قولي كم عمر زواجج و شو هي خبرتج بعالم الرجال

[Om Saif 1990]

عمر زواجي 4 سنوات

مريت بواسد مشاااكل ومريت بايام حلللوة وااايد

الريال يحب الحرمة اللي تحترم اهله وتربي عياله باحسن طريقة وما يحب الحرمة اللي دووم تطلع من البيت وريلي من النوع اللي يحبني بشوشة واضحك واتمصخر واذا شافني مبوووزة يعرف انه مسوي شي غلط

الله يسعد الجميع ويوفق كل المتزوجات ياارب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حمدان دبي]

إه ي قلبي والله اقرا الموضوع. ودموعي اربع اربع متزوجة من 5 سنين والله يسامحة ريلي خلاني اوصل لمرحلة. ان اكررررررره واعيفة وهلكره مب فتره وبس صارلي كم شهر واحاول اتاقلم ع هشي طبعا كرهته وعفته لاني اكتشفته ان للحيني يخوني صح اغلب الريايل جي بس اللي. قاهررررررني يخوني عند وحدة متزوجة بسبتها كان بينهدم بيتي كم مررررررة واكثر من مرة زخيته ويرد يعتذر ومن فتره عرفت ان للحين عندها وانا غاسلة ايدي منه وكاررررررهتنه ومب قادرة ابد اتقبله. حياتي الحين عايشة حياتي واسوي كل شي فخاطري واربي عيالي وملتهيه بدراستي وهو بنسبالي صفررررررر ع الشمال والحمدلله. ملتزمة بالقراان والاستغفار وقيام الليل وعفتتتتتتت الدنيا وما فيها واستويت افكررررر بالاخررررره وبس. اممم حسبي الله ونعم الوكيل فيها تعرف ان ريال معرس وبعدها تكلمه خرررررررربتلي. حياتي كلها. لو مب. عيالي من زمان بطلب الطلاق

[مناتي الحلوة]

بعد زواج دام 21 سنه خبرتي في الحياه اكبر من عمري
من خبرتي في الحياه الزوجيه ان الطيب ماله نصيب اهم شي لا تتنازلين عن حقوقج وارضي ربج والحقيقه انا غير سعيده في حياتي
بس مستمره في الحياه على امل ان القادم افضل والحمدلله على كل حال

[ليندااااا]

متزوجه من ست سنوات 2007
الحمد لله حياتنا الزوجيه اوكيه لولا بعض الثغرات البسيطه
وقدرنا بعون الله نتخطاها
ريلي كان وايد متكاسل وما يحب يسوي شي لكن الحين يحس بالمسوؤليه اكثر عن قبل خاصه انه صار اب لبنتين الله يحفظهم والبيبي الي بي بالسلامه ان شاء الله
احس صار عنده مسؤليه اكثر وما يرفض لنا طلب الله يحفظه يارب

[ام سلطان 2012]

حلو الموضوع

[فنون الحب]

صارلي 7 شهور متزوجة عانيت وايد اول 5 شهور بس قدرت اتحمل واصمد
وان شاء الله اتخطى مرحلة الخطر يااارب ههههه

[mrs.abk]

عمر زواجي سنة ونص ..

أحس عديت مرحلة التخوف المبدئي .. مرحلة هالشخص غريب كيف أعيش معاه .. ( كنت أستحي أقعد في البيت وهو محد .. ولو ياب حلاو أو شيء ما ألمسه أستحي لين يعطيني هو )!


عديت مرحلة اللخبطة ( نسيت كل الطبخ وأصول التنظيف نسيت كل شيء كنت أسويه انمسح من مخي وطول الوقت متوترة كأني في امتحان أخاف ينقد أو يقول شيء واتمنى أسمع منه كلمة إطراء)


بديت أحس انه زوجي نصي الثاني قدام الدنيا .. وإنه راعي بيتي ومالك أمري ..

أحس الحياة الزوجية غير مهما وصفناها .. حياة مشتركة مع شخص يمكن يكون زين ويمكن يكون سيئ واحنا علينا التأقلم وإدارة هالحياة ..

