اهل الزوج !!!

[راعية الدلع]

السلام عليكم
اشحالكن خواتي !!
طبعا قبل كان مستوي تج بيني وبيت اهل ريلي بسبب زوجة حميي و هم بدوها عليه و وقفوا معاها عسب البيت الجديم لعمي كنت ناويه اسكن فيه بس هي سبقتني و لعبتها صح و حطت شروط جدام عمي وعمتي ان ذا نحنا نبا نسكن لازم نفصل فالكهربا و نبني فاصل من بينا وتبا هالشي مره وحده ولا جنه ريلي مديون وعليه التزامات ولا ماعرف شو من ويهه عندها عسب تتكلم اصلا وهي تدري اني انا كنت ناويه اسكن قبلها المهم استوت مشاكل والكل وقف وياها و ريلي للاسف سكت عن حقه لان البيت بيت عمي مب حميي و ريلي اكبر المهم البعض منهم حذفوني من البي بي يوم ان ماضريتهم بالعكس انا انضريت من حرمة حميي والله يعلم شو كانت تقول وتتكلم المهم بعد 10 شهور من قطع العلاقه مع عمتي وعمي وعيالها رديت بس بحدود وكان السبب اني بسوي عيد ميلاد ولدي اول ما شافتني حرمة حميي جني مب عايبتنها وسلمت وانا عاقه كل شي ورا ظهري وكانوا مستبعدين اني بكون حاضره ف عيد ميلاد ولدي ولاني ساكنه ويا اهل ريلي الا حرمة حميي من عرست سكنت بروحها المهم قمت نادرا ما ايلس وياهم و اجابلهم مابا تطيح الميانه نفس قبل و انا عارفه الحين ولو شو مهما تستويلي مشكله مستحيل اشوفهم واقفين معايه و هم كلمة الحق مايحبونها وانا ماحب اسكت عن حقي اصلا و ولدي كله عند عمتي يرقد عندها و كل شي وقت ما عندها شغل تيبه وبحكم اني حامل قلت ماعليه ع الاقل عمتي بتساعدني وكنت ناويه عقب الولاده انفس عندها بس هونت طبعا ، كل ما ايلس فالصاله وتكون حميتي يالسه عادي اسولف بحدود بس قمت اشوف من تيي حرمة حميي ع طول تنش حميتي وتنشب فيها ويلسون يسولفون ولا جني موجوده ف ذمتكم هاي حركة حلوه !! عمتي تشوف وكل شي بس تغير الموضوع ومن ايون بنت حميتي وحريم عيال حميتي يلسون ويايه ويسولفون و ريلي لاحظ هالشي ف حميتي و حميي الصغير اني ولا جني موجوده وكله مطيحين عند هذيج عسب جذه اقول حق ريلي انا مابا ايلس ويا اهلك لان الصراحه محد يسولف ويايه من تيي حرمة اخوك انخشوا تحتها ! و ع السالفه الثانيه ان عمتي من تدخل الغرفه ما ادق الباب ع طول تدخل و مول مب محسسيني ان لي خصوصيه اكون يالسه بشلحتي وعادي تدخل ومره قالت لاتيلسين جي مب زين ! نعم الحين انتي داشه عليه الغرفه تراج المفروض ادقين الباب ! و قبل ثلاث ايام تقريبا عمي ياي يبا يوعي ريلي ويتم يدق الباب و ريلي ما طاع ينش لان من الفجر واعي و راح يشوف شغل عمي ويخلصه ولا جنه عندهم اولاد غير ريلي واحد منخش تحت حرمته والثاني لاشغل ولا مشغله والثالث يدرس وجنه ريلي البطالي و العاطل !! المهم يوم ريلي ما طاع ينش وتعبان ياي عمي وبطل باب الغرفه وتم يزاقر ع ريلي و اونه مب مدخل راسه ويوايج !!! رد لايم الباب ماسكره بعد ورد ياي عقب و سوا نفس الحركه و هزيت ريلي لين مانش قلتله ترا عيب حتى لو كان عمي انا ابويه ف عمره مادش الحجره بدون مايدق الباب !! لو حرمة حمييي ساكنه معاهم جان مستحيل سوو فيها جي ! راح ريلي وقال حق عمتي دقوا الباب يوم بتونها الحجره عمتي بوزت شكلها وماعيبتها الرمسه جان اقول حق ريلي المفروض الرمسه لعمي لان هو ريال ! و من يومين اشوف عمتي مب لهاك الزود ويا ولدي جان ريلي يقولي انها تعبانه و كل ما ولدي ييروح عندها تيبه تقولي بروح السوق ولا راقد تيبه تخليه عندي وامس يوم يت حرمة حميي << مادري ع شو شارطه ع ريلها تبا بيت بروحها وهي كله مطيحه ييت عمي ولا موديلهم الغدا شقتهم !! المهم امس عقب الغدا اشوف عمتي تقول حق ولدي تبا ماما المهم يابه ريلي عقب وقال بيوديه عند عمتي عقب ماتروح حرمة حميي << جدام اهل ريلي اونها تضحك ف ويهي و من وراهم تبوز يعني فوق شينها قواة عينها !! المهم راح ريلي بيودي ولدي قالي باب الحجرة مقفول يمكن انها رقدت لانها تقول انها تعبانه المهم طلعنا ع العصر وردينا المغرب والسياره اصلا مب موجوده ف سكت انا عقب عمي قال انهم طالعين مع حرمة حميي سايرين القريه هههههه
يعني اذا كلام الحق بيزعل ف الاحسن انهم يزعلون ، عيب ومنقود عندنا الواحد يدخل من غير مايدق الباب والحمدلله عايشه بويه واحد مب بويهين اقرض فيهم وعقب اونه امدحهم شرات حرمة حميي ، قلت حق ريلي ترا لا ايدي ولا ريلي محنايات عسب ما اقدر اجابل ولدي بروحي حتى لو كنت ثجيله ف هالحمل وكله يقولون اني ماتعبت ف ولادتي الاولى عكس حرمة حميي اللي تعبت وجنهم كانوا حزتها ويايه وانا مادري !! الواحد يكوووووون بعييددد وعلاقته سطحيه مع اهل الريل وايد احسن والاحسن لو الوحده تسكن بعيد ، نتريا دورنا عاد ف توزيع البيوت وان شاء الله خير . وشو مايسوي ريلي للاسف مايبين ف عينهم ولا يحترمونه وحاطين حميي ع راسهم مادري ع شو !

