )
يعني برقمها بدون رقمها بيقدر يوصلها
وربي يوفقج حبوبه ويتمم ع خير يارب

[مهرووووووه]

انتي ماسويتي شي غلط وخلج واثقه من نفسج
انا من رايي لا تخبرين خطيبج.. لان الريال ماينسى حتى لو ماصار شي !!

انا افضل ترمسين اخوج هو يتفاهم معاه


والله يتمم لج ع خير اختي

[مالتيزرس]

حبيبتي انتي ماسويتي شي غلط معاه هالولد وهو مب ماسك لج شي شو يتحرا بنات الناس لعبه عنده يفضح مني والدرب . وشو من الدليل عنده ان شاءالله عسب يواجه خطيبج ان شاءالله (؟ اتغدي فيه قبل لايتعشى فيج وخبري خطيبج لا يروح وبجدب له

[مراسيل الوفاآ]

خبري امج بالسالفه وغيري رقمج
واذا ريلج وجه لج السؤال مره ثانيه
قوليله انه في واحد وياج ف الدوام
كان يبا يخطبج ويوم عرف انج ملجتي
تم يهددج

[راقية بطبعها]

لا تخبرين لا تخبرين لاا تخبرين
صدقيني بتندمييين اذا خبرتي
لأن الريال يسامح بس ما ينسى و يتم يشك عقب
وعادي يطلع من العقليات الجديمه ويقول من أولها جيه عيل بكنسل الخطوبة و يا دار ما دخلج شر
صدقيني هذا جبان مايقدر يخبر خطيبج ولا يقدر يسوي شي لأنه بيحط نفسه بمشاكل اصلا، بس يتسلى فيج ويخوفج
الحل انج تتصلين خدمة الأمين واتبلغينهم وبيأدبونه وبيحلون الموضوع بسرية تامة
واذا تبغين اتدخلين حد فالموضوع الأفضل اخوج
لكن خطيبج أو ريلج لا اتفكريين لأن عقلية الرجل الشرقي صعبه جدا خصوصا ويا شريكة حياته
الأبو و الأخو ممكن يعاقب وبعدين يسامح وينسى ولا كأنه صار شي بس الزوج ما ينسى

[زينب الطيبة]

خبري اخوج خل يتفاهم معاه

[زينب الطيبة]

اختي راقية بطبعها توني اقرأ ردها كلااااااااام سليييييييم 100 %

[سفيرة دبـي]

لا يختي لا تخبرين نصيحه !
خبري اخوج و لا يوم يتصل عطي اختج او اخوانج حليها ف اطار البيت
اما انه يهدد و تطنشين مانصحج .. تفادي المشاكل عسب تعيشين مرتاحه وربي يبعده عنج و ادعي ف قيامج و صلاتج