ريلي زين الحمد لله .. ولأنه ساندني قدرت أفرض احترامي على أهله ومحبتهم لي .. خاصة إننا من البداية سكننا بروحنا


مشكلتي شغل ريلي نظام الشفتات والسفرات الفجائية وأنا شوي شوي ما تم لي أي وقت في الجدول .. أحيانا أضيج وأحيانا أقول فترة وبتعدي


مع ولادة بنوتتنا العسل تغير طعم الدنيا وصارت حركاتها وكلماتها شغلي الشاغل ..


التفاهم بيني وبينه مبني على إن أفكارنا وحدة نحب نفس الاشياء ونكره نفس الاشياء


بالنسبة للجسم أنا من نفسي ما أحب المتن ودخلت في صراع من كم سنة مع وزني لكن زاد للأسف في الحمل وأنا بعدني شادة حيلي وقاعدة احاول .. هو الصراحة عقب 9 شهور من الولادة علق على إن وزني زايد وأحتاج ريجيم مع إن وزني موب زايد وايد 10 كيلو بتخليني سمبتيك ..

[أم مغاوي]

عمر زواجي ماشاءالله اللهم لاحسد هههههههههههههه
والخبره ياطويلة العمر مهما قلنا تعتبر صغيره كل يوم نكتشف شي واكيد كل ريال يفرق عن الثاني


يا حرمه ساعات بتشوفين ريال شكبره بس عليه تصرفات يهال تلوع جبدج تحملي


الخلاصه واللي اتفق فيها مع الحرمات
اهم شي عندهم الجسم لازم الوحده فينا تحافظ ع جسمها
مثل ماقالت الاخت مب شرط مانيكان بس وزن معقول
تروم تلبس اغلب الموديلات الموجوده بالسوق هالشي مهم عند ريلي عن خبره
بوالشباب مايقولي ضعفي بس انا افهم يوم يسوي رجيم يقول الواحد لازم يكون رشيق
يكون شكله حلو ومرغوب ويقدر يسوي اشغاله بسههوله
انا ماحب الريال الضعيف ابدا وهو عارف ماله داعي يسوي رجيمات بس هذه رساله لي


يحبون الوحده اللي تعرف تطبخ وتترس كرشتهم يقولي انتي فاشله
ياما حاولت بس ماتضبط الطبخات تعبت
كانت عندي قناعه اطبخ واكله لين ماينتفخ عشان محد يلتفت له
يعايرني يوم اخوه يطرش له اكل من طباخ حرمته

نقطه ثانيه تكونون واضحين من البدايه افضل شي لان عقب صعب تقنعينه ويقولج ماخبرتيني من قبل
سواء بخصوص المصرف المسكن الدراسه الخ

لازم تتحملون بعض بالصبر والهدوء ريلي تحملني كنت ما الحق البيت ولا الدراسه ولا العيال
اصلا عيالي ربتهم عمتي للاسف ضيعت على عمري اجمل اللاحظات يقضون اغلب وقتهم معاهم
الحين صعب اخليهم عندي بس احاول قد ما اقدر وريلي يقولي انتي الغلطانه ماسويتي هالشي من البدايه ماروم امنعهم الحين
في اول سنوات دراستي كنت ارد الساعه خمس او ست بعد ريلي
تتخيلون ريلج يرد ومايحصل حرمته تحط له الغدا كأنه ارمل هو والعيال بعيد الشر عني

اول سنه سنتين او ثلاث اذا انتو جادين وتبون زواجكم يتم لازم تصبرون
هني التحدي الكبير لكم لان كل شخص يبا يكون هو الصح ورايه صح وغير العناد
وايد اشياء كنت اسويها غلط كنت جاهله بس كنت اباه ينفذه لي مجرد عناد اوني اختبره
ماعرف شو اسميه يمكن اشوف غلاتي مثل سالفة المكياج والغشوه او النقاب تستوي
ببداية الزواج مع اي زوجين الحرمه تكبر الموضوع وتستير تشتكي عند اهلها وتكبر الموضوع
في اشياء كان يجبرني بالقوه اذا ماوافقت وكنت انجبر اسويها وازعل واصيح بس ماكنت اسير اشتكي عند الاهل واتحمل لاني مب من النوع اللي يشتكي الحمدلله فادني
وهو نفس الشي اذا عاندته ببعض الاشياء اللي يقدر يتقبلها ينفذه لي او يقنعني بالزين ولايسكت عني طاف مايكبر الموضوع

