ميلسنا 2014

[mischocolat]

أنا استخدم الاتي

غسول فيشي الاخضر والتونر 3 مرات باليوم في فصل الصيف
عقبه استخدم مرطب النهار أو الليل من فيشي (للبشره المختلطه والمعرضه للحبوب) او ( علاج طبي أكون بديت فيه ) او ( منتجات سوسكين او ) (منتجات NO7 ) من فتره للثانيه أغير عسب البشره ما تتعود وتوقف تفاعل ويا البرنامج
السكراب والماسكات كل يومين تقريبا 3 مرات بالاسبوع (سكراب الفحم الأسود من لاش أو السكر الاسمر او سكراب مجموعة التبييض من ذا فيس شوب)
الماسكات طينيه في الاساس من لاش او من الجمعيه واضيف محلول قشور البرتقال والليمون بماء الزهر(كنت مسويه منه كميه ومافادني وايد) - سفيداب - شريش - صندل - كركم -عصير ليمون طازج -
ماسك الطماطه الكوري وايد حلو مع انه بالاساس كريم مساجي بس حلو يوم تحسين بشرتج تعبانه او كذا يوم ورا بعض تستخدمين المكياج محتاجه تريحين بشرتج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Mall.08]

مشكووووره الغاليه
ع الرد والشرح المفصل
بخصوص واقي الشمس ^^
واهم شي دام انه مناسبنا وراضيين مع بعض ^^ نستمر عليه

اممم عندي سؤال ..
شي منتج خذته من امازون، ووصلني امس


متحمسه استخدمه لكن خايفه؟ احس انه يبالي اعرف عنه اكثر!!
ابي اعرف عنه اكثر واكثر منو لازم يستخدمه؟
وحق شو؟ وتاثيره؟ والاعراض الجانبيه لو شي؟ بالتفصيل لو ممكن

دورت عنه في النت بالانجلش قبل لا اخذه
ولقيت عنه اشيا ايجابيه واااايد يمدحونه

----

وشي ماسك اسويه هالفتره
طماط وشوفان الله يحفظها سفيره حمستني عليه
سويته للحين 4 مرات
اخر مرتين زدت عليه شوية ماي ورد + وفتحت حبة فيتامين E وحطيت الزيت اللي داخلها في خلطه الماسك
واخليه 30 دقيقه تقريبا
اول ما اغسل ويهي احسه محمر شوي
وفيه حساسيه نقط حمر صغااااار وااااايد ويختفن بعد 10 دقايق تقريبا

هالشي عاااادي ؟!

مع اني قبل استخدم كريمات ترطيب ..
لكن هالاسبوع لاحظت ترطيب بويهي غير الحمد لله

[mischocolat]

الهياليرونيك اسيد سيروم (سواء من هالماركه او اي ماركه ثانيه) يحبس الماي في طبقات الجلد عشان يحافظ على رطوبتها لأطول فتره ويبعد عنها الجفاف....على فكره ترا حتى البشره الدهنيه ممكن تعاني الجفاف ليش لان الجفاف مرتبط بالماي وليس بالدهون ....يعني اللي بشرتها دهنيه تختار السيروم واللي بشرتها جافه تختار الكريم
السيروم يتغلغل في البشره بصوره ادق واسرع طبعا ما يتغلغل داخل اعماق البشره فقط من الطبقات العليا واللي حابه تستخدم السيروم والكريم بعد حلو بس ما تكون بشرتها دهنيه
يرفع مستوى الخطوط الرفيعه جدا يعني يخليها ما تبان وتنملي بالتالي ما نلاحظ الخطوط هاي بس اللي عندها خطوط عميقه وتجاعيد ما بيفيدها الا ابر الهياليورنيك
يجدد الخلايا بشكل قوي يخليها ترجع شباب ....وطبعا كلما كانت البشره مكتنزه ومشدوده ومتماسكه صارت اصغر وأحلى
اللي تبغي ويها ينمزر ويكون فيه شباب ونضاره تعتمد الابر لان مفعولها احلى وبعدين تستخدم الكريمات عشان تعزز المفعول وتحافظ عليه
طبعا المفعول يتوقف يوم بتوقفين استعمال السيروم والكريم يعني مداومه عليه وهالشي يتطلب انج تستخدمين كريم الوقايه من الشمس عشان تحافظين على بشرتج اليديده
اشتهرت الماده هاي بين البنات بالفتره الأخيره عقب ما دكتور اوز مدحه وأظني انا ذكرته للبنات قبل الدكتور اوز ههههههه
قبل ما حد يسأل عن الكريم الغني بحمض الهياليورنيك تراه موجود بكذا ماركه لكن نصيحه مني حبيته من ماركة يورسين موجوده بالصيدليات وبشوية بحث في جوجل بتحصلون صورته





