مسابقة الرشاقة 2014 -

[lollypop.84]

[]

بسم الله الرحمن الرحيم

مسابقة الرشاقة 2014

ان شاء الله تكون هالمسابقة فال خير وعزيمة وإصرار لنا كلنا لخسارة الأوزان والدهون ..
ونكون بصحتنا وعافيتنا واجسامنا المرتبة .

مسابقتنا بسيطة .. الهدف منها تشجيع نفسنا وتشجيع بعض لنزول الاوزان والسموم والمتراكمة فالجسم


المتسابقات :

مجموعة العزيمة
( الأوزان 50 و 60 )

meem
الوزن 59 وهدفها 57

زهرمار
الوزن 65 وهدفها 60

lollypop.84
الوزن 66.2 وهدفها 63

ملاك شوق
الوزن67.7 وهدفها 65

الياسية20
الوزن 66 وهدفها 63

رمال
الوزن 62 وهدفها 59

shooge
الوزن 57 وهدفها 50

حلم منتظر
الوزن 60 هدفها 55
( هالعضوة راح تبدا بعد إسبوعين أو ثلاث )

مجموعة الإصرار
( الأوزان 70 و 80 )

ماشي الحال
الوزن 70 وهدفها 65

زوجي كل حياتي
الوزن 85.9 وهدفها 80

كيكوه الحلوة
الوزن 82.2 وهدفها 79

أحلى الأيام
الوزن 72 وهدفها 68

عود ودهن عود
الوزن 85 و هدفها 80

مجموعة الأمل
( الأوزان 90 فما فوق )

قمر 14
الوزن 104 وهدفها 100


الشروط :

1- التواجد اليومي قدر الامكان ... واذا ما قدرتوا عالاقل طرشوا لي رساله ان عندكم ظرف ..
2- اللي تغيب يومين بدون علم مسبق .. تتوقف عضويتها في الاسبوع .. يعني ما تدخل نتيجتها وقت اعلان النتايج ^^ ، أشوف هالحل افضل من اني اطلعها .. لا هدفنا فالنهاية تشجيع بعض وخسارة الوزن مب خسارة مشتركات من المسابقة .
3- الالتزام بالرياضة يوميا
4- شرب الماي
5 - أهم شرط بالنسبة لي .. الجدية الجدية الجدية
6- ما بستقبل أي مشتركة يديدة في نص الإسبوع ، اللي تبغي تشارك اطرش لي رساله خاصة و راح تدخل المسابقة من بداية الإسبوع اللي بعده ^^

آلية المسابقة :


1- كل خميس أو الجمعة الصبح ... طرشوالي الاوزان عالخاص لو سمحتوا
2- كل جمعة فالليل بعلن عن اسم الفائزة في كل مجموعة ، والمجموعات اللي فيها مشتركة وحدة فقط ، راح اقارن معدل نزولها بمعدل نزول البنت اللي خسرت أكثر وزن في المجموعتين و بنعرف اذا في فازت عليهم او لا ^^
3- حطوا لي يومياتكم بشكل يومي ( كتابة أو صور اللي يريحكم ) الرجااااااااااااااء كتابة كل شي لو تخبيص ..

هالاسبوع نبدا المسابقة من يوم الإثنين .. وبنتظر أوزانكم يوم الخميس او الجمعة الصبح ^^

شدوا حيلكم هالكم شهر واخسروا اكبر قدر ممكن من الوزن ,, عسب فالعيد تكونون بنيو لوك ^^

من باجر انا كل يوم المسا بخصص لي ساعه اجيك على تقرير كل مشتركة ... يرجى التعاون بينكم وبين بعض
ولا تبخلون على بعض بالنصايح والإرشادات


موفقااااااااااااااااااااااااااااااااااااات ^^

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[زهرمار]

مبروووك علينا تجمع

[lollypop.84]