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Om Saif 1990]

الله يعينج

المفروض دووم تقفلون غرفتكم انا لو البيت فاضي بس دووم اقفلها

والله لو بدالج ما بخلي حرمة حميي تكسبهم هههههه خلو انج مب ساكتة عن حقج بس خلي علاقتج قويه وياهم دام عمتج طيبة ودوم ماسكة ولدج خلج ع الاقل وياها واايد اووكي وسولفي دووم وياها

اكسبيها دام طيبة ويا ولدج وتمسكه دوم وما عليج من حمياتج وحميانج المهم عمتج والله انا اغار يوم اسمع مثلا حرمة حميي مودية عمتي الصالون على طول اليوم الثاني اوديها تسوي مساج ههههههههههههه والحمدلله مرتاحة وعمتي تخبرني كل شي يصير في عايلتهم يعني مطيحين الميانة انا واياها مع انها حرمة عوودة

حاولي تكسبين عمتج وعمج وغرفتج دوم اقفليها وهم بيعرفون ان مب عايبنج موضوع التطفل

[قلب الذيب]

انتي تنازلي شوي وحسني علاقتج ويا عمتج لله ..!!
ولا تحرضين ريلج ع اهله مووول ...انتي ويهج واحد بس اسلوبج منفر
هذيج ام ويهيين ( ع حسب كلامج ) بس اسلوبها جذبهم
هني المفارقه البشر يبحثون على الاسلوب الهين والكلمة الحلوة
عسى ربي يرزقكم في بيت بروحكم وترتاحييييين من هالشقى

[مالتيزرس]

انتي ليش ماتقفلين الباب يوم ترقدين ؟؟؟
ادا انتي تحوفين طبعهم يدعمون الباب من دون هود ولا هدا دوم اقفليه ع الطالع والداخل ولا عليح من عمتج انتي وريلج لكم خصوصياتكم فغرفة نومكم .

[أم أية 2]

أنا مابقول غير انشاء الله يطلعلكم بيت وتفتكين من هاي المشاكل لي ما تخلص

[عنـــــود]

الله يكون بعونج ..
والمفروض الاستقلاليه تكون من بداية الزواج ..
ومن ناحية الغرفه دوم قفلي الباب

[راعية الدلع]

مشكورات خواتي ماقصرتن والله حق ان عمتي اوكي ويا ولدي وتحبه بس من عقب كل المواقف اللي استوت احس صعبه ارجع علاقتي وياهم نفس قبل و عمتي من المواقف اللي استوت بدت هذيج عليه ف صعبه اني اتلزق فيها لاني خلاص عرفت شو مكانتي عندهم !! يعني حميي هذاك وايد مسويله قدر و مايرضون عليه ف طبيعي مابيرضون على حرمته اما ريلي قبل لايعرس قالولي ان عمتي كانت مب اوكي وياه وكله تاخذ بيزاته وماتخليله شي وكله تسبه، الله كريم بس صدق صدق انا اشوف الوحده من تملج الاحسن انها تتفق مع ريلها ان يسكنون بروحهم مب ويا اهل الريل ... و طبيعي اللي تسكن ويا اهل الريل تكون الضحيه عكس اللي تسكن بعيد عنهم ..

