بليييييز ردو علي بسرعه

[شـ العيون ــوق]

مرحباااااا


اللي عنده خبره انا الحين بالتاسع تقريبا الاسبوع الثاني من التاسع ينزل مني شوية دم مع الافرزات بيضه شفافه

والفجر كانت عندي تقلصات رقد اشويه من قمت اختفت هاي التقلصات اخاف يكون الطلق بارد وياثر على الجنين

انا امشي وشربت عصير اناناس وقطع اناناس وزيت خروع بس ماشي فايده

فهل اروح المستشفى

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[@ضناني الشوق@]

مرحبتين ..هذا البدايه. صبري شوي ...لين مايزيد الويع وماترومين تستحملينه ... واذا نلبج الماي سيري المستشفى وحاولي تمشين واشربي ماي وحطي فيه زعفران وااااااااااااااااااااااااااااااااايد زين ... الله يسهل عليج يارب.... طمنينا عليج

[بـدو الخويـره]

ابتعدي عن الخروع لأنه يإثر على الياهل يخليه يتبرز في المشيمة
ولو إنه بعض الدكاترة يقولون من يفتح الرحم تقدر الحامل تشربه لكن كلن له تجربه

أعتقد ها اللي فيج إمنان أنتي حاولي تمشين وتسوين تمارين الولاده مثل القرفصاء وأصبري لين ينتظم الآلم كل ١٠ دقايق عقب لين يوصل كل ٥ دقايق وروحي المستشفى الله يسهل عليج وعلينا انشالله

[Beshow]

اذا نزل الدم بعد ماكشفت عليج الدكورة يعني هاي مب السدادة

واذا كانت السدادة يعني جريب بتربين ان شالله في حريم ياخذون اسبوع عقبها وحريم ياخذون كم ساعه

الله يسهل عليج

[فينوس]

استرخي في البانيو ماي حار وإن شالله عضلاته ترتخي ويكون طلقج سهل..
لا تنسين تدعين لأهلج وريلج وأولادج والمسلمين وأولادهم بالهداية والصلاح..
الدعاء مستجاب للأم وقت ولادتها للطفل بإذن الله فاغتنمي هذه اللحظات..

[وردة غلااا]

ربي يسهل عليج

[بنت خورفكان 3]

ولادتج قريبه بس انتظري مثل ما قالوا الخوات لين مايفتح الماي او يزيد الويع

[شما الهاجري]

الله يسهل عليج إن شاء الله