لاتقولون للريل عن سوالف الحريم والاهل اللي تستوي بينكم وكل صغيره وكبيره واخبار اهلج
واشياء صارت بالماضي وعيوب هلج ولا اهله ياويلج حتى لو ما ادانيهم خلي هالشي بقلبج

ولاتهذربين وايد ادري وايدات يحبن
يقولن الشي بالتفصيل الممل من الالف للياء ولا يحسن بعمارهن يوم يسولفن هالشي غلط الريال مايحب الكلام الزايد
مثلا يسالج شو سويتي اليوم مب تقولين له قمت تريقت وسرت عند سواف ولقيته يتضارب مع منصور خبرت عليه امه
وعقب سرت عند عمتي لقيت يارتنا ياييه تعزمنا ع عرس ولدها حمدان وشفت خواتك ظهرنا عند بنات خالك

ابدااااااااااااااااا لاتقولين جي اختصري الزبده سسرت عند بنات خالك مع البنات بس

عندي قناعه دوم اخبر البنات هني لاتثقين بالريال لو شو ماكان و فلوسج ماله خص فيهن
من يقولي فلوسج هي فلوسي اقوله لااااااا فلوسك هي فلوسي
جان بتساعدين بكيفج من طيبج بس مب كل شي

عيشي حياتج لاتخلينها محصوره بالريل شو سوا وشو ماسوا ووين ساروليش والخ بتتعبين وهو بيطفر منج

اذا بتجابلون بعض بتستوي المشاكل خليه يمارس هواياته يقرا يكتب يطلع كوفيهات مع ربعه الخ
وانتي بعد مارسي الشي اللي تحبينه

واذا كل هالاشياء سويتيها وبعدج مب مرتاحه هني اسمحيلي اقولج انتو ماتبون الزواج يستمر
او واحد منكم مايبا الثاني

[أمـ مريمـ]

تقريبا 6 سنوات وعندي 3 الله يحفظهم
الزواج في البدايه كله مشاكل و ضرايب وصياح لان هو تفكيره وعقليته غير
وانا تفكيري غير و كله يسوالف سوالف تزعل وتجرح و يتمصخر وانا حساسه
عصبي وعنيد وانا نفس الشي عنيده وعصبيه فاول الزواج كان يتحملني و يوم نضارب يطلع برع البيت دقايق ويرد و اللحين يوم نضارب يصرخ و انا اسكت و الله كريم . طيب بس عقليته مشكله كل الصفات الحلوه اللي فيه راحت ماتم شي دوم اقوله انت وايد تغيرت . الله يهديه وغير جي مب وايد متحمل المسؤوليه يعني يهال تعبو والا مرضو اوديهم المستشفى روحي نادرا في 5 سنوات ما رحنا ويا بعض نودي عيالنا المستشفى حتى انا يوم اتعب اروح ﻻوحي معتمد علي في وايد اشياء لاني اسوق حتى طلعة السوق خاطري اطلع وياه بس دوم اطلع روحي ينعدون ع الاصابع يوم يطلعني اشتري لليهال ودوم انزل روحي وييلس بالسيارة
الله كريم نتمنى بس شو نسوي .
خلاص الزواج من البدايه تعودينه على طبعج شو تحبين ويحب ونصيحة اذا الوحدة ريلها يداوم بعيد وهي في مكان غير تفرض عليه ياخذها مكان ما يشتغل علشان يتحمل مسؤوليتها واليهال..
صراحة ايام العزوبيه احلى راحة بال لا حد يغثج ولا وسواس ايييج نفسيا مرتاحه

[مذهــله]

اللهّم اغننا برحمتك عن رحمة من سواك ،

وبحلالـــــك عـــــن حرامـــــك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

[ملاك92]

شهر الياي بكمل سنه ان شاء الله

الزواج حلو بس مسوولية و اهم شي يكون ريلج فاهم و عاقل و نفس عقليتج
انا للاسف مو مرتاحة لاني ساكنة مع اهله و كل مشكله و كل كلمه اقوله يروح يخبرهم وانا صابرة واحس بنفجر من تصرفاته خاصة انه دايما يعطي الاولوية لامه و ابوه و عقب اخوانه و اخر شي انا
بس الحمدلله على كل حال