ميلسنا 2014

[mischocolat]

السلام عليكم مسشكلوووته انا من متابعينج من زمااان وبما ان الموضوع فتح من يديد قلت اشارك وافيد تجربتي كانت مع كريم كاب اخلط منه شوي مع ملح الحليييب وسنفره ولا اروع نعووومه ومع الوقت والاستمرار بيقشر طبعا وثاني شي جد جد كرهة واقي الشمس من بعد استعمالي بيوديرما لانه سوالي حبوب وما انتبهت الا يوم سرت عند دكتوره وسالتني كذا اساله وعرفت انه من الواقي وكنسلته الحين ادور شي خفيف شو تنصحيني فيه وثاني شي منو جربة منتجات لابراري خذيت التونر والغسول والمرطب وبجربهم مجموعتي الحاليه من بيوديرما للبشره المختلطه بس احب اجرب المنتجات هيه والله انا حقل تجارب ههههه

هلا حبيبتي ويشرفني متابعتج لي
بالنسبه للواقي من الشمس شوفي اللي أنا حطيتهم فوق كذا نوع .....اذا بشرتج دهنيه انصحج بواقي فيتشي لانه مب كريم بالتالي خفيف جدا وانا متأكده ما بيسبب لج حبوب ولا تهيج بالعكس بيخلي بشرتج جافه لمدة أطول من باقي الواقيات وبنفس الوقت فيه معادن بتريح بشرتج وايد
منتجات لابيريري أحسها للأعمار الكبيره مب للبنات الصغار ثاني شي أسعارهم غاليه جدا بالتالي مرهقه للميزانيه بالنسبه للغالبيه بس اذا السعر ترومين عليه أنصحج تجربين الكريمات لأنها ممتازه فعلا بس انتبهي لنقطه مثل ما قلت لج بالبدايه هاي منتجات مركزه وغنيه بالكافيار فلو كنتي كبيره بالعمر او تحسين بشرتج صايبتنها اعراض الشيخوخه مثلا الجفاف الشديد وعدم التماسك استخدميها لانج بحاجتها وبتستفيدين منها بس لو انتي ما تعانين من هالاشيا انصحج توفرين بيزاتج وتوفرين وقتج وبشرتج لان الشي اللي تستخدمينه وانتي مب بحاجته ماراح تشوفين اي تغيير منه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[M-Alshehhi]

احب هالتجمع وااايد ولازم
بين فتره وفتره ادشه
بكل اجزاءه
عاد اليوم يايتج بأسئله
يا مس شوكليت اول شي انا
بشرتي مختلطة وماشاء الله
مافيها عيوب الا كم حبه تظهر
وقت الدورة وتختفي وعمري 23
ومن صغيرة كنت استخدم مجموعة
بودي شوب مال seaweed بس
احس احين تغيرت يعني ماقامت تعطيني
فايدة مثل اول يعني احس بشرتي مافيها
نظارة مثل اول ابيج تنصحيني بماركة مناسبة
حق بشرتي وتعطي نظارة واذا في شي زيادة لازم
اخذه كعناية اكثر يعني انا احين بس اخذ غسول
وتونر ومرطب خاطري في مغذي مثل سيروم او
شي ثاني ماعرف شو اخذ انا حابة ماركة No7
اللي في بوتس مادري تناسبني ولا ؟
والسموحة مس شوكليت طولت عليج الغاليه

[جوهر صافي]

مشكوووره مس شوكليت ع الرد هيه اتوقع بجرب فيشي انا قريت شو كاتبه فوق وقلت بجربه بشرتي مختلطه ومافيني اعراض الشيخوخه بس شريت المنتج خلاص المهم بجربه وبخبركم بالنتيجه بعد التجربه بس اتريا منتجات ديرما تخلص وببدا فيه

[mischocolat]

احب هالتجمع وااايد ولازم
بين فتره وفتره ادشه
بكل اجزاءه
عاد اليوم يايتج بأسئله
يا مس شوكليت اول شي انا
بشرتي مختلطة وماشاء الله
مافيها عيوب الا كم حبه تظهر
وقت الدورة وتختفي وعمري 23
ومن صغيرة كنت استخدم مجموعة
بودي شوب مال seaweed بس
احس احين تغيرت يعني ماقامت تعطيني
فايدة مثل اول يعني احس بشرتي مافيها
نظارة مثل اول ابيج تنصحيني بماركة مناسبة
حق بشرتي وتعطي نظارة واذا في شي زيادة لازم
اخذه كعناية اكثر يعني انا احين بس اخذ غسول
وتونر ومرطب خاطري في مغذي مثل سيروم او
شي ثاني ماعرف شو اخذ انا حابة ماركة No7
اللي في بوتس مادري تناسبني ولا ؟
والسموحة مس شوكليت طولت عليج الغاليه

