ريلي مد ايده

[ام حمدان دبي]

صباح الورد
بنات انا صبرت ع موضوع الضرب مرة ومرتين و3 وعشرررررر لين طفح الكيل. من شهر وانا افكررررر عقب اخر مرة ضربني فيها وندمت اني سامحته شو بسوي لو كررررها فكرت فلموضوع من كل النواحي وحسبتها وشفت الطلاق هو الحل وخاصة اني عقب كل موقف يضربني فيه اكررره اكثررررررررررررر
االلي. صار ان من يومين مد ايده علي. وجدام عيالي وطبعا الاسباب وايد سخخيفة وما تنذكر ررررر. و عذره دايما ما اقدر اتحكم بعصبيتي الزايدة
والمشكلة الضرب. وايد موذذي
انا عطيته ويه الممفروض من البداية ما اسكت عنه ما في وحدة الحين تسكت عن هلموضوع
انا قررررررررت اطلب الطلاق وخحاصة. اني ابد مب متقبلتنه وكارهتنه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حمدان دبي]

ودخلت اهلي بلموضوع كذا مرة يصطللب فترررررره ويرجع
اتبعت وايد اسالبب ولا فادت وياه
مصررررررررررره ع الطلاق. وصدق احس نفسي كارهتنه

[ماما سلطان]

يوم بيفقدج بيعرف قيمتج... أكره الرجال اللي يستقوون على حريمهم لان الحرمة بعينه كائن ضعيف... وتعالي شوفيه جدام مديره ولا يسوى بيزة... يعوض النقص اللي فيه بانه يضربج عشان يشبع في نفسه غريزة القوة.... أي ريال يهين او يضرب او يحقتر اللي أضعف منه معناته ناقص رجولة ويتحسب إنه بجي بيثبت رجولته... الله يعينج على ما ابتلاج الله فيه واسأل الله إنه يهدي ريلج.... حاولي تطلبين المساعدة من مراكز الدعم الأسري هم بيعطونه دورات كيف يقوي ذاته ويحس برجولته وصدقيني عقب ما بيعوض النقص فيج ولا في عياله ....

[حبيبة كلود]

الي يمد ايده صدقيني مب ريال ادبية وفكي عمري والقارا قرارج والريال نفس ريلج مايتغير ابدا صدقيني

[مواطنة مظلومة]

حبيبتي الله يعينج
فعلا الريال اللي يمد ايده على حرمته ويستقوى عليها مب ريال

اعرف وحده ريلها كان دايما يظربها ومره كسر اصابع ايدها ومره خلاها بعد ما ظربها ترقد في المطبخ في عز الشتا بلا غطا ولا شي ومتدفيه في حراره مكينة الثلاجه ومره في الحجره عند باب الحمام ومتجمده وصبرت واتحملت اهاناته بس عشان اهلها وعشان الناس ما يتكلمون ويقولون مطلقه.. ومره من المرات مااتحملت يوم ظربها جدام بنتها قامت ومدت ايدها عليه وهي معتميه وورمت له ويهه وهو من الصدمه على كلامها ما قدر حتى انه يدافع عن نفسه .. وخف وايد موضوع الضرب .. لكن من يمد ايده اترد له الصاع صاعين والحين ما يقدر يسوي لها شي لو يحاول يظربها تمسكه وتهدده وتقول له تراني مب ضعيفه وبدونك حياتي احسن مليون مره بس انت كاسر خاطري بتنعق ولاحد بيسأل فيك .. والحمد لله هدا وايد وقام يسوي لها الف حساب وحياتهم احسن مليون مره .

[مراسيل الوفاآ]

ان ضربج خلي اخوانج يضربونه، هذا احسن حل للريال
اللي ما يخاف ربه ويستقوى ع الحريم، مهما كانت الاسباب
سواء كنتي غلطانه او لا، ما يعطيه حق انه يمد ايده

قال تعالى "فإمساك بمعروف او تسريح بإحسان"

ودامج سامحتيه هالمره كلميه وقوليله انه يا يبتعد عن
هالاسلوب او انه قرارج بيكون الانفصال لانج ما بتقدرين
تكملين وياه او ناقشيه وكلميه بأسلوب يخليه يحس فعلا
انج جاده وما بتسامحينه مره ثانيه ان عادها، واذا عادها
عندج اهلج خليهم يتصرفون وياه بحيث انه عقبها هو يقرر
هل يكمل بدون هالاسلوب او انه يطلقج لانه العصبيه مب عذر
للي يسويه . .

[أم أية 2]

إذا ضربج اضربيه لا تسكتين

[حلوه وقموره]

صراحه من اول مره كان مفروض تادبينه

وتقلبين الدنيا ع راسه كان تأدب ولا تجرأ يمد ايده

بس لانج سامحتيه ايده خذت ع الضرب وبيقول مردها تسامح

وانصحج ماتسامحينه بالمره الثانيه كله ولا الضرب واهانه الكرامه

وهدديه انج بتبلغين اهلج والشرطه عسب يتادب

او ردي له الضرب ودافعي عن نفسج لين يتادب ويرد ريال

[Pink Cherry]

حبيبتي الرياييل ما يطوف لهم الضرب لانهم يتجرأون اذا سكتي وسامحتيه يعتبره ضعف وبيكمل الضرب

شعليه من الناس كلامهم اذا اطلقت من زوج يضربني ولا يحسن معاشرتي ! انهان وانضرب واتحمل عشان ما احمل لقب مطلقه ليش؟

لو مد ايده عليج انتي بعد اضربيه اكسري له ايده وسيري اشتكي عليه بعد لا تسكتين مب فوضى هي

[ام فيصل ومحمد]

بنات ليش تنصحونها تضرب ريلها أوكيه الضرب ما ينسكت عنه بس مب تردله بالضرب اشداركن انه بيخاف امكن يضربها ازود وازود وما يبقي لها عظم مهما كان أهي حرمة وبنيتها أضعف من بنية الريال يعني ما بتقدر أدافع عن نفسها اذا قلبوها مصارعة ، تمسك أيده صح ترده عن ضربها صح لكن تضربه ؟!!! انا مو ويا هالشيء اخافه يجتلها او يتركها معاقه ولا بالمستشفي الله يصلح حالكم حبوبة

[سامية22]

الله يهديه

[مذهــله]

قوليله ان ماتأدبت ببلغ الشرطة لا بدخل اهلي ولاشياته وسويها ان عادها ..

[ليندااااا]

الريال الي يضرب حرمته انسان ضعيف الشخصيه
وتربى في عائلة مبدائها الضرب
لو بتتركينه حياته بتقلب 180 درجه للاسوء

[ورقة ناعمة]

شو السبب الغالية ليش يضربج وشو اللي يخلي ريال يمد ايده على حرمته ,,, وانتي بالبداية ليش سكتي ...

[صروح1]

الله يعينج..