ولدي وايد يرجع

[خآطفة القلوب]

السلام عليكم خواتي


ولدي الله يحفظه عنده مشكله الترجيع ، وايد يرجع بعد كل رضعة تقريبا عمره 25 يوم ودائما متلوع وحتى ما يتهنى ف رقاده كله يعبس ويهه من أللوعه اللي فيه وكل 5 دقائق يصيح وما يرتاح إلا لما يرجع وترجيعه عباره عن كتل حليب ولزج شو الحل خواتي أفيدوني




للعلم أنا ارضعهً طبيعي وما عطيته أي شئ ثاني غير حليبي

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خآطفة القلوب]

وينكم خواتي

[ش.و.ق]

انا ولدي نفس ولدج بضبط و عمره شهر،،
وديته لدكتوره قالت ان وزنه زاد،،
قالت في يهال ينولدون جذي و هذا طبيعي و بيتم على هذا الحال من ثلاث لين ست شهور تقريبا،،،
والله يكسر خااااطري وايد دوووم يتلوع و ما ينام،، و كل شوي ابدل لبسي و لبسه بسبه الزواع،،

[ش.و.ق]

من اول ما انولد و هو على هذا الحال،،
حتى لو اكرعله بعد يرجع،،
انا بعد ارضعه طبيعي ما اعطيه صناعي،،

[خآطفة القلوب]

ولدي بعد من اول ما انولد وهو جي ، بس الحمدلله ان ما يأثر ع وزنهم وانهم يأخذون كفايتهم من الحليب

[شما الهاجري]

انا بنتي عمرها شهرين جي بعد
وديتها مستشفى لطيفة قالولي غيري الحليب// أعطيها صناعي
ودوم فيها لوعه السبب انه ماتريعت عدل وفي بطنها وايد غازات

[AD-LADY]

نصيحه لكم سوو لاطفالكم مساج يومي مش شرط يصيح الطفل عشان تسوين له مساج انتي لازم تتفادين هالشي بالمساج اليومي اكتبو في يوتيوب طريقة عمل مساج للبيبي و التخلص و طرد غازات البطن الطفل الرضيع
انا بنتي كانت تصيح صياح يخوف من الم و ما تنام الليل وامس بديت اسوي لها هذا المساج و الحمدلله رقدت

[ام خلود القمر]

أول شي تأكدي من وزنه انه يزيد وما شي اي مشكله صحيه عنده

حاولي لما ترضعيه ما ترقديه بسرعه تمي شالتنه وبعدين حطيه

سريره خليه شوي مايل تذكري في المستشفى كيف كان مرتفع من جهة لكن لا ترفعيه وايد شوي وان شاء الله بيخف الترجيع

[ظبيانيه ستايل]

عادي حدا لاتخافين تفرق بس هل يرحع كامل حتى من خشمه او خفيف من فمه بس يوصل للرقبه في اطفال كذا الواحد يستغرب شو يتم فبطونهم بس حمدلله مامنه مضره

[ظبيانيه ستايل]

صح نسيت اقولج خلي راسه شوي مرتفع ومايل خفيف عشان يوم يرجع وهو نايم مايختنق لاقدر الله الله يحفضه

[سنفوورة]

انا بنتي بتكمل ثلاث شهور هالاسبوع وبعدها ترجع تلوع جبدي فالبوم لازم اغيرلها كم مره وانا بعد غير الارض اللي تخيسها شريت لها ٣ هالبلاستيك اللي احطها تحتها ترضع طبيعي ولا اعطيها اي شي وزنها زايد الحمدالله الدكتوره قالت هالشي طبيعي وبنتي اللي قبلها نفس الوضع بعد ماارضعها احاول مااحركها وايد واذا رفعتها بعد الرضاع على طورل تزاوع فاهليها بوضعها اللي ترجعه يكون اقل ومااشلها ولا اخلي حد يلمسها اصلا الكل الحين مايطيع يشلها مايبون يتسبحون خخخ

[ليندااااا]

الله يعينج اختي

[مالتيزرس]

اختي هالترجيع طبيعي انا بنتي ظلت خمس شهور زواع كل ما أوديها العيادة يقو الدكتور طبيعي . كله من الغازات والمغص . فترة وبتعدي ان شاءالله . ماعليج خلج ع حليبج ماتعطينها صناعي .