هلا حبيبتي ونتشرف بج بالقسم كله مب بس في الميلس
شي طبيعي انج تحسين ان المنتج اللي تستخدمينه الحين مايعطيج نتيجه لانج تقولين من زمان تستخدمينه يعني البشره كبرت شوي وتغيرت صفاتها أكيد بالتالي تحتاج لتغيير المنتجات اللي تستخدمينها
منتجات N07 ولا اروع بس انا لاحظت منتجاتهم الجديده حسب العمر مب حسب نوع البشره
يعني اللي بال25 منتجاتهم بروحها واللي فوق ال35 منتجات بروحها
فانتي اسئلي اللي بالصيدليه اذا تناسب نوع بشرتج أو لا وانا انصحج بفرع الوحده مول او الفرع اللي بالمرور هالفرعين عندهم بنتين وحده أثيوبيه ووحده مغربيه او تونسيه البنتين ولا أروع صدق متمكنات من شغلهن ويعرفن كل شارده ووارده عن هالماركه فأنصحج تسئلينهم لان بصراحه اراءهم ثقه ويعرفون بالضبط شو اللي يناسبج
عندج بعد ماركة سوسكين رهيبه جدا كل شي عندهم حلو بس المشكله مب دايما أحصل كل المنتجات
ذافيس شوب ....فيشي
هاي أغلب الماركات المعروفه ومتوفره بالصيدليات الكبيره مثل بوتس وتقدرين تختارين منها اللي يناسبج
لاتنسين السكراب والماسكات مهمه وايد وايد انا بشرتي دهنيه واحيانا مختلطه ما ارتاح لو ماسويت سكراب وماسكات 3 مرات بالاسبوع احسها تكون باهته ومافيها روح بس بالعنايه المكثفه احس الدهون تخف وارتاح نفسيا

[M-Alshehhi]

مشكورة مس شوكليت على الرد الأكثر من
رائع والمفصل تسلمين والله وماعليج السكراب
اسويه مره بالاسبوع اخاف اكثر مادري ليش ؟
والماسكات لج عليه بين فتره وفتره بس ان شاء
الله اواضب عليهم مشكورة فديتج ما قصرتي يزاج
الله خير

[mischocolat]

العفو حبيبتي

[هموم2010]

انا بحملي البكيني تغير لونه قلت اكيد مع الحمل ربيت وبعده ما رجع لونه الحين استوى لي سنتين ولون ما رد مع اني اسوى سكراب وارطب جسمي ابا يرد شرات قبل شو اللى يرجع اللون كنت باخذ موعد عند الدكتور ابو شريعه بس حسيت فشله بما انه دكتور مب دكتورة

[mischocolat]

خلاص شوفي لج دكتوره حرمه عيل أحسن أو شوفي الاخصائيه اللي عنده هي زينه بس ما عيبتني الأسعار عندهم أغلى عن كوزمسيرج حتى

[جوهر صافي]

صباح الخير بتوقيتي / وينكم ما نشوف حد ما نبا مس شوكليت تزعل نبا تفاعل اكثر من جي

[جوهر صافي]

المهم هذاك اليوم كنت بسوي الماسك المعتمد عندي هاذي ثاني مره اجربه الصراحه روعه واحلى من ما سكات السوق المره الثانيه لاحظت فرق واااااايد عن اول مره شو السبب ماا اعرف اول ما نظفت ويهي حسيت بنعومه ومسحت ويهي بفوده وطالعت حسيت باشراقه حلوه ونظافه ولا اروع الماسك عباره عن عسل حليب باودر وماء ورد من كل شي خاشوقه صغيره

[هموم2010]

خلاص شوفي لج دكتوره حرمه عيل أحسن أو شوفي الاخصائيه اللي عنده هي زينه بس ما عيبتني الأسعار عندهم أغلى عن كوزمسيرج حتى

مس انصحيني بدكتور ة جلدية زينه لاني ما سرت من قبل

[mischocolat]

مس انصحيني بدكتور ة جلدية زينه لاني ما سرت من قبل

شوفي الدكتوره رحاب في مستشفى النور فرع شارع المطار حسيتها فاهمه وايد وتاخذ العلاج وياج بخطوات يعني مب مال استعجال او استخفاف بعدين تسألج 100 سؤال وهالشي عيبني فيها واذا كنتي مجربه علاجات من قبل خبريها عشان تشلهم من خطتها العلاجيه وما تكرر لج اياها
الشي اللي تجاري واعلانات بس بتقولج هذا ما منه فايده وأصلا بتشاورج في الادويه اللي بتكتب لج اياها اذا ما عندج بطاقة ثقه مثلا تشوف شو امكانياتج وتنصحج بكذا دوا يعطون نفس النتيجه بس من ماركات مختلفه
أعرف هالمشكله يبالها طولة بال وصبر يعني ما تنحل بين يوم وليله فطولي بالج واللي ما ترتاحين له ارجعي للدكتوره وخبريها عشان تغيره لاتقولين ما نفعني واللا مليت

[munamoor]

مس شوكليت شو رايج !؟!