بالنسبه لماسك الطماط ترا مايناسب الكل لان شي بشرات تتحسس منه فالاحسن اذا جربتيه وحسيتي بشرتج احمرت او ظهرت لج حبوب توقفينه لانج تبغين تستفيدين ما تنضرين ومثل ما دايما اقول للبنات مب كل شي فاد غيرج بيفيدج ...وارجوكم امسحو المقوله الخاطئه من عقولكم : تراه شي طبيعي واذا مافادني ما بيضرني غلط غلط غلط

[mischocolat]

يللا للكسولات واللي بيتحرطمن ليش ما حطت صوره وكأن الموضوع ابو التعقيد في البحث





هاي هي الماركه ...يوم بتشترون اقرو اللي مكتوب عالعلبه واسئلو الصيدلاني احسن شي

[Mall.08]

مشكوره مره ثانيه الغلا ما قصرت ويانا
شفت مره فيديو اجنبيه تحط منه (السيروم) ويا نتفه ماي وتخلطهم بكف ايدها وتحطه عالويه والرقبه والكوع
احس اني استعجلت وخذته يمكن لانه تو الناس عليه !!
ما ادري بس تحمست على سالفه حبس الترطيب - الاحظ انه من تترطب بشرتي ترد لي الروح
ما ادري كيف يعني احس بفرق والويه ينور

ترى والله ما شفت لا د. اوز ولا غيره بس كنت ادور فـ جوجل وامازون وحصلته ^^
ومن وصلني قلت اسألج احسن قبل لا اجربه
وعلى طاري د. اوز شفته مره يقول احسن وقت تهتمين فيه بـ بشرتج من كريمات وماسكات
هو الساعه 9 فـ ليل / لكن نسيت ليش؟!

واكيد طبعا اعرف هالشي .. اللي يفيدني مو لازم يفيد غيري
عقدة خواتي هالشي - يوم اجرب شي ويعيبني وياخذون منه ما يفيدهن
اونه ليش وما ليش؟!!! - هههه ما يخصني ترى انا عايبني

واكيد مب كل شي طبيعي يفيدنا
انا جربت العسل وتحسست منه عدل - واختي جربت ماي الصبار وبعد تحسست منه
لكن من جربت ماسك الطماط صدق حبيته وحسيت بترطيب غير شكل
لكن الاحمرار يتم فتره ما يتعدى 10 دقاقيق ويروح
مب انه يتم ساعات او ايام - قلت شي عادي الله اعلم هههه بتذبحيني

تسلمين الغاليه
ويزاج الله كل خير

[mischocolat]

مشكوره مره ثانيه الغلا ما قصرت ويانا
شفت مره فيديو اجنبيه تحط منه (السيروم) ويا نتفه ماي وتخلطهم بكف ايدها وتحطه عالويه والرقبه والكوع
احس اني استعجلت وخذته يمكن لانه تو الناس عليه !!
ما ادري بس تحمست على سالفه حبس الترطيب - الاحظ انه من تترطب بشرتي ترد لي الروح
ما ادري كيف يعني احس بفرق والويه ينور

العفو غناتي وما استعجلتي بشراءه والدليل انج يوم تستخدمينه تحسين بشرتج مرتاحه ونضره لانها رويانه ترطيب ......بشرتج تحتاج للماي عشان جيه يوم استخدمتيه حسيتي بالفرق لانه سحب الماي وحبسه بالمنطقه هاي وصح نقطة الماي وياه تساعد وايد على انتشاره عالبشره بسرعه وتحافظ على مفعوله فتره أطول

[ماحد شراتي]

هالفتره هذه اقرا وايد عن زيت الارجان وفوايده للبشره والشعر..
استخدمت سيروم الشعر رهيب رهيب ما عليه كلام
واستخدمت هالمنتج وبصراحه واايد حلو يعطي ترطيب والبشره تشربه بسرعه وما تحسين انج حاطه كريم

