تجمع عـرايس الصيف (مايو، يونيو، يوليو، أغسطس) 2014

**صبووووحه** · 2014-03-13, 12:36

موفقات يارب
الله ييسرلكم

**حرم الحوسني** · 2014-03-13, 13:44

موفقات خواتي والله يتمم لي ولكم على خير ان شاء الله

**قارورة العسل** · 2014-03-14, 18:48

ماشاء الله
الله يتمم لكم على خير ان شاء الله

**حرم الحوسني** · 2014-03-15, 13:29

الله يتمم زواجكم على خير خواتي ...

**~ الح ـشيمه ~** · 2014-03-17, 00:37

ويتمم لج على خير حرم الحوسني .. باجي عن عرسج شهر … الله يسعدج يارب وتكونين احلى عروووس

**حرم الحوسني** · 2014-03-17, 00:51

لاتذكريني ياختيه حدي خايفه وعلى اعصابي
الله يتمم اموري كلها على خير ..
ويتمم عرسج وعرس عرايسنا على خير ان شاء الله
ها بشري وين وصلتي في الترتيب والزهاب؟
اهم شي خلصتي من الاشياء الاساسيه القاعه - الكوشه - الفستان - المكياج ؟

**~ الح ـشيمه ~** · 2014-03-19, 00:41

المشاركة الأصلية كتبت بواسطة حرم الحوسني

لاتذكريني ياختيه حدي خايفه وعلى اعصابي
الله يتمم اموري كلها على خير ..
ويتمم عرسج وعرس عرايسنا على خير ان شاء الله
ها بشري وين وصلتي في الترتيب والزهاب؟
اهم شي خلصتي من الاشياء الاساسيه القاعه - الكوشه - الفستان - المكياج ؟

والله قبل اخفف عنكم واقولكم لاتخافون واستانسو بليلة العمر ههههه والحين بديت احس باحساسكم

مهما كنا خايفين ومتوترين وع اعصابنا لازم نستانس ونستمتع بهاليوم من اوله لآخره وكل ايام شهر العسل وبعد شهل العسل بعد .. حرم الحوسني دخلي طمنينا عليج وخبرينا كيف كان وعطينا معنويات

انا حجزت فستان العرس الحمدلله ..والقاعه حاجزين من شهر 12 الحمدلله .. وحالياً اهتم بأمور الكوشه والقاعه والترتيبات .. المكياج والتسريحه ابا اروح اسوي بروفه قبل .. عندي اختيارين .. عقب البروفه بقرر وبحجز ان شاءالله .. بس خلال هالاسبوعين ان شاءالله

الزهاب مخلصتنه من شهر فبراير الحمدلله .. باقلي بعض الامور البسيطه ..

- مثل أكياس تعليق العبايا والكنادير العربيه والمغربيات البسيطه … هيه صح وبروح افصل عبايا ان شاءالله هالشي بعدني ماسويته
- فيه عطور بعدني ابغي اروح آخذهن مسك العروس وهالاشياء
- باقلي اشياء بسيطه من ادوات المكياج ..

يعني بشكل عام مخلصه الاشياء الثجيله باقلي الامور الخفيفه الي بروح ف يوم وبشتريهن ان شاءالله

عرايسنا الحلوات اذا عندكم اي استفسارات نحن حاضرين ^^

**x N o u n a** · 2014-03-19, 10:25

مرحبا عرايسنا الحلوات ..
الف مبروك للجميع و الله يتمم لنا على خير ان شاء الله ..
أنا عروس يونيو .. و للحين ما بديت اتزهب

..
ما أعرف من وين ابدى ..
العبي و الجلابيات و المغربيات .. بنات خالاتي بيستلمون الموضوع عني ..
اما انا ماعرف بشو اكمل ..
فيدوني بشو ممكن ابدى ؟ وين اروح بالضبط ..

**حرم الحوسني** · 2014-03-19, 13:53

المشاركة الأصلية كتبت بواسطة ~ الح ـشيمه ~

والله قبل اخفف عنكم واقولكم لاتخافون واستانسو بليلة العمر ههههه والحين بديت احس باحساسكم

مهما كنا خايفين ومتوترين وع اعصابنا لازم نستانس ونستمتع بهاليوم من اوله لآخره وكل ايام شهر العسل وبعد شهل العسل بعد .. حرم الحوسني دخلي طمنينا عليج وخبرينا كيف كان وعطينا معنويات

انا حجزت فستان العرس الحمدلله ..والقاعه حاجزين من شهر 12 الحمدلله .. وحالياً اهتم بأمور الكوشه والقاعه والترتيبات .. المكياج والتسريحه ابا اروح اسوي بروفه قبل .. عندي اختيارين .. عقب البروفه بقرر وبحجز ان شاءالله .. بس خلال هالاسبوعين ان شاءالله

الزهاب مخلصتنه من شهر فبراير الحمدلله .. باقلي بعض الامور البسيطه ..