مبروووك علينا تجمع

الله يبارك فيج حبيبتي
موفقة ^^

يآي مبروووك التجمع خواتي

ان شاءالله نكون قدها وقدووود

الله يبارك فيج ^^
ان شاء الله
يبالنا عزيمة واصرار وما نفقد الأمل ^^

إن شَاء الله هالسّنة تكون خير لِي ولكم
وفالنَا الضعف بِعون الله
- حمآآس - موفّقات حبايْبي

ان شاء الله يارب
وبنضعف كلنا باذن الله
موفقة حبيبة قلبي

ان شاء الله من باجر ببتدي احط تقريري وان شاء الله نزل وزنا ونحن بصحه وعافيه وشكرا لوليتا ع المسابقه مادري اذا كاتبه اسمج صح

باذن الله بتنزل اوزاننا اذا تمينا مصرين نحقق اهدافنا
العفو حبيبتي ^^

تحمست


انا اليوم سرت كارفور .. اريد ابدأ امشي ع رجيم دوكان..

ومن باجر ببدأ بعون الله.. واااااايد مخففه أكل.. بس وزني ما ينزل الا 100 جرام والا 200 جرام..ومرات يردن.. ما آكل عيش ولا وجبات دسمه ولا حلويات ولا نشويات.. وفوق كل ها فيني امساك..

ما عرفت شو الخلل بالضبط وهالشي مسببلي كآبه

اول شي عالجي الإمساك
لانج مهما سويتي ما بيكون معدل نزولج قوي
كلي الياف وكثري ماي
وغلط انج تخففين اكل وااااااااااااااايد وفيج امساك
الجسم يخزن الاكل الخفيف اللي تاكلينه على شكل دهون
واصلا ما يحصل شي يحرقه ويهضمه عسب يسيرج بطنج
وغلط غلط غلط ريجيم دوكان وانتي فيج امساك
لان اصلا دوكان يسبب امساك ..
ما اعرف احس لو تغيرين نظامج يكون احسن
موفقة حبيبتي

مبروووووك علينا التجمع

ان شاء الله هالتجمع يكون فآل خير علينا كلنا

تسلمين لولي ع التجمع

وربي يوفجج ويوفج بنات القروووووب

الله يبارك فيج ياقلبي
ان شاء الله يارب
العفو فديت روحج ^^
اتمنالج ولكل البنات التوفيق ^^

[مآشي الحآل]

يآي مبروووك التجمع خواتي

ان شاءالله نكون قدها وقدووود

[shooge]

إن شَاء الله هالسّنة تكون خير لِي ولكم
وفالنَا الضعف بِعون الله
- حمآآس - موفّقات حبايْبي

[قمر 2014]

ان شاء الله من باجر ببتدي احط تقريري وان شاء الله نزل وزنا ونحن بصحه وعافيه وشكرا لوليتا ع المسابقه مادري اذا كاتبه اسمج صح

[الياسيه20]

تحمست


انا اليوم سرت كارفور .. اريد ابدأ امشي ع رجيم دوكان..

ومن باجر ببدأ بعون الله.. واااااايد مخففه أكل.. بس وزني ما ينزل الا 100 جرام والا 200 جرام..ومرات يردن.. ما آكل عيش ولا وجبات دسمه ولا حلويات ولا نشويات.. وفوق كل ها فيني امساك..

ما عرفت شو الخلل بالضبط وهالشي مسببلي كآبه

[احلى الايام]

تحمست


انا اليوم سرت كارفور .. اريد ابدأ امشي ع رجيم دوكان..

ومن باجر ببدأ بعون الله.. واااااايد مخففه أكل.. بس وزني ما ينزل الا 100 جرام والا 200 جرام..ومرات يردن.. ما آكل عيش ولا وجبات دسمه ولا حلويات ولا نشويات.. وفوق كل ها فيني امساك..

ما عرفت شو الخلل بالضبط وهالشي مسببلي كآبه

حبيبتي اول شي عالجي الامساك لان هو سبب ان وزنج ماينزل ..والامساك يمكن بسبة انج وقفتي الاكل الي فوق.. حاولي تشربين شاي اخضر او جربي دوا اول الحلول بس بيعورلج بطنج شوي.. شاى رويال للرجيم بعد مفيد بس نفس الحلول يسوي مغص قبل.. وكثري ماي وامشي وانشالله تنحل المشكله.