[mischocolat]

من تجربتي لزيت الارغان بشكله الخام ماحسيت بفرق بينه وبين أي زيت ثاني بصراحه يعني مثله مثل زيت اللوز مثلا
بس استخدمت سيروم للشعر بزيت الارغان وكان حلو فالظاهر السر مب في الزيت روحه لكن في المواد اللي تنخلط وياه
ماحد شراتي ماشي غيري انا وانتي نرد على بعض

[Mall.08]

وانا؟؟؟؟
وين رحت ><


---

لا لا بعدني ما استخدمته غير مرتين (الهايلورينك اسيد)
كنت اتكلم ع الترطيب بشكل عام
من اهتم ببشرتي وارطبها من كريمات وماسكات / احس بفرق الحمد لله

هيه صح
انتِ الحين كشفتي شي ما ذكرته O_o ما شا الله عليج

الماي !!!
لو تعرفين علاقتي بالماي ><
ما اشربها وااايد زين مني لو كملت غلاس واحد طول اليوم ^^
احاول اغير هالعاده السيئة اللي فيني
هالفتره، قاعده ازيد جرعات الماي كل اسبوع ان شا الله اتعود عليها

الله يقويج

[munamoor]

الماي !!!
لو تعرفين علاقتي بالماي ><
ما اشربها وااايد زين مني لو كملت غلاس واحد طول اليوم ^^
احاول اغير هالعاده السيئة اللي فيني
هالفتره، قاعده ازيد جرعات الماي كل اسبوع ان شا الله اتعود عليها

الله يقويج

استغفر الله اشرب كل شى ما عدا الماي
وان بغيت اشرب بشرب بس يغمه

[جوهر صافي]

صباح الخير كيفكوون �� سرت الصيدليه وخذيت واقي الشمس من فيشي وطلع بو كريم اساس اشوفه لميع الله يستر من لقافتيه ما ركزت

[mischocolat]

كله ولا الماي اشربوااااااااااااااااااااااااا كثر ما تقدرون صدقوني بتلاحظون النتيجه خلال اسبوع على بشرتكم واظافركم ومعدتكم

[ماحد شراتي]

من تجربتي لزيت الارغان بشكله الخام ماحسيت بفرق بينه وبين أي زيت ثاني بصراحه يعني مثله مثل زيت اللوز مثلا
بس استخدمت سيروم للشعر بزيت الارغان وكان حلو فالظاهر السر مب في الزيت روحه لكن في المواد اللي تنخلط وياه
ماحد شراتي ماشي غيري انا وانتي نرد على بعض

شفتي حياتي
ما علينا ههههه
بس سمعت زيت الارجان الخام واااااااااايد زين
يطول الشعر ويفيد البشرة

[ماحد شراتي]

احب سوالف الماسكات.. اطلب اون لاين هالماسكات بصراااااااااااااااحه رهييييييبه وسحرية تحسين انج مسويه ماسكات فالصالون وتحصلين نفس النتيجه طبعا هالشي ماراح يغنيج عن تنظيف البشره

هالماسكات تعطي نظافه وتخلي ويهج منور وصافي ..انا جربت الماسكات من نزيه غيره وجربت اخذ من الصوالين بس للاسف حسيته كله تجاري

هنيه صور الماسكات الي استخدمتها وطبعا انا انوع بين ماسك الاعشاب والذهب والتبييض

هالمجموعه للويه







وهالمجموعه لليدين والريول

[شمسة المرر]

احب سوالف الماسكات.. اطلب اون لاين هالماسكات بصراااااااااااااااحه رهييييييبه وسحرية تحسين انج مسويه ماسكات فالصالون وتحصلين نفس النتيجه طبعا هالشي ماراح يغنيج عن تنظيف البشره

هالماسكات تعطي نظافه وتخلي ويهج منور وصافي ..انا جربت الماسكات من نزيه غيره وجربت اخذ من الصوالين بس للاسف حسيته كله تجاري

هنيه صور الماسكات الي استخدمتها وطبعا انا انوع بين ماسك الاعشاب والذهب والتبييض

هالمجموعه للويه







وهالمجموعه لليدين والريول

نعيما حبيبتي اي موقع يـ لي
خذتيهن منه