ميلسنا 2014

[munamoor]

املاح الحليب حسس لي البشرة
و استخدمته و انا ادري عادي في ناس تتحسس بشرتهم ،،
ه ،،

ادري انا نفسج حسس لي بشرتي ،،، بس منه انواع بالبابايا اسمع ربيعاتي يستخدمونه
بحاول أدوره

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام براق]

واااااااااااااااااااو. حلو هالتجمع لاني اموت ع سوالف البشره. المهم شكرا مس جوكليت ع الميلس اليديد وان شا الله انحط تجاربناااااا. انا الصراااحه قريت ف النت عن سنفره كاب مع اضااافات عليهاااا التجارب اللي انطرحت عليها ان وايد بنات مدحنهاااااا وانا امس سويت حمام مغربي وسويته عقب ما خلصت لمده ربع ساااعه. انا من نوع ماحب اركز ع النتيجه ع طووول اتريااااا لين ماحس صدق فيه فرررق. ان شا الله بكمل الشهر وبخبركن شو النتاايج.

[كشيخه بوظبي]

مرحبا بنات

يعطيج العافيه مس شوكليت على افتتاح الميلس

اعاني من شوي مشاكل في بشرتي زادت خلال سنتين لظروف خارجه عن ارادتي

رحت للدكتورة وشافت بشرتي وطلع في بشرتي تصبغات

وخافت تسوي لي ليزر عسب يمكن يزيدون التصبغات بس سوت لي جلسات تقشير كرستال انا ما سويت غير جلسه لاني بدفع عالفاضي ومشاكل بشرتي مااتعالج بالكرستال وعطتني سيروم فيتامين سي + رينتول + سيروم لتحت العين

وعقب 10 ايام تقريبا ماعيبني ورجعت ع اساس بتسوي لي جلسه ثانيه وانا قلت ما ابي سوي لي ليزر او تقشير كيميائي

قالت بنسوي بيكسل ليزر واستخرت وسويت الحمدلله

وسويت البيكسل ليزر جلستين بين كل جلسه شهر وسعر الجلسه 2000

اللي استفدته ان بشرتي اللي دايم تميل للصفار , الصفار راح عنها الحمدلله

وطلع لي زيوان وايد منخشين تحت الجلد ههههههههههههههه صغار

وعندي شوي حفر سطحيه ومسامات ابد ما اثر فيهم ( في ناس استفادوا من البيكسل على حسب البشرات )


عندي سؤال : سيروم فيتامين سي فيه فايده ولا لا
من تجربتي احس مامنه فايده مايسوي شي لبشرتي

وتقشير الاميلان او الكوزميلان يشل الزيوان ولا لا

[حلاتي بروحي]

السلام عليكم ..

شحالكم ؟

انا اليوم بخبركم بتجربتي وبنفس الوقت بغييتكم اتساعدوني بشي انفيد ونستفيد من بعض باذن الله ..


تجربتي انا ويا منتج acne.org

ها المنتج قريت عنه موضوع هني بالمنتدى وقلت خلني اجربه مع اني ما فيني حب شباب وايد بس عندي اثار و حفر وحب تحت الجلد ابصراحه وااايد عيبني صار لي شهر و شي استخدمه طلع لي الحب وخفف من الاثار واايد والحين ولا حبه بويهي بس الاثار قولو ما شاء الله تبارك الله وبستمر عليه وان شاء الله بيكون جزء من حياتي بس له شي سلبي واحد انه ايقشر البشره وايد يعني انا لين الحين ايقشر لي فقمت اخفف منه و احطه بس باماكن الاثار و الحفر وان شاء الله استفيد اكثر

وهذا صورته



اما الشي اللي ابيكم تعطوني من خبراتكم ايدي

المفاصل واااايد سمره ما اعرف شو اسوي فيها سويت وااايد أشياء ليمون و سكر و ملح و زيت زيتون و سكر و ملح الحليب اتخف شوي و ترجع منو عندها الحل بلليييز و اتكون متاكده منه مب ناقلتنه ..

[ورقة ناعمة]

خطيييييييييييييييييييييييييييييرة يا مس شوكلت ,,,, والله انج لذيذة


تجمع 2014 ان شاء الله بيكون احلى

وبسلة التجارب المختلفة ..................

