مجهزه شنطتي عشان اروح بيت بابا ،، بس شو اكتب ع الورقه الي بلصقها ورا الباب

[احلى بعفويتي]

هلا .. بنات

انا جهزت شنطتي وشنطه البيبيز عشان من باجر الصبح اروح بيت بابا .. لاني خلاص طفررررت منه


من فتح اكاونت الانستقرام و ريال شايف نفسه محسب عمره شاروخان مادري فزاع ..
وكله يعايرني مع اني بشهاده الكل احلى عنه ...
طالت و شمخت ع كل مشكله يعايرني
وكل مره يطلعلي معاير يديد ..
تخيلو كله يقول عني زطيه لاني اطلب منه اغراض للبيت .. طيب هو ريال مو انا ..
يتمصخر ع كرشتي .. والله يا بنات ما كملت شهرين ع الولاده .. اكيد بتكون فيني كرشه .. بس انا اسوي رياضه شد غير عن المشي ساعه كل يوم .. انا يايبه بيبي مو تفاحه .. وغير جي قبل لا احمل كان وزني 58 و انا الحينا 61 يعني مو زايده .. وكل البنات ربيعاتي عايبنهم جسمي اونه جي اجمل .. وفي بنتي موووول ولا مره قالي شي عن الكرشه ... ها كله من الانستقرام خلاها يستوي واحد قوطي
المهم ويعايرني بلبسي مع ان كل بيجاماتي من نعومي و ومنسكرت و اوشي و كوتون .. او دبنهامز ... يعني اوووكي
قبل سنه لو البس خيشه يجوفني حلوه ...
رحت الصالون اسوي منكير و قص و ترتيب حواجب غيرت بس ولا حس ع شي ..
قبل لو اروح الصالون اسوي منكير يقولي محلوه .. ويقولي ما شالله مستويه قمر ..

تغير الريال ... وحياتي كلها معاير ..
بنات انا كلمته قتله ليش تقارن بيني وبين البنات الي عندك فالانستقرام كل حد ذوقه و سنايله وانت ع بالك كلهم حلوين بس صورت ايدها وسوت فلاش طلعت قمر مثلا ...
قالي والله لازم اطالع اجوف البنات شو يلبسون مو مثلج قهرني بنان والله ...
انا استايل وكيوت ليش جي يقولي مخه جلب ..

المهم انا ما ارضى ع نفسي هالمعاير ...
ااحينا باجر الصبح بشل اغراضي بروح ..
بس ابا اكتبله كلمه فالصميم و اعلقها ع كومودينو ..


ابيها تغرس شوكه في قلبه .. لاني تحطمت والله ...
في حد جي يخرب حياته و يعاير مرته عشاان انستفرام ...
هو يحط صوره و تلاقين فوق 45 كومنت كله بنات .. اللي تقوله تجنن .. والي تقوله انته مثير و الي تقوله انا مشتاقتلك وايد ومن هالكلام .. وعاد صدق انه شاروخان ..

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[راقية بطبعها]

انا اقول تسيرين بيتكم
وتشرطين عليه لو يبغي يردج يكنسل حساب الانستقرام
و لو حبيتي فالمستقبل اتخلينه يسوي اكاونت يديد يكون حساب برايفت حق ربعه والأهل وبدون ما يستعرض بـ شكله و جسمه
خلج صارمه و قويه وياه ولا تتراجعين
بنات الانستقرام خراب بيوت

[ام براق]

استغفر الله شو اقووووولج والله هاي مشكله صرااااحه الله يصبرج

[احلى بعفويتي]

صدقج يا راقيه .. اوفر مستوي .. استعراض طووول الوقت .. قبل ما كان جي .. كان يالله يصور ... الحينا كل شوي مصور عمره .. و لا يسوي ايديت و فوتوشوب و حركات عشان يطلع قمر بعيون البنات ...
انا بستحمل انه عنده اكاونت بس انه يبدا يعاير .. لا والف لاء ..
يا العيشه بكرامه يا الموت الزوؤام ..

[أم برلنتي]

مشكلة والله شي يحرق الدم فعلا

بس قبل كل شي روقي حبيبتي واستهدي بالله وفكري بعقل

بالنسبة لوزنك 61 حلو ماشاء الله يعني مازلتي رشقة ماكش سمينة

ومن خلال كلامك عن لبسك فمعروف ان نعومي وكوتون و دبنهامز كله لبسهم وبجاماتهن حلوين

وانك مهتمة بنفسك فهذا كله يأكد انك ماشاء الله عليك ، وهذي نقطة مهمة

الثقة بالنفس لأنك فعلا واو وحلوة وتهبلي ،، وهو دامنه مش عاجبتيه معناها ذوقه صفر

و طز فيه وطز ف ذوقه ، هذي نقطة

الشي الثاني ماتخليلاش ورقة

امشي لحوش اهلك وبعدين لما يجيك البسي واطلعيله وانت راااااااااااايقه

وطنشي عليه وخاطبيه ببرود ، يا اما انك تتعدل وترجع راجل عندك ذوق زي قبل

يا اما اشبع ببنات الانستغرام الي يعرضوا فروحهم لكل رجال الدنيا ، وانت حر

واطلعي و خليه ،، وصدقييني حيقعد يقعد ويرجعلك زيه زي الراجل الطيب

وربي ييسر أمرك ياااااااااااااااااااااااااااااااااااااارب يا حبيبتي

[Miss PiXy]

