مشكلتي مع ريلي الكذاب

[LADUREE]

حسبي الله
الله يكوون بعوونج اختي
هذا ما يستااهلج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

يعني اختي مااعرف شو اقول

بس ليش تاخذين ريال متزوج وعنده حرمه مريضه

هو لو كان انسان طيب كان قعد مع حرمته ليييييييييين مالله يشفيها

(اعرف رجال حرمته مريضه نفس الشي بالسرطان واكثر من مره يصيبها في اماكن مختلفه وماتخلف عيال ولكن ماتركها رغم مرضها صح مرات يلمح انه يريد وحده ثانيه عشان يمل منها ولكن الحمدلله للحين معها وقايم بواجبها)

(وبعد في رجال حريمهم ماالله يكتب لهم ذريه او عيال ولكن مايطلقون)

المخرج المصري يوسف شاهين متوفي ومايجوز عليه كلام غير الرحمه كان يحب حرمته كانت لا تنجب وحست بضيق وطلبت منه الزواج بس

قال له : عايزه اولاد ربيني

بذمتكم ماتبكون يوم تسمعون هذا الكلام

هذا هو حسن الخلق

الطلاق من الحرمه حتى لو مريضه مايسويه الا اللئيم!

لو نيته سليمه وحرمته طيبه كان خبرها من الاول وخلاها تكلمك على الاقل واهله يكلمون اهلك ويكون العائلات على معرفه

وهي معها حق يوم تخانق وتزعل الحرمه اختي

لانها مريضه اختي وزوجها ماخذ حرمه غيره والحرمه الثانيه تتصل عليها

هي ماتعرفك اختي فيكف بتصدق كلامك اكيد بترفع بلاغ عند الشرطه لانها مقهوره ومثل ماقلتي يمكن قويه يعني من النوع ماتسكت عن حقها بس لسانها متبري منها

(بشكل عام المرضى اختي بسبب الضغط النفسي يصارخون وفي منهم يسبون حتى في المستشفى بشكل عام اذا مريض سب اي حد من الطاقم الطبي او الاداره مايسجلون عليه مخالفه او شي حتى لو كان بس مراجع عشان تفهم حالته النفسيه،حتى بعض الشرطه مايفتحون بلاغ اذا تاكدوا من المرض اختي)

يعني شو تريدين من رجال متزوج وحرمته مريضه حتى لو هو يحتاج حرمه وجي؟

ولكن مافكرتي بشعورها هي

تعرفين اهله تعرفينها هي

الحين هو تركك وانتي حامل

شي مب طيب اكيد

بس بعد مب شي مفاجئ

اعرف انك قمتي بواجبه ولكن انتي ماتعرفين هو شو براسه

في حريم متزوجات رياييل سنين وقايمات بالواجب مثلك ويمكن اكثر بس يطلقن!

كل رجال وهواه

ولكن الغلط من البدايه اختي

الزوجيه الثانيه مرات تنجح بس كلها مشاكل واغلب النجاح يكون يوم الزوجه الاولى تكون من الاصل عارفه واهلها واهله واهلك بعد يعرفون بعض

يعني شبكه عائليه

او مثلا تكوني الثانيه او الاولى متنازله عن حقوق

الزواج الثاني مافيه عدل

الا اذا كان ناس كثير على نيتهم وهذا مايتحقق

يعني حرمه ضعيفه وتدور الستر وموافقه زوجها ياخذ عليها لو مائه حرمه! عشان تريد ترضيه

يعني تريد