[mischocolat]

اللي سألو عن املاح الحليب هي اللي عليها صورة بقره هاي املاح الحليب موجوده بأغلب الجمعيات تقريبا
وشي أملاح البابايا وأملاح الاناناس وغيرها من النكهات ....تقريبا كلهم نفس الشي بس حسيت أملاح البابايا والحليب أحلى شي (رأي شخصي )

بالنسبه لتغير لون مفاصل الاصابع او اليد جربتو تسوون سكراب ويا الليمون وزيت الليمون وعقب تدهنون بزبدة الليمون ؟؟؟؟؟وصفه حلوه جربوها وخلال اسبوعين بتلاحظون الفرق بس استمرو عليها فتره عشان تثبت نتايجها

[mischocolat]

تسلمون بنات حيا الله الجميع وان شاءالله تكونون نشيطين ويانا واتشرف بحضور كل وحده منكم
الحمدلله بعده لنا متابعين بالرغم من غزو الانستغرام
ان شاءالله كل وحده تدخل تفيد غيرها واللي تسأل عن شي تلقى اجابه على سؤالها

[ليندااااا]

حلووووو
الله يجزيج الخير
انا جربت الرز المطحون مع ماء الورد وااايد روعه

[mischocolat]

حلووووو
الله يجزيج الخير
انا جربت الرز المطحون مع ماء الورد وااايد روعه

شكلي بجربه على المديح اللي أشوفه

[ام سلطان 2012]

للويه انا استخدم حليب بودره مع ماي ورد و شوية ليمون و اخليه لين يجف و اشيله


للجسم سكر و ليمون و زيت زيتون و اسكرب جسمي فيه

[ام سلطان 2012]

حلووووو
الله يجزيج الخير
انا جربت الرز المطحون مع ماء الورد وااايد روعه

انا بعد شكلي بجربه سمعت وايدات يمدحونه

[ماحد شراتي]

مشكورة مس شوكلت على هالتجمع

حبيت افيد البنات اللي يعانن من الحبوب وحتى اللي بشرتها صافيه الموضوع ما يخلى من حبه فالويه

هالمنتج موجود فتايلند رهييييييييب يجفف الحبه ويقشرها بدون ما يترك اثر



فيه منتج قريب منه نفس الفورملا من بودي شوب اسمه tea tree drops

[سفيرة دبـي]

صباح الخير )

تولهت عالجميع و شكرا عالاستفاده ..


ماسكي اليديد الي صدق الكل لاحظ تغير ف بشرتي


والي هو
( الشوفان و الطماطم )
٢ ملعقه شوفان مع طماطه صغيرة و نحطه لمدة ٢٠ دقيقه عن نفسي نص ساعه واحط
لرقبتي و ايديه يه و صدق وايد البشرة تفرق من اول تجربه بتلاحظن ان شاء الله اسويه كل سبت و اربعا ..




و مع الايام بجرب وصفه ثانيه




قناع مقشر ومبيض للبشرة: لتقشير البشرة وتفتيحها بعمق تخلط ملعقة من دقيق الحمص و1/2 ملعقة من الكركم وعصير نصف ليمونة وقليل من اللبن وملعقة من ماء الورد حتى الحصول على معجون متجانس يوضع على بشرة نظيفة مع تدليك الجلد في حركات دائرية لمدة دقيقتين ويترك لمدة 3 دقائق ويشطف بالماء البارد ويتبع بكريم مرطب.

[هموم2010]

انا بحملي البكيني تغير لونه قلت اكيد مع الحمل ربيت وبعده ما رجع لونه الحين استوى لي سنتين ولون ما رد مع اني اسوى سكراب وارطب جسمي ابا يرد شرات قبل شو اللى يرجع اللون كنت باخذ موعد عند الدكتور ابو شريعه بس حسيت فشله بما انه دكتور مب دكتورة

[سفيرة دبـي]

قبل حطيت بوست بوصفه بجربها و التجربه رهيبه جدا ويهي ورد و حمر
و غير ها نظارة بشرتيه مب محتاجه لني احافظ عليها ياغير هالماسك كل اسبوعين بسويه





قناع مقشر ومبيض للبشرة: لتقشير البشرة وتفتيحها بعمق تخلط ملعقة من دقيق الحمص و1/2 ملعقة من الكركم وعصير نصف ليمونة وقليل من اللبن وملعقة من ماء الورد حتى الحصول على معجون متجانس يوضع على بشرة نظيفة مع تدليك الجلد في حركات دائرية لمدة دقيقتين ويترك لمدة 3 دقائق ويشطف بالماء البارد ويتبع بكريم مرطب