انا يضحكوني الشباب الي فالانستقرام مصدقين ويوهم وحاله لا بعد يسون اكاونت برايفت عشان توصلهم اضافات من البنات والويه عاد قوطي

فعلا مب ويه هالبرامج لأن كل شي يجلبونه حق البنات والمغازل، متى العرب استخدمو البرامج استخدام صحيح؟

أكبر غلط انه يقارن حرمته وأم عياله ف هالبنات الي يعرضون أجسامهم، الاحسن انج تروحين بيت اهلج كم يوم وخليه يكنسل اكاونته ولا تخلينه ابد يسويله واحد ثاني ماتضمنين انه مايرجع لسوالفه.. حشى شوهالرياييل!

[Ms anime]

فتحي اكاونته جدام ابوج واخوانج بنشوف ردت فعلهم اسميه بقطعونه وهم يتمسخرون عليه

[أحلام علي]

هال بنات ان راح ريلج حصلوا عشرة بداله

وانتي ان راح عليج ؟؟؟؟

لاتتركينه بالساهل لهم وشغلي كيد الحريم

[munamoor]

شوفي بقول لج شى صدقيني الريال المصطلب و الي يخاف ربه في حرمته و أهل بيته لو يشوف و السموحة على هال كلمة حرمه بدون ملابس راح يغض البصر لانه يخاف ربه

و الانسان الي ما يخاف ربه ،،، و يقارن حرمته بفلانه و فلتانه فهالنوع ،،،حرام ينقال لهم رياييل لانه أشباه رجال ،،
و الي إيمانه ضعيف عادي عنده تكون الغيرة ماتت في قلبه و الإيمان ما عاد لها مكان في قلبه و يكون الشيطان متربع على قلبه فيشوف فلأنه و فلأنه و فلأنه ولا يغض البصر

بس نصيحة مني يوم توصلين بيت الوالد ربي يطول لج في عمره راويه الاكاونت

[Pink Cherry]

عافان الله شو هالريال الي يعاير حرمته ف هالنوعيه من البنات

يا اختي لا تستكين له سيري بيت اهلج نفس ماقالت الاخت اتشرطي يبعد عن الانستقرام اذا يباج تردين

عنبوه شو الحرمه جماد ماتحس تيلس تعايرها وتجرح فيها ماخذنها من بيت اهلها معززه ومكرمه اخرتها تهينها وتخونها وتجرح فيها ؟.. واذا على جسمج بلعكس وزنج اوكيه ماعليج من كلامه بس ملاقي حجه لمراهقته

[عذآب المزآين]

مممم توصلين بيت اهلج راوي اهلج الاكاونت وخلهم يزقرونه ويا اهله وكلمونه فالموضوع
وقبل لا تسيرين بس ما ااوصيج حركت خساس احذفي برنامج الانستقرام من فونه خله يحس على دمه شوي
وبعد شي ثاني بقولج الحرمه القويه الي تكسب ريلها مب الي تخليه حق البنات الثانيات

[Fawa]

كل وحده ريلها زعلها قالت بخليله البيت اكبر غلط تمي في بيتج هاي مملكتج و اكثر الرياييل جذي لكن كل زوجة و ذكاءها الرجل مثل الطفل يحب يلعب بالدمى لكن الزوجة الذكية تكون الدمية الوحيدة في حياته ربي يسعدك و يجمع بينك و بين ريلج اللهم آمييين

[افناان]

فتحي اكاونته جدام ابوج واخوانج بنشوف ردت فعلهم اسميه بقطعونه وهم يتمسخرون عليه

السموحة منج
اختي صاحبة المشكله لا تدخلين طرف ثالث بالمشكله و انتي بعدج بالبداية
تفاهمي معاه احسن بدال ما تطلعين من بيتج
و اذا طلعتي لا تعلقين ورقة

[امراه]

لله يعينج اختي يالله حدايسوي بام اعياله جي حررررام الله يهديه وايسخره لج اختي خليه الله بيهديه واصبري عليه صدقيني اعرف قصص عن الصبر عجيب عجيب صارو اريح واسعد ناس الحين سبحان الله

[Unkonwn]

هاي المشكلة يوم تفتحين المجال للريال. اختي المفروض الريال يحسب الف حساب لو ضاف بنت وانتي عطيتيه المجال انه يشوف البنات و يكلمهم و ماتدرين لو طلع وياهم و صارت اشيا اكبر. لو من البداية زلزلتي الدنيا و حسستيه بان الى سواه شي كبير ما بيتحرا يفتح الانستقرام جدامج بس يوم تساهلتي تمادى و صار عادي عنده. المطلوب انه يعرف ان الى يسويه وايد غلط ومايستوي يشوف غيرج