- مثل أكياس تعليق العبايا والكنادير العربيه والمغربيات البسيطه … هيه صح وبروح افصل عبايا ان شاءالله هالشي بعدني ماسويته
- فيه عطور بعدني ابغي اروح آخذهن مسك العروس وهالاشياء
- باقلي اشياء بسيطه من ادوات المكياج ..

يعني بشكل عام مخلصه الاشياء الثجيله باقلي الامور الخفيفه الي بروح ف يوم وبشتريهن ان شاءالله

عرايسنا الحلوات اذا عندكم اي استفسارات نحن حاضرين ^^

ما شاء الله عليج خلصت اكثر الاشياء , يعطيج العافيه فديتج
اممممم انا ابغي اسوي بروفه مافيني انصدم بشكلي يوم العرس هههههه مع انه الماكييره خلود التميمي غنيه عن التعريف وايد احب شغلها
وان شاء الله تخليني واو في يوم العرس خايفه من المكياج اكثر من أي شي ثاني هههههه
حاولي تاخذين باكج من الصالون كل اشبوع تسيرين وتسوين شي من حمام مغربي - حمام زيت - تنظيف بشره - مساج وجذه
ونصيحه اخت كثري من الماي وحاولي تسوين رياضه خفيفه وانا اخذ مكملات فيتامينات واحس اموري طيبه الحمدلله

**حرم الحوسني** · 2014-03-19, 13:58

المشاركة الأصلية كتبت بواسطة x N o u n a

مرحبا عرايسنا الحلوات ..
الف مبروك للجميع و الله يتمم لنا على خير ان شاء الله ..
أنا عروس يونيو .. و للحين ما بديت اتزهب

..
ما أعرف من وين ابدى ..
العبي و الجلابيات و المغربيات .. بنات خالاتي بيستلمون الموضوع عني ..
اما انا ماعرف بشو اكمل ..
فيدوني بشو ممكن ابدى ؟ وين اروح بالضبط ..

في البدايه الف الف الف مبروووووووك بعروس يونيو الله يتمم لج على خير ويسعدج ياقلبي
والحين ندخل في الجد ههههه ( حماس حسيتي )
اول شي خلصي من الاشياء المهمه القاعه - الكوشه - فستان العرس - المكياج
احجزي من الحين وفكي عمرج من الصدعه
ودام انه بنات خالتج شلوا عنج سوالف المخاوير والجلابيات خير وبركه
ابدي في الاشياء الثانيه الحين احسن عسب ماتحسين بضغط وغيره قريب العرس ويكون عندج وقت تتفرغين فيه حق نفسج
واذا بغيتي أي مساعده ترانا في الخدمه

**ساحره العين** · 2014-03-19, 17:06

نونه ابدي فجسمج وشعرج خذي تريتمنتس لهم احسن لج عشان تظهر النتايج على راحتها واحسن شي انه بنات خالاتج بيساعدرونج في الزهبه لانها متعبه << حسب كلام العرايس ��

**~ الح ـشيمه ~** · 2014-03-19, 19:19

المشاركة الأصلية كتبت بواسطة حرم الحوسني

ما شاء الله عليج خلصت اكثر الاشياء , يعطيج العافيه فديتج
اممممم انا ابغي اسوي بروفه مافيني انصدم بشكلي يوم العرس هههههه مع انه الماكييره خلود التميمي غنيه عن التعريف وايد احب شغلها
وان شاء الله تخليني واو في يوم العرس خايفه من المكياج اكثر من أي شي ثاني هههههه
حاولي تاخذين باكج من الصالون كل اشبوع تسيرين وتسوين شي من حمام مغربي - حمام زيت - تنظيف بشره - مساج وجذه
ونصيحه اخت كثري من الماي وحاولي تسوين رياضه خفيفه وانا اخذ مكملات فيتامينات واحس اموري طيبه الحمدلله

هيه اهم شي بروفة المكياج .. ع الاقل مابننصدم ف يوم العرس .. يارب تطلعين احلى عروس وبتكونين وااااو ان شاءالله

والله يا حرم الحوسني انا من فتره منتظمة ع المغربي بس يوم اسوي ليزر لازم قبله بخمس ايام وعقبه بخمس ايام ما اسوي مغربي ..
بس اكيييد ان شاءالله لازم انتظم اكثر واكثف الاهتمام بالجسم والبشره ..

احاول اشرب ماي وايد .. وبالنسبه للمكملات الغذائيه قبل بكم استخدمتيهن عروستنا؟

**ثق بربك** · 2014-03-19, 19:48

الله يتمم لكم على خير يارب وعقبالنا

**~ الح ـشيمه ~** · 2014-03-19, 19:49

المشاركة الأصلية كتبت بواسطة x N o u n a

مرحبا عرايسنا الحلوات ..
الف مبروك للجميع و الله يتمم لنا على خير ان شاء الله ..
أنا عروس يونيو .. و للحين ما بديت اتزهب

..
ما أعرف من وين ابدى ..
العبي و الجلابيات و المغربيات .. بنات خالاتي بيستلمون الموضوع عني ..
اما انا ماعرف بشو اكمل ..
فيدوني بشو ممكن ابدى ؟ وين اروح بالضبط ..

الله يبارك فيج ومبروك يا عروس يونيو .. شراتي ^^

لازم تكتبين كل الي تحتاجينه ف ورقه او ف اكسل شيت .. عشان ماتنسين شي وكل ماتتذكرين شي تكتبينه

انا بحاول اكتب لج اغلب الاشياء .. وطبعاً بيكون لج اشياء اكثر من الي بكتبه

اهم شي الحجوزات .. حجز القاعه، حجز تذاكر وفنادق شهر العسل اذا انتي بتختارين، لانه كل ما حجزتي قبل كل ماكانت الاسعار احسن، خاصه انه ياي الصيف وتعرفين التذاكر والفنادق بترتفع اسعارهن ..

مهم بعد تخلصين الامور الي تحتاج وقت وجلسات مثل الاسنان والليزر اذا بتسوين ليزر .. حمام مغربي لازم تروحين باستمرار كل شهر مرتين

ابدي اهتمي بشعرج حمامات زيت وبالبشره والجسم .. يعني اسبوعياً .. يا تختارين بكج من صالون او انتي تهتمين فالبيت

- فستان العرس مهم انج تحجزينه لانه ع اساسه بتختارين ثيم العرس الكوشه والسنتر بيس والمسكه .. يعني الفستان وايد يساعدج ع اختيار الاشياء الثانيه
- حجزي للمكياج والتسريحه .. وطبعاً بتحتاجين وقت تيلسين تدورين وتطالعين وتسألين فيه وروحي سوي بروفه قبل ماتحجزين
- حجز الحنا
- لاتنسين تشترين الامور الي تحتاجينها : مكياج، عدة اظافر، مناكير، شنط حق الزهاب، اندر وير، بجايم وملابس نوم، اكسسوارات، ساعات، اغراض الشعر مشوط وسشوار وفير وشباصات، عبايا وشيل، ملابس البيت المريحه وشيل صلاة
- وعقب ماتختارين الفستان : لاتنسين التاج او اكسسوار الشعر الي حابه تلبسينه، عدسات اذا بتلبسين حق العرس او عقب العرس، وملابس حق سفر شهر العسل والمسكه

اهم شي تخلصين فالبدايه الامور الي يبالها وقت مثل التفصيل والحجوزات عشان يكونن جاهزات قبل العرس بفتره

الله يسعدج يارب ويهنيج

**حرم الحوسني** · 2014-03-19, 20:57

ما شا ءالله عليج الحشيمه كفيتي ووفيتي ويا الاخت ^_^

الموضوع: تجمع عـرايس الصيف (مايو، يونيو، يوليو، أغسطس) 2014

أدوات الموضوع

عرض

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

رد: تجمع عـرايس الصيف (مايو، يونيو، يوليو، أغسطس) 2014

المواضيع المتشابهه

جديد تجمع كتكوتات 2013 ( ابريل 4 / مايو 5 / يونيو 6 )

تجمع أمهات 2009 (يوليو/أغسطس/سبتمبر)

تجمع الامهات اللي ربن في يوليو-أغسطس -و سبتمبر 2008 -- الجزء العاشر....

:+: تجمع الحوامل الكتكوتات الي بيربن في ( ابريل - مايو - يونيو ) (6) :+:

تجمع الحوامل اللي بيربن في أبريل ، مايو ، يونيو 2009..