[الياسيه20]

حبيبتي اول شي عالجي الامساك لان هو سبب ان وزنج ماينزل ..والامساك يمكن بسبة انج وقفتي الاكل الي فوق.. حاولي تشربين شاي اخضر او جربي دوا اول الحلول بس بيعورلج بطنج شوي.. شاى رويال للرجيم بعد مفيد بس نفس الحلول يسوي مغص قبل.. وكثري ماي وامشي وانشالله تنحل المشكله.

بحاول.. قلت حق امي ابا حلول ولا طاعت.. قالت لانج ما تاكلين بطنج ماسك..
وهي مصرة اني آكل..

والحين انا امشي ع رجيم دوكان.. واليوم اول يوم لي..
اخاف الاعشاب والشاي اتخرب الرجيم

مشكوره حياتي ع الرد

[مآشي الحآل]

انا مافيني إمساك الحمد الله ،، بس مستغربه لي أسبوع ما سرت ما مشاني بطني مع انه ما يعورني بطني

[مــــلاك شوق]

انا مافيني إمساك الحمد الله ،، بس مستغربه لي أسبوع ما سرت ما مشاني بطني مع انه ما يعورني بطني

كثري من خضرواااات فديتج

وان شاء الله ينفع ويااااج

[مــــلاك شوق]

مبروووووك علينا التجمع

ان شاء الله هالتجمع يكون فآل خير علينا كلنا

تسلمين لولي ع التجمع

وربي يوفجج ويوفج بنات القروووووب

[قمر 2014]

الاسبوع الاول

اليوم الاول

اشرب ماي قبل الفطور بنص ساعه
الفطور : بيضتين مسلوقات + نص برتقال ( ان شاء الله راح يكون الفطور موحد طوال الاسبوع)


اشرب ماي قبل الغذاء بنص ساعه
الغذاء: فاكهه وطبعا راح اختار البرتقال (برتقال ،تفاح، كمثري)

اشرب ماي قبل العشاء بنص ساعه
العشاء : صحن شيش طاووق

طبعا يوميا بشرب ملعقتين صغار خل بحطه بكوب ماي بعد الفطور

يوميا اشرب ماي لترين. حاولت اخليه ثلاثه ماقدرت + شرب شاي بالأعشاب (زنجبيل+جرفه+كمون+ينسون+شاي اخضر بالليمون اشربه بعد الوجبه)

الرياضه: ان شاء الله الاسبوع الياي راح ابتدي رياضه المشي نص ساعه

وتم بحمد لله

[lollypop.84]

الاسبوع الاول

اليوم الاول

اشرب ماي قبل الفطور بنص ساعه
الفطور : بيضتين مسلوقات + نص برتقال ( ان شاء الله راح يكون الفطور موحد طوال الاسبوع)


اشرب ماي قبل الغذاء بنص ساعه
الغذاء: فاكهه وطبعا راح اختار البرتقال (برتقال ،تفاح، كمثري)

اشرب ماي قبل العشاء بنص ساعه
العشاء : صحن شيش طاووق

طبعا يوميا بشرب ملعقتين صغار خل بحطه بكوب ماي بعد الفطور

يوميا اشرب ماي لترين. حاولت اخليه ثلاثه ماقدرت + شرب شاي بالأعشاب (زنجبيل+جرفه+كمون+ينسون+شاي اخضر بالليمون اشربه بعد الوجبه)

الرياضه: ان شاء الله الاسبوع الياي راح ابتدي رياضه المشي نص ساعه

وتم بحمد لله

اعتقد هذا اسمه الريجيم الكيميمائي صح
انا ما احبه
لان لقمة غلط تخرب النظام كامل
اذا لج القدرة انج تستمرين فيه وتكملينه بدون اي غلطه كمليه
او غيريه من البداية
بشكل عام .. يومج كان خفيف وحلو
مع اني افضل يكون متنوع اكثر ويشمل كل العناصر الغذائية
موفقة حبيبتي ^^

