طلبيتي مع التاجرة

[حمده الفلاحي]

مرحبا بنات ..
مادري إذا مكان الموضوع مناسب ولا لا ..

أنا طلبت مجموعة للبشرة من تاجرة معروفة بالمنتدى تقريبا ب 600 وشي
وخذتها لأني شفت المديح اللي مب طبيعي ومع ترخيص من وزارة الصحة ..
وخليت اربيعتي تطلب مجموعة لها لأني شفت وايد يمدحونها ..
المهم أول ما اتواصلت مع التاجرة كانت ترد عليه بسرعة واطرش لي مسجات
اتذكرني اني اطرش بياناتي ومادري شو ..
المهم عقب ما استلمت الطلبية ..
طرشت لها اسألها شي عن المنتج وكيف تخزينه عسب أعرف بس ماردت عليه
وسوت أكبر طاف ، مع ان بعدها بكم يوم اربيعتي كانت مكلمتنها لأنها طلبت منها
ولما دورت بالنت عن منتج من ضمن المجموعة ومن مجموعة ثانية لقيته تايلندي أصلا !!

ليش تجذبون وتبيعونه علينا بأسعار مبغالة فيها
انزين التاجرات اللي من هالنوعية شو بتستفيدون من هالحركات ؟؟
تراني ماخذه من عندج ولازم تخبريني كيف !!
ولا قبل بس عسب تبيعون تكونون من احسن ما يكون وعقب تلبسونا !!
حركات تقهر والله ..

المزيد من آخر المواضيع من نفس القسم:

• مرحبا للضروره الكل يدخل
• توفير اجهزة مساج خاصة وهزازات
• حد بيعرف فلبينية بتعمل واكس وسكر بمنطقة...
• احد يعرف رقم التاجره ام مهره
• الي عندها عباية قديمة او مستعملة بدل ما...
• اللي تبي بضاعه من الصين او امريكا او اَي...
• جروبات نساءيه
• ابحث عن العاب التالية من يقدر يوفرها لي الله...
• ممكن الإفادة هل احصلها عند أحد الله يسعدكم
• محتايه مطوع ثقه ثقه ثقه وشاطر ويقرا قراءه...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خولة المزروعي]

والله حرام ب 600 وتايلندي بتحصيلنه ارخص بوايد وبعدين أغلب التاجرات مب الكل بضاعتهم كلها من السوق الصيني اتدور هي اي شى واتبيعه والسعر بعد اتقولين ماركه وامسات شايفة وحده اتبيع شنطه وامانتا هي ماقالت انها ماركه واصلا هو امبين انه مب ماركه اتخيلي سعر الشنطة اصلا 150 وأقل وهي ماشاء الله دبلت السعر

[حمده الفلاحي]

هيه والله صدقج .. ومشكورة حبيبتي
أهم شي يبيعون .. لا ويقولون ادعموا المنتجات الاماراتية
طبعا ما أعمم لكن نفس هاي المشاكل اللي تواجهنا لين متى يعني

[sho0g]

ماعليه حبيبتي تعلمي لغيرها وفلوسج معوضات ان شاء الله ..الله فوق

[حمده الفلاحي]

مشكورة حبي والله كريم

[غلا الماس]

هلا اختي بس جد مايصير تبيعلج منتجات وعقب تلبسج شوتقصد بهالحركة انا ابيع خلطات بس بعمري مالبست وﻻوحدة كل وحدة تسالني اجاوبها واعطيها معلومات عن كيف تخزن المننتج واستخدامه
عندي عرض منزلتنه انا ب350 درهم تبييض الجسم وادا مالقيتي نتيجة برجع البيزات ولله الحمد الكل استفاد من المجموعة والكل عاجبه السعر 3منتجات ب350

[ام براق]

هلا اختي بس جد مايصير تبيعلج منتجات وعقب تلبسج شوتقصد بهالحركة انا ابيع خلطات بس بعمري مالبست وﻻوحدة كل وحدة تسالني اجاوبها واعطيها معلومات عن كيف تخزن المننتج واستخدامه
عندي عرض منزلتنه انا ب350 درهم تبييض الجسم وادا مالقيتي نتيجة برجع البيزات ولله الحمد الكل استفاد من المجموعة والكل عاجبه السعر 3منتجات ب350

بالتوفيق للمنتجاتج

[smalltowm]

حسبي الله ونعم الوكيل

يا اختي ربي يرضى عليك قبل تاخذين أي شئ من أي تاجرة

وحتى انا الكلام يمشي علي بعد وخصوصا بمبلغ كبير

تخلينها تصور لك المنتج كله وتشوفين الصناعه

قبل تدزها لك كذا ضمنتي فلوسك و ضمنتي ما احد يقص عليك

ربي يعوضك خير ان شاء الله

وش بتستفيدون من اكل مال حرام ..؟؟

[مذهــله]

بالتوفيق..حياكم الله في موضوعي المذهل...اختكم مذهله

[حمده الفلاحي]

مشكورات حبيباتي ..
والحمدلله ع كل شي

[آآآه]

الله يعوضج عزيزتي
ماعرف ليش الناس لين
احينه تغش الناس؟

وحديث الرسول واضح
من غشنا فليس منا


شو الفايده بعد اذا يتني دعوة مظلوم
أو يتيم أو غيره

[نوفه الحلوة]

الله يعوض عليك الغالية وانا عن نفسي اتعامل مع كل زبوناتي بسلم واستلم ابي كل زبايني تتاكد ان طلبيتها اصلية قبل الاستلام ابي كل وحدة تكون زبونة دائمة عندي واللي تعش شو استافدت خصرت زبونة ماراح تاخذ منها مرة ثانية الله يهدي الجميع

[Miss PiXy]

عرفت الي تقصدين وقبل قريت كم وحده ذمتها

فوق هالغش اسعارها غاليه بعد على شو مادري

[أم حور26]

الصراحه 600 وايد لو 200 بعد أنا اشوفه غالي

الله يعوضج

ولعلمج أنا تاجره وبعد يقصون علي تاجرات للأسف

[حمده الفلاحي]

الله يعوضج عزيزتي
ماعرف ليش الناس لين
احينه تغش الناس؟

وحديث الرسول واضح
من غشنا فليس منا


شو الفايده بعد اذا يتني دعوة مظلوم
أو يتيم أو غيره

آمين ..
بس وين اللي يفهم كل همهم التجارة
تسلمين ياقلبي