[افناان]

اقفلي باب غرفتج ليش تخلينها مفتوحة ؟؟
كل ما دخلتي اقفليها عقب خذي راحتج باللبس

[مهرووووووه]

لا حول ولا قوه الا بالله

[صدى الغرام]

نصيحة لكل وحدة اسكني بخرابة ولا بقصر مع اهل الريل ، انا ذقت المر ومرضت بالقولون والضغط بسبب حريم اخوانه ما اقول غير حسبي الله ونعم الوكيل فيهم

نصيحة لكل وحدة مقبلة على زواج اتخلي عن وايد اشياء مثلا عرس كبير وكوشة ولا حتى عن المهر، المهم تشرطين بيت مستقل من البداية وخليج بعييييييدة عنهم احترميهم ولا تدخلين بخصوصياتهم وخلي علاقتج معاهم في اضيق الحدود خصوصا حريم الاخوان

[طبعي جذيه]

ولدج واهتمي فيه بروحج حتى لو تعبانه ...وباب الغرفه قفليه ... وخلج سطحيه لابعد الحدود ...
بس ويايه سؤال ان شاء الله ريلج حاس فيج وفاهمنج وواقف في صفج ...
لانه اذا جيه كل شيء يمووووون والله ييسر اموركم ويهون عليكم...

[ليندااااا]

حاولي تكسبي عمج وعمتج
وحسسيهم انج ما تحبين عاده التطفل

[راعية الدلع]

نصيحة لكل وحدة اسكني بخرابة ولا بقصر مع اهل الريل ، انا ذقت المر ومرضت بالقولون والضغط بسبب حريم اخوانه ما اقول غير حسبي الله ونعم الوكيل فيهم

نصيحة لكل وحدة مقبلة على زواج اتخلي عن وايد اشياء مثلا عرس كبير وكوشة ولا حتى عن المهر، المهم تشرطين بيت مستقل من البداية وخليج بعييييييدة عنهم احترميهم ولا تدخلين بخصوصياتهم وخلي علاقتج معاهم في اضيق الحدود خصوصا حريم الاخوان

صدقتي والله الوحده اريحلها بيت بروحها و تكون علاقتها سطحيه مع اهل الريل ما اقول غير حسبي الله ونعم الوكيل

[راعية الدلع]

ولدج واهتمي فيه بروحج حتى لو تعبانه ...وباب الغرفه قفليه ... وخلج سطحيه لابعد الحدود ...
بس ويايه سؤال ان شاء الله ريلج حاس فيج وفاهمنج وواقف في صفج ...
لانه اذا جيه كل شيء يمووووون والله ييسر اموركم ويهون عليكم...

بداية ريلي للاسف وقف ف صف اهله حتى و هم غلطانين لان كله ولا امه و ابوه عنده وبالعكس زاد احترامي له بس اللي غامضني ان ريلي ما يدافع عن حقوقه جدام اهله يعني كله فدوه لهم بس مايزعلون منه عسب جذه راكبين ع راسه عكسي انا تمام اللي ماحب اجاملهم وقمت اعطي فالويه لان خلاص طفح الكيل والحمدلله ان ريلي عرف ان مهما بيستوي اللي حواليه مابينفعونه لان يدورون مصلحتهم قبل كل شي وعرف اذا هو بيعطيهم ف هذا عطيه اما اذا هو محتاج بيقولوله سلف !!! لو اعد البيزات اللي صرفهن ريلي مابخلص وياليت بين ف عينهم شي ، و اهم شي ان فتح عيونه وشاف ان الاغلبيه وقت حاجته ماينفعونه ! وان شاء الله قريب بيخلص دينه و بيبدأ بيرد يعطي لامه مبلغ معين عسب ان نحنا ساكنين وياهم ، بس اللي ابا اعرفه انتوا رياييلكم كم يدفعون بحكم ان ساكنين ويا اهل الزوج !!! مره حميتي العوده قالت المفروض ريلج يدفع 3000 !! انصدمت انا على اي اساس 3000 الباقيين شو خانتهم فالبيت اللي يالس بطالي واللي يدرس وينزله راتب شهري !! وحميي المعرس اللي يودوله الغدا لين بيته او يبات احيانا فالبيت هذيل ليش محد يحاسبهم !!!

[راعية الدلع]

حاولي تكسبي عمج وعمتج
وحسسيهم انج ما تحبين عاده التطفل

للاسف وايد نبهناهم و قلنا عن عادة التطفل بس يسوولنا طاف هههه يعني يتمون اسبوعين وعقب يردون على نفس الحركات !