سؤال مهم

[روح الشذى]

السلام عليكم


عندي سؤال كانت عندي وما زالت مشاكل مع زوجي لدرجه تكلم عن شرفي واثبت برائي قانونيا لدرجه انه زوجي كل يوم يدخلنا المخافر والمحاكم وكل دقيقه يرفع قضيه عليه

طبعا محد يدري من اهلي لاني اتمناله الهدايه وهذا كله سوالف اهله وخاصه اخته

ولا ريلي ما كان جذي المهم مسوي عليه قضيه ومتهمني بالسحر والطلاسم والعياذ بالله


خدامتي الخايسه اثيوبيا يوم اتشوفني في الدوام اتقول لريلي اني مجنونه ادخل العيال الغرفه واقفل الليت واضربهم ومرات اتقوله ادخن البيت واقفل الباب هذا بنسبالها سحر


المهم كنت زياره لبيت اهلي ولما رجعت اتصلوا المخفر اني متهمه بتهمه السحر والشعوذه الله يشعوذ خدامتي يارب ما ياني من الا المصايب



زوجي خاف وبلغ والحين اثبتت براتي واهو يتهم الخدامه انها متكلمه للمحكمه وانا ابي اسوي رد


اعتبار لان الموضوع جرحني وخبروني النيابه ان لبقضيه لها سجن 10 سنوات بس الحمدالله بفضل الله وصلاتي ودعائي استجاب لي



سؤال كيف رد اعتبار لاني ما عندي خلفيه فيه

هل الحكم السجن والعقوبه الي كنت باخذها بيكون لزوجي والخدامه لانه ريلي صدق كلامها واهو كلها انلدغ او كيف لانه انا كفلني جوازي اهو اتهمني بدون دليل بس كلام الخدامه شو رد الاعتبار مبلغ او عقوبه ابي معلومه عنه ؟











وسلامتكم خواتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلا راكـ 3]

ماعندي أي خلفيه عن هالموضوع
ان شاء الله البنات يساعدوونج
والله يهدي زوجج ويسخره لج

[الأحلام الملونة]

السؤال الآهم عزيزتي كيف بعد كل هذة الآتهامات من التشكيك بالشرف والسحر والمخافر والقضايا علاقتك بزوجك ؟؟؟؟؟

[يمامة أيوب]

الله يهديه

ادعيلج بالصبر لو ناويه تكملين معاه وفوق هذا اهلج مايدرون....لانه كل الامور اللي صارت فوق تقتل الاحترام و الموده والسكن بين الزوجين ..هل انتي حابه تكملين معاه؟ غيرج بتطلب الطلاق للضرر و كل امورج بالمحكمة

حتى رد اعتبار تقدرين ترفعين عليه قضيه اسمها رد اعتبار مب بس بها القضيه بكل الامور الثانية الليي اثبتتي فيها برائتج القاضي اعتقد يحدد كم المبلغ او يمكن محاميج يقترح
انتي لازم تسالين نفسج شنو تبين ؟ اعتقد رد اعتبار ممكن يكون مبلغ
الحين البنات بيعتقدون احرضج بس انا لا انا ابيج تفكرين بينج وبين نفسج انتي شنو تبين؟

[ام حتومي]

وللان اهلك مايدرون؟؟؟!!!!
اولا مب رجال كيف يتسرع ويبلغ وهو ما تاكد ومن من من الخدامه اكبر مخربه للبيوت

ثانيا خلي اهلك يتدخلون واخلعيه وردي اعتبارك
وبسبب كل هالاتهامات سوي حفله اذا خلعك وعزمي اهله واخته

[ورقة ناعمة]

توم وجيري بس نوع جديد ..........ومخافر وشرطة وسحر بالموضوع .... الله اعلم

انتي لج رب العالمين اكبر منج ومن ريلج ويعرف الادعاءات هاذي صدق ولا كذب .....

غريبة ريلج لين اليوم حاطمج بذمته وانتي مستمتعه بهالاجواء ,,, وتبين تعرفين قوانين المحاكم والمخافر ,,,,


الله اعلم بموضوعج صدق ولا خرافي والله اعلم بالزوج اذا كان صادق ولا لا ....

دام الواحد ينظلم بس بشرفه ما يرضى على نفسه بالبقاء بس انتي ما اعرف من اي نوع ... وما اعرف كيف عندج وقت بالمحاكم وووو


الله يعين الزوج بس .........

[لحن الخلـود]

و الله مادري شقول
بالله من صدقج
بس بقولج أشيا ممكن الواحد يمشيها مرة مرتين مثل الضرب و الإهانات
و لكن الشررررف خط أحمر! هذا كيف صدق الخدامة على حسابج؟!
و كيف يرضى على أم العيال ترى شرفها من شرفه و شرف أهلها
و كيف يركضج المحاكم و المخافر و انتي أكثر شي فكرتي فيه هو المبلغ و إلا العقوبة؟
استغفر الله يا رب لا تواخذني بس أختي حطي قلبج ع صوب و فكري بعقلج

[أم ردينا]

يصدق كلام الشغاله غريبه صراحه

ويكذبك انتي زوجته وام عياله؟؟
ومن الافضل تخبري اهلك
لانهم سند لج عن يتمادى زوجك ويشوفك انك ماخبرتي اهلك
عشان يكونو ع درايه ويقفون وياج

ماقول غير حسبي الله ونعم الوكيل
الله يكون بعونج

[أم برلنتي]

مفترض بعد ما طعن زوجك بشرفك ودينك وجرجرك للشرطة والمحاكم

وجب انك بلغتي اهلك ووقفوه عند حده ورفعتي دعوى طلاق !!

سامحيني بس انتي فيك شي من البرود ممكن !!

مع احترامي لك يا اختي

بس وين كرامتك ؟!

[بدويه كول]

وانتى معطيه وجه لشغاله ترمس زوجك عادى
ليش موب كاسره عينها وتهددينهالو ترمس زوجك تسجنينهاوليش موب حاطه كاميرات فى البيت تعرفين
شويصير وانتى موب موجوده
وشوهاالريال الى كله محاكم وشرطه شكله يبايطفشج وتطلبين الطلاق حتى تتنزلين عن حقوقج
على العموم خدى لج محامى يطلع حقوقج من عيونه والبشكاره اتصلى على الشرطه يشيلونها

[المغتربة]

الزوجة تمشي كل شي
تتنازل عن كل شي

بس يتهمها ف شرفها !! هذي جريمة
و هذا الرجل لا يصلج زوج

لا يصلح يكون انسان حتى

حتى لو اجتمعت عليه الامه و قالوا زوجتك مب شريفة المفروض يتأكد بطرقه الخاصه لو كان يشك مو يروح الشرطة

اسفة و لكنها الحقيقة

[الفدعانية]

اختي القاضي هو يقرر كيف يرد لج اعتبارج ..............

[ليندااااا]

كيف صابره عليه للحين اختي

[دلوعه حمودي]

كل اللي سوها حقج وتقولي زوجي والشغاله بعدها في بيتج انتي كيف تسكتي اتهمج في شرفج وانج تسويله سحر وصلت للمركز الشرطة والمحكمة وبعدج متحمله الله يعينج علي اللي فيها أختي نصيحه اتركيه الريال

[الأحلام الملونة]

نكتفي بهذا القدر من الردود

الواضح من صاحبة المشكلة تبغي بس الرد علي الشق القانوني مع الخادمة وهذا يحتاج لمستشار قانوني ----

يغلق