XxxxxxxxxxX





الخطوة الأولى من برنامج العناية بالبشرة المختلطة: بما أن هذه البشرة تكون دهنية وجافة معاً، فإن هدف العناية بها هو محاولة خلق توازن بين مناطق البشرة الجافة "مناطق النهايات الخارجية للوجه" ومناطق البشرة الدهنية "الأنف والذقن والجبين" للحصول على بشرة جميلة وبلا عيوب، وباستخدام المواد الطبيعية يمكنك تحقيق ذلك.


الغسول الأول من برنامج العناية بالبشرة المختلطة، غسول عشبي لتنقية الوجه من الدهون وتخفيف الجفاف: تنقع أوراق المرمية والنعناع الأخضر في وعاء يحتوي على ماء فاتر لمدة 24 ساعة ثم يوضع الماء في قنينة داخل البراد بعد إضافة ملعقة من ماء الورد ونقطتين من عصير الليمون الحامض، ويمكنك استخدامه مرتين يوميا.


الغسول الثاني للبشرة المختلطة،غسول البرتقال والليمون: قطعي قشر الليمون والبرتقال إلى قطع صغيرة و أغليه في قليل من الماء بحيث ينتج عنه محلول مركز وبعد أن يبرد ضعيه في زجاجه محكمه ثم استخدميه كل يوم بواسطة قطنه لتنظيف البشرة وسوف تحصلين على بشره ناعمة صافيه.




الغسول الثالث من برنامج العناية بالبشرة المركبة، غسول الخيار:اغلي الخيار بالماء وامسحي به وجهك ساخنا أو باردا مرتين يوميا، أو استبدليه بمنقوع البابونج لمدة 24 ساعة ثم يحفظ في زجاجة في الثلاجة، كلاهما فعالين في تنظيف البشرة وإضفاء إشراقه عليها.


أما الغسول الرابع من برنامج العناية بالبشرة المختلطة، لشد البشرة وترطبيها وتقليل التجاعيد: نقطع قشر البطيخ بعد إزالة كل القطع الحمراء و نترك فقط الأبيض والأخضر، ونضرب القشر مع ماء الورد في الخلاط جيدا ونصفيه و نضعه في زجاجة في الثلاجة ونمسح به الوجه أو والرقبة كل ليلة


ضمن برنامج العناية بالبشرة المختلطة أو المركبة إليك قاعدة ذهبية: تذكري أن عليك حفظ الغسول الذي صنعته بنفسك في زجاجة وليس في علب معدنية أو بلاستيكية حتى لا تتفاعل مع المواد وتفقد فائدتها، كما يمكنك حفظها في قوالب ثلج وتستخدمين كل يوم قطعة ثلج واحدة بتمريرها بشكل دوائر على كامل الوجه.

[هموم2010]

شوفي الدكتوره رحاب في مستشفى النور فرع شارع المطار حسيتها فاهمه وايد وتاخذ العلاج وياج بخطوات يعني مب مال استعجال او استخفاف بعدين تسألج 100 سؤال وهالشي عيبني فيها واذا كنتي مجربه علاجات من قبل خبريها عشان تشلهم من خطتها العلاجيه وما تكرر لج اياها
الشي اللي تجاري واعلانات بس بتقولج هذا ما منه فايده وأصلا بتشاورج في الادويه اللي بتكتب لج اياها اذا ما عندج بطاقة ثقه مثلا تشوف شو امكانياتج وتنصحج بكذا دوا يعطون نفس النتيجه بس من ماركات مختلفه
أعرف هالمشكله يبالها طولة بال وصبر يعني ما تنحل بين يوم وليله فطولي بالج واللي ما ترتاحين له ارجعي للدكتوره وخبريها عشان تغيره لاتقولين ما نفعني واللا مليت

الله يجزاج الف خير ويحقق كل شي تتمنيه

[mischocolat]

miss pink
حبيبتي مع احترامي لكل شي طبيعي ممكن نستفيد منه بس أنا جربت اكثر من طريقه من الوصفات اللي ذكرتيها مالقيت الفايده اللي أبغيها مثل ما ابغيها .... نتيجة الرضا عندي كانت يادوب 40 الى 50 % فقط وانا هالنتيجه ما تعجبني لأنها ما تحل المشكله .....يعني في النهايه اخذ غسول فيشي والتونر كمثال اغسل بهم مرتين باليوم وبالصيف 3 مرات والنتيجه تكون اوكي يستوي افراز الدهون بتأخير يعني ما تزيت بسرعه لكن اوصفات الطبيعيه لقيت ان عقب ساعتين مصنع الدهون اعاد الانتاج
محلول قشور البرتقال والليمون استخدمت وياه ماء الزهر بعد لانه احسن للبشره الدهنيه من ماي الورد وبعد النتيجه كانت حليوه بس بالشتا 3 مرات لكن بالصيف نووووووووواااااااييييييي


هموم 2010
أميييييييييييييييييييييييين يارب