مبروووووووووووووك علينا الافتتاح الحمدالله ^^

صباااااح الخير

اول شي بنات انا نظامي من مركز غذائي بس هاليومين اسوي من عندي وقاعدة اتعالج عن غدة طالعة لي تحت الاذن وجريب عمليتي باذن الله دعواتكم

ثاني شي انا هالفترة قابليتي للاكل جدا ضعيفة يعني ابدا مااكل غير حق المضاد الحيوي الصبح وفليل بس وشهيتي للاسف معدومة بسبب ظروف قاعدة امر فيها حاليا

حسبي الله ونعم الوكيل على كل ظالم >.< شو بقول بس المهم دعواتكم لي خواتي وان شاء من اليوم ببدأ اسوي رياضتي في البيت اللي هيه مشي كل يوم ساعة وربكم يسهل يااااااارب

سلامتج حبيبتي كيكوه
وتقومين بالسلامة ان شاء الله
حاولي تاكلين لو بشي بسيط عالاقل وجباتج الثلاث وحاولي تخلينها صحية باكبر قدر ممكن
والله يفرج وايسر امورج يارب^^

انا ما اقدر اسوي رياضه لآني قآعده اتعالج عسب احمل وان شاء الله ربي يرزقني ويزرق كل وحده تتمنى الحمل

عيش أبد ما اصكه،، اكل فواكه وسلطات وجآي اخضر ومرات خبز اسمر وجبن قريش او صمون وجبن عادي

عسى ربي يرزقج باللي تتمنينه يارب
حلو نظامج .. بس دامج ما تسوين رياضة زين انج ابتعدتي عن العيوش وتوابعه
وحاولي تسوين تمارين لو خفيفه بشكل ما تظر نظامج الصحي
موفقة فديتج

انا مافيني إمساك الحمد الله ،، بس مستغربه لي أسبوع ما سرت ما مشاني بطني مع انه ما يعورني بطني

احيانا ما تحسين بألم
بس دام كملتي اسبوع معناته بداياتج للامساك
حاولي تاكلين وتكثرين سلطات
او اشربي ملين لو مرة وحدة
شاي ميغا دايت مال نيوترشن وايد مفيد
كان ملين مب مسهل
موجود فالصيدليات اذا حابة
بالتوفيق يالغلا

مبروك علينا التجمع اليديد

ان شاء الله يكون فاتحة خير علي وعليكم وننزل اوزاننا الزايدة يارب

اليوم في الليل بحط تقريري

الله يبارك فيج حبيبتي
ان شاء الله يارب
وان شاء الله تجمعنا هذا ايب نتايج معانا
نتريا تقريرج ^^

[مــــلاك شوق]

الاسبوع الاول

اليوم الاول

اشرب ماي قبل الفطور بنص ساعه
الفطور : بيضتين مسلوقات + نص برتقال ( ان شاء الله راح يكون الفطور موحد طوال الاسبوع)


اشرب ماي قبل الغذاء بنص ساعه
الغذاء: فاكهه وطبعا راح اختار البرتقال (برتقال ،تفاح، كمثري)

اشرب ماي قبل العشاء بنص ساعه
العشاء : صحن شيش طاووق

طبعا يوميا بشرب ملعقتين صغار خل بحطه بكوب ماي بعد الفطور

يوميا اشرب ماي لترين. حاولت اخليه ثلاثه ماقدرت + شرب شاي بالأعشاب (زنجبيل+جرفه+كمون+ينسون+شاي اخضر بالليمون اشربه بعد الوجبه)

الرياضه: ان شاء الله الاسبوع الياي راح ابتدي رياضه المشي نص ساعه

وتم بحمد لله

بالعافيه عليييج

يومج حلو

بس لو عاكسة الغدا عشا بكون احسن

ربي يوفجج