نصايحكن حبيباتي

[ورود الامل]

السلام عليكم ورحمه الله وبركاته ،،
ببدا في موضوعي على طول انا معرسه من 3 سنوات تقريبا من يوم عرست للحين وانا ما احس اني معرسه استغفر الله ريلي ما يقعد ف البيت ولا يرمس وياي وايد كله طالع واذا عنده اجازه ولا الويكند يطلع لين الفير تعبت منه اكلمه شوي شوي ما نفع ازعل واصرخ ما نفع وياه شو اسوي اتصل فيه واقوله اخاف اقعد روحي ايقول انتي قويه وما اتخافين ،، وبالنسبه للطلعات مووووول ما ايطلعني كله يحبسني ف البيت ف الفندق ما رقدت مول الي اول ليله زواج ،،، ابغي اسافر اطلع اغير جو وياه ما شيء ايقولي الحرمه حرمه بيت مب مال هياته مادري في اي زمن عايشين تعبت كل يوم اصيح قبل لا ارقد حتى اهلي ما اخبرهم اشويله غدا عشا وكله اعقه ما ياكله ايقول ماكل من برع انزين خبرني عسب ما اطبخ تعبت من هالريال اقول احيانا جان زين ما تزوجت استغفر الله ،،، الشكوى لغير الله مزله بس نصحوني خواتي كيف اخليه ما يسهر برع اباه ايرد الساعه 12 ما ابغي ايطول ف السهره الله يخليكم ساعدوني واذا اتقولون ما تلبسين ومن هالكلام ترى اسوي كل شيء بس من دون فايده ويوم ايي على طول يرقد ولا يفتكر فيني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[الأحلام الملونة]

الغالية دخلت ملفك حتي استطيع افيدك

لكن للأسف الشديد مشكلتك من اول أيام زواجك والحين بعد 3 سنوات ونفس المشكلة ما تغير شيء

واضح ان هذا طبع زوجك عليك النظر بباقي الصفات تعاملة حقوقك الشرعية الأنفاق الخلق الدين الآحترام اذا مش

مقصر بهذة النواحي يبقي أنت بخير أبحثي عن وظيفة وكوني حياة اجتماعية وعندك بنت ربي يحفظها ----

والطريق الثاني وهو الآصعب هو أدخال حكم بينكم من أهلك وأهله وطالبي بحقوقي الناقصة لآن الواضح شكوتك

لم تجيب نتيجة -----

الله يكتب لك الخير

[عطر 77]

الله يعينج أختي ويفرج همج , يمكن مغصوب عليج أو في خاطره وحده ثانيه
او يمكن عنده شي شاغل باله مثل ديون وغيره , ما يندرى شو فيه ؟!
أحسن حل انج اطنشينه ولا تفتكرين فيه موول لا في اكله ولا في هياته ولا في رقاده ,
ولا تتصلين فيه اذا تأخر ولا اتقولين له ليش تاخرت ؟ وطنشي كل شي
اعتبري نفسج مب معرسه وحاولي تشغلين نفسج باللي يفيدج
او اطلعي ويا اهلج او ربيعاتج , سجلي في دورات في معهد حتى لو مب محتاجه لها
.. شوية اهمال منج بيخليه يصطلب غصبا عنه

[ام الشيوووخ]

الله يعينج أختي ويفرج همج , يمكن مغصوب عليج أو في خاطره وحده ثانيه
او يمكن عنده شي شاغل باله مثل ديون وغيره , ما يندرى شو فيه ؟!
أحسن حل انج اطنشينه ولا تفتكرين فيه موول لا في اكله ولا في هياته ولا في رقاده ,
ولا تتصلين فيه اذا تأخر ولا اتقولين له ليش تاخرت ؟ وطنشي كل شي
اعتبري نفسج مب معرسه وحاولي تشغلين نفسج باللي يفيدج
او اطلعي ويا اهلج او ربيعاتج , سجلي في دورات في معهد حتى لو مب محتاجه لها
.. شوية اهمال منج بيخليه يصطلب غصبا عنه

. حرام عليج اختي لاتدخلين الشك والوسواس فقلبها مب شرط الحب الطلعات والفنادق هذا طبعه وقناعاته ويمكن لوتنازعت معاه على سهره بيقول انا حر ،،،، شو بستفيد عقب يمكن زوجها يحب شخصية الأم فالبيت يعني نفس أمه والبيئه اللي تربا فيها مايحب الحرمه الداخله والطالعه ،،، اختي شوفي حسناته وتغاضي عن سيئاته هذي مشكلتنا كلنا الله يسخره لج ويهديه

[يحـــــ ام يى]

الله يهديه يارب

[احلى بعفويتي]

حق عمره عادي ... يهيت للفجر و انتي يطلعج شويه حرام


...
شو من ناحيه الصرف مو مقصر معاج يعطي بلا حساب ...
انتعزي هالشي .. يعني قوليله ابا اتشرى اغراض
ابا اروح كارفور مردف مثلا ..
يعني

[محد شرواي]

تعلمي كيف تهتمين بنفسج وتحبين نفسج اكثر وروحه بيرد لج وبيدورج

اكبر غلطه ان الزوجه تخلي زوجها شغلها الدايم كان مافي شيء عايشه عشانه غير ريلها

بمعنى حاولي تكملين دراسه .. اقري كتب او اشتغلي او كوني صداقات او روحي الجم اهتمي بمظهرج لنفسج بستايلج سوي لنفسج نيولوك .. اعزمي ربيعاتج خواتج هلج خواته عندج البيت قضي وقتج واستمتعي قد ما تقدرين وسويلج جدول هو ابدا ما يكون فيه ... لا تنتظرينه !!

اما بالنسبه له هو ... اعتبري عمرج لفتره عايشه عزابيه .. لا تسالين عنه مووول ولا تفتكرين فيه موول ولا تدقين له موول ... هو روحه بيقعد يفكر ليش هي متغيره علي وبيرد يطالع .. يوم بيشوفج منشغله عنه بتصيرين بباله وبيهتم .. الاهم تمسكين نفسج قد ما تقدرين وتكونين قويه الاراده .. حتى يوم برد البيت سوي روحج ما تشوفينه كلمج ردي عليه ما كلمج صخي وبرايه .. واهم شيء يوم ايي البيت مووول ل تسالينه وين وخل نطع ولا غيره انشغلي باي شيء ثاني عنه وسوي روحج بزي .. هو بيي يدورج ويبي يعرف شو تسوي ... بس هالشيء يبيله صبر وطوله بال .. اكشخي لنفسج ويلسي .. اذا بتروحين بيت اهلج او بتطلعين كواجب انج تستاذنين دقي غير جي طاف على قولتهم .. لا تطبخين له ولا تسوين الا على قدج انتي بس ولا تسالينه تغديت تعشيت او غيره.. ولا تقعدين تترينه لين يرد البيت لا حطي راسج وارقدي عادي .. انتي وبس تذكري .. هو بيلاحظ هالتغير .. بس انتي لازم تصمدين مب من اول ما تحسين ان سال عنج تردين تلينين لا تمي فتره جي لين تشوفين انج شغله الدايم ويرد البيت يطالعج وغيره

وطمنينا عليج عقب .. ربي يوفقج وايسرلج اموره

[رومنسية 84]

تعلمي كيف تهتمين بنفسج وتحبين نفسج اكثر وروحه بيرد لج وبيدورج

اكبر غلطه ان الزوجه تخلي زوجها شغلها الدايم كان مافي شيء عايشه عشانه غير ريلها

بمعنى حاولي تكملين دراسه .. اقري كتب او اشتغلي او كوني صداقات او روحي الجم اهتمي بمظهرج لنفسج بستايلج سوي لنفسج نيولوك .. اعزمي ربيعاتج خواتج هلج خواته عندج البيت قضي وقتج واستمتعي قد ما تقدرين وسويلج جدول هو ابدا ما يكون فيه ... لا تنتظرينه !!

اما بالنسبه له هو ... اعتبري عمرج لفتره عايشه عزابيه .. لا تسالين عنه مووول ولا تفتكرين فيه موول ولا تدقين له موول ... هو روحه بيقعد يفكر ليش هي متغيره علي وبيرد يطالع .. يوم بيشوفج منشغله عنه بتصيرين بباله وبيهتم .. الاهم تمسكين نفسج قد ما تقدرين وتكونين قويه الاراده .. حتى يوم برد البيت سوي روحج ما تشوفينه كلمج ردي عليه ما كلمج صخي وبرايه .. واهم شيء يوم ايي البيت مووول ل تسالينه وين وخل نطع ولا غيره انشغلي باي شيء ثاني عنه وسوي روحج بزي .. هو بيي يدورج ويبي يعرف شو تسوي ... بس هالشيء يبيله صبر وطوله بال .. اكشخي لنفسج ويلسي .. اذا بتروحين بيت اهلج او بتطلعين كواجب انج تستاذنين دقي غير جي طاف على قولتهم .. لا تطبخين له ولا تسوين الا على قدج انتي بس ولا تسالينه تغديت تعشيت او غيره.. ولا تقعدين تترينه لين يرد البيت لا حطي راسج وارقدي عادي .. انتي وبس تذكري .. هو بيلاحظ هالتغير .. بس انتي لازم تصمدين مب من اول ما تحسين ان سال عنج تردين تلينين لا تمي فتره جي لين تشوفين انج شغله الدايم ويرد البيت يطالعج وغيره

وطمنينا عليج عقب .. ربي يوفقج وايسرلج اموره

[كروشيه جملة]

السلام عليكم ورحمة الله وبركاته

أختى العاليه نصيحتى ليكى أنتى يجب أن تغيرى أشياء فيكى حببتى فزوجك طلاما هو كذالك فهو بيحب التغير غيرى من طيقتك باللبس أو طريقتك لتسريحة شعرك أو المكياج أشختى


وقبل هذا كله عليكى بقول :: الله لا إله إلا أنت سبحانك إنى كنت من الظالمين :: فهذه دعوة ودعاء بفضل الله

أختى أنا كان صاير لى مثلك فغيرت كتير من نفسى وبفضل الله كل شىء أتغير

وأكثرى من الإستغفار فلا تخلى الشيطان يدخل بناتكم يا قلبى


وأسأل ربى أن يشرح صدرك ويقرب عنكى كل بعيد ويغير حال زوجك من حال إلى أحسن حال يا الله

[ليندااااا]

الله يعينج أختي ويفرج همج ,

[المغتربة]

اختي الكريمة نصيحة و انا دايما بين فترة و الثانية يوم احس ريلي بعيد عني او يبتعد عني


احاول اجدد في نفسي و احب نفسي اكثر و ادلع نفسي و اهتم بنفسي
يعني تلقيني اسوي رياضة + اروح سبا + اتكشخ اكثر و اتعدل + ازيد من جرعات حياتي الاجتماعية مع ربيعاتي و الاهل و اهل زوجي
مرات يكون قاعد معاي و اسولف ف الفون مع ربيعاتي بضحك
اعمال تطوعية

بس يبغي له تكتيك و تخطيط
اهتمي ف عمرج و هو بيركض وراج نفس طابع البريد !!!!!


اخليه يغاااااااااار بصورة خيالية عسل يصطلب هههههههههههههههههههههه

[ورقة ناعمة]

اختي الكريمة نصيحة و انا دايما بين فترة و الثانية يوم احس ريلي بعيد عني او يبتعد عني


احاول اجدد في نفسي و احب نفسي اكثر و ادلع نفسي و اهتم بنفسي
يعني تلقيني اسوي رياضة + اروح سبا + اتكشخ اكثر و اتعدل + ازيد من جرعات حياتي الاجتماعية مع ربيعاتي و الاهل و اهل زوجي
مرات يكون قاعد معاي و اسولف ف الفون مع ربيعاتي بضحك
اعمال تطوعية

بس يبغي له تكتيك و تخطيط
اهتمي ف عمرج و هو بيركض وراج نفس طابع البريد !!!!!


اخليه يغاااااااااار بصورة خيالية عسل يصطلب هههههههههههههههههههههه

ترى الطلعات نص العالم من الرياييل ما يحبون يطلعون حريمهم الا نادر مب كل يوم يعني بالويكن مرة بالاسبوع

ونادر مايكون مرتين ... فلا تاخذين فكره ان كل الحريم يطلعون ويهيتون مع رياييلهم ... ,,,

[فراشة فوشية]

الله يهديه ويصلح حالكم وحال الجميع

[غصب البان]

امممممم .... ا??لّہ يهديه يإرب ؤيسعدج
كل ألكلام لي كنت بقوله كتبنه لأخوات يزاهن ا??لّہ خير

[يسرا ام نوف]

الله يهديه يارب