مرت الاخو .....!!

[افناان]

السلام عليكم يا بنات
بغيت استشيركم في موضوع
شو الحل مع مرت الاخو اللي مقاطعه اهل ريلها بدون سبب واضح ؟؟
يعني ببدايه الزواج كانت مقلله الزيارة لين صارت الزيارة كل شهرين مرة بالضبط ، و عقب صارت ما تزور نهائيا و غير هذا اذا ربت و اتصلوا فيها ما ترد بس ترد ع ام ريلها و الباقيين ما ترد عليهم حتى و اذا حملوا و ربوا لا تزور و لا تتصل تبارك ع الاقل !!
و اذا الام سالت ولدها اشفيها مرتك ما يقول سبب واضح مرة يقول ما تحب تواصل الناس و مرة يقول هي ما تسمع كلامي كل مرة شي !!
و وصلت فيها المواصيل انها ما تبغي حد يزورها من اهل ريلها في بيتها خير شر !!
شو الحل معاها برايكم ؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الشيوووخ]

الله يهديها يمكن هذي طبيعتها مش اجتماعيه حاولوا تتقربون منها وتمتدحونها ويتنحل باذن الله

[ام حتومي]

اختي ليه تحرين نفسك
الشره ع اخوك كان يحدد لها ع الاقل تزورها مره بالاسبوع هاي مثل امها واحترامها من احترام الزوج
ودام هذا طبعها من البدايه عادي
بس اهم شئ ماتطولها ع الوالده مره بالشهر
وانتوا اسمحيلي لاتتدخلون اهم شئ هم راضين
وامك الله يحفظها لاتزعل قولولها بتكبر وتعقل
واللي مايباكم اعفوه
انتوا تواصلوا معاها بس مو تواصل تغير سريع
مثلا بالواتس كيفك وكيف الصغار بدون تدخل بخصوصياتهم
بين الاهل افضل العلاقه الرسمية عشان لاتجي المشاكل

[افناان]

اختي ليه تحرين نفسك
الشره ع اخوك كان يحدد لها ع الاقل تزورها مره بالاسبوع هاي مثل امها واحترامها من احترام الزوج
ودام هذا طبعها من البدايه عادي
بس اهم شئ ماتطولها ع الوالده مره بالشهر
وانتوا اسمحيلي لاتتدخلون اهم شئ هم راضين
وامك الله يحفظها لاتزعل قولولها بتكبر وتعقل
واللي مايباكم اعفوه
انتوا تواصلوا معاها بس مو تواصل تغير سريع
مثلا بالواتس كيفك وكيف الصغار بدون تدخل بخصوصياتهم
بين الاهل افضل العلاقه الرسمية عشان لاتجي المشاكل

ههههه
الظاهر انج ما قريتي عدل ، اي اطفال و اي صغار نسالها عنهم اذا هي ما ترد خير شر علينا
و اي مرة بالشهر تتكلمين عنها و الحين كملنا تسع شهور ما شفناها !!
تدخل في خصوصيات !! كبير هالكلام خل نشوفها بالاول

[هجير الشمس]

خلوها شو تبون فيها
دام انها مسالمه ما وراها مشاكل
هاي طبيعتها ما تحب تخالط
وانا مثلها
لا احب اطلع لحد ولا اشوف احد ولا اتصل لا اي حد
كافيه خيري وشري والحمدالله مرتاحه فوق ما تتصورون
ومايهمني نظرة العالم لي
اهم شئ اني راضيه عن نفسي
ف خلوها على راحتها

[عطر 77]

الله يهديها ويحنن قلبها عليكم

[cute uae]

خلوها على راحتها مدام انها ما منعت ولدكم عنكم

[يسرا ام نوف]

لله يهدي الجميع

[افناان]

خلوها على راحتها مدام انها ما منعت ولدكم عنكم

كيف ما منعت ولدنا عنا ؟؟ ولدنا ما يقدر يوصل حد معاه بالسيارة اذا هي موجودة معاه لانه ما يعجبها حد يركب معاها ، و ما يقدر يعزم اهله في بيته حتى لو كانوا امه و ابوه اللي يابوه لانه ما يعجبها حد يروح بيتها وما يقدر يرد ع مكالماتنا و هي قاعدة لانه ما يعجبها ريلها يتواصل مع خواته !! و عندها ياهل عمره سنه و ثمان شهور ما شفناه غير مرة وحدة !!! اخوي حجته ضعيفه يقول خل يكبر انا بجيبه معاي لما ازوركم

[افناان]

خلوها شو تبون فيها
دام انها مسالمه ما وراها مشاكل
هاي طبيعتها ما تحب تخالط
وانا مثلها
لا احب اطلع لحد ولا اشوف احد ولا اتصل لا اي حد
كافيه خيري وشري والحمدالله مرتاحه فوق ما تتصورون
ومايهمني نظرة العالم لي
اهم شئ اني راضيه عن نفسي
ف خلوها على راحتها

انا ما عرف انتي عازبه ولا متزوجة
بس هل تشوفينها حلوة انه اخت ريلج تتصل بج تبارك لج و انتي ما تردين عليها ؟؟

[Diana Sy]

خلوها براحتها بس والله سالفة أم ما تزور ولدها هي ما أتحملها
خلي الوالدة تحدد وقت وتخبر أخوكي بأنها حابة تزورهم وما أظن يرفض طلبها هذا بيت ابنها لازم يتعود هو وحرمته لها حق بزيارة بيته وشوفة حفيدها المفروض ما تسكت وزوجة أخوكي تروح غرفة ثانية هي حرة..
أتخيل نفسي مكان الوالدة انتظر أفرح بولدي وبعد يعرس وعنده ولد ما أشوف حفيدي أو ما أدخل بيته ياويلي وياسواد ليلي شو ربيت !!!!!!!!!!!!

[ليندااااا]

ما اعرف هالنوعية من الحريم ما تفكر ان الدنيا دوارة
وكما تدين تدان
ما فكرت بالمستقبل يستويلها الي قاعدة تسويه مع أهل ريلها
اختي انتي متاكده أنكم ما اذتوها بالماضي وقطعها هذا له سبب ؟؟؟؟؟
يعني ممكن تكون إنسانه انطوائية وممكن تكون قطوعة وممكن تصرفاتها نتيجة ردة فعل
وبكل الأحوال ما يصير تقطع

الي اعرفه ان هالنوعية من الحريم نهايتها ريلها بيعرس عليها

[افناان]

ما اعرف هالنوعية من الحريم ما تفكر ان الدنيا دوارة
وكما تدين تدان
ما فكرت بالمستقبل يستويلها الي قاعدة تسويه مع أهل ريلها
اختي انتي متاكده أنكم ما اذتوها بالماضي وقطعها هذا له سبب ؟؟؟؟؟
يعني ممكن تكون إنسانه انطوائية وممكن تكون قطوعة وممكن تصرفاتها نتيجة ردة فعل
وبكل الأحوال ما يصير تقطع

الي اعرفه ان هالنوعية من الحريم نهايتها ريلها بيعرس عليها

اثنين من خوالي كانوا نموذج من اخوي و الحين طلقوا حريمهم و تزوجوا حريم من افضل ما يكون ،
للصبر حدود و الريال بيسكت خمس عشر سنوات و مرده بيفكر بعقله

[افناان]

خلوها براحتها بس والله سالفة أم ما تزور ولدها هي ما أتحملها
خلي الوالدة تحدد وقت وتخبر أخوكي بأنها حابة تزورهم وما أظن يرفض طلبها هذا بيت ابنها لازم يتعود هو وحرمته لها حق بزيارة بيته وشوفة حفيدها المفروض ما تسكت وزوجة أخوكي تروح غرفة ثانية هي حرة..
أتخيل نفسي مكان الوالدة انتظر أفرح بولدي وبعد يعرس وعنده ولد ما أشوف حفيدي أو ما أدخل بيته ياويلي وياسواد ليلي شو ربيت !!!!!!!!!!!!

لما تعرف انه الوالدة بتروح الامارة اللي هي ساكنه فيها ع طول تشيل نفسها و اغراضها و تروح بيت اهلها لانه الوالده تروح ع ... وقت الاجازة

[Jawharah]

الزمن دوار ومب بيت الي خلفها تبا أهله ولاماتبا
غصب عنها أروح أزور بيت ولدي ماعيبها تنطح راسها بالحيط احترام أهل الزوج من احترام الزوج