عملية ربط المعدة

[لولوه]

السلام عليكم

قررت اسوي عملية للتخلص من مرض السمنة المزمن , طبعا بعد محاولات فاشلة لسنوات

قريت وقريت وسمعت من الناس وقررت اسوي عملية تغير مسار المعده لان نسبة نجاحها عالية ونقوص الوزن فيها بسرعه ومضمون

سرت عند الدكتور وقالي بما ان وزني الزايد بس 30 كيلو

فما تناسبني عملية تغيير المسار لمخاطرها الكبيره مقارنة بوزني الزايد

قال هالعملية تناسب للي اوزانهم فوق 150 وطالع ومخاطر هالعملية عاليه لان اللي بيسويها بيصاحبة هزول في الجسم ونزول جدا سريع للوزن بالاضافة انه لازم يستمر عالفيتامينات طول حياته وقال انتي حراام تسوينها

اذا مصره عالعمليه انسب عملية حقج ربط المعده ’ مع انها كانت ما تناسب إالا للي اوزانهم الزايده فوق 40 بس في الفترة الاخيره الصحة الامريكيه سمحت للي اوزانهم في ال30 يسوونها

واقنعني يوم قال سيري عند اي دكتور تجاري وبيسويلج اي عملية انتي تبينها بدون ما يناقشج او يشوفلج اللي يناسب طبيعة جسمج

فاقترحلي ربط المعده وقالي فكري فيها؟؟؟!

بليز بنات اللي تعرف او سمعت حد مسويها ونجحت معاه هالعملية في انقاص وزنه وتثبيته عالمدى الطويل يا ريت تفيدني لاني محتارة
في البداية كنت مرتاحة لتغيير المسار والدكتور حيرني


سمعت عن الربط انه فتره تنزلين بعدين تردين طبيعي؟ هل هالكلام صحيح؟؟!!
وانه النزول يكون جدا بطيء!!؟؟

وفي المقابل قريت في المنتديات عن تجارب ناجحة استمرت سنوات

انا صراحة ابا اودع السمنة طول حياتي وانا محرومة من كل شي

بليز ساعدوني

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[امـ الامارات]

30كيلو وايد مثل حالتي ولكن انتي حاولي تسوين رجيم وتشتركين فنادي بس لازم تستمرين

والله يعينا وربك كريم

[مشتاقه لربي]

حبوبه انا ماخليت شي لا قص ولا تغيير وانا وزني مب كبير انصحج تسوي دايت مانفع سوي قص ابدا لا تفكري فالربط اذا القص ورجع وزني 20 كيلو وسويت تغيير ابشرج الربط يرجععج وزنج وزووود
نصيحه عليج بالرياضه واخر حل القص وتاجيل الحمل لسنتين والله كريم

[روح_الإمارات]

طعي بعد ما شفت ثلاث دكاترة. في بوظبي. اخصاءي جراحة. سمنة عرفت انه ها العملية تنفع للاوزان اللي زايد بس عشرة إلى خمسة عشر كيلو. بعد ست شهر تشلين الحلقة وترجعين تاكلين عادي وناس وأإيد فشلت عندهم العملية

[مسوية تسريحة]

اهلا اختي ... جربتي حميات ورياضة .؟؟؟؟؟؟؟

[Eleena]

اختي انا زوجه اخوي عملت ربط بس ما زبطت معها وبالاخر رجعت عملت عملية قص والحمد لله نقص وزنها وايد

[المديه]

اذا كنتي ناوية ومرتاحة من ها الناحية فأنصحج بالقص لانه حل ابدي واللي رجع لهم وزنهم ومانجحت وياهم يتأكدون من العملية اللي مسوينها وعند منو لاني رحت عند دكتور لاني ناوية ان شاء الله اسوي قص وقعدت اتكلم معاه وشرح لي كيف العملية واتكلمنا عن الحالات اللي مانجحت وياهم وشو الاسباب فطلع انه من الاسباب انه العملية غلط وخاصة اللي يسوونها بالخاص يكونوا الدكاترة مايهمهم غير البيزات والقص المفروض يشيلون مركز الاحساس بالجوع بس هم يخلونه وجي المريض مايستفاد شي بهالحاله لازم يسوون له تحويل مسار والصحيح هي انه العميلة تكون بقص اعلى المعدة ويبدا بعد 3 سم من المرئ لين تحت وتبعد 1 سم عن الامعاء عسب جي بنات لازم تستفسرون عن كل شي يخص ها الموضوع قبل لا تسوونها واتاكدوا انه الدكتور ثقة وشغله عدل وانصحكم بالحكومي لانهم يهتموا بالشخص مب البيزات والله يوفقج وايسر امورج وادعولي اني اسويها وتتيسر اموري

[maitha_2008]

والله نصيحه اختى عليج بالدايت ولرياضه والله انصحج لوجه الله ..... انا كملت ثلاث شهور حاليا على عمليه القص المعده ياليتني ما سويتها بس شو الفايده يوم العمليه كان وزني 83 حاليا بعد ثلاث شهور وزني 64 كيلو وااااايد تعبانه شعري تساقط ويهي حبوب وبشرتي نشفت بشكل فضيع وجسمي تعبان لان ما اقدر اكل ولا اشرب نفس الناس اليهال يمكن احسن عنه ياكلون ويشربون.... كله ارجع وايد اشياء في خاطري اكلها واشربها بس ما اقدر بس اطالع فقط .... وايد جسمي تعبان وفيني نقص فيتامينات .... ما ترومين تبلعين الحبوب..ويوم تشربين ماي او عصاير او اي شي يسوي اصوات من رقبتج مزعجه.... وتحسين بضيق في معده .... نصيحه منه عليج بالرياضه والدايت والله نصيحه اذا انتي مصره على العمليه عليج بالربط ثبتي وزنج على وزن معين وحافظي عليه .... والله تعبان بالحيل.... حتى الدورة اختربت لان جسمي ناشف ... وايد ....

[Um.Ghala]

للرفع

[حلا الشام]

السلام عليكم
أخواتي العزيزات أنا طبيبة وعندي علاقات قوية في الوسط
الطبي في المانيا وجاهزة لتقديم المساعدة في كل مايتعلق بالعلاج في المانيا
رقمي0555339499
اللهم اشف مرضانا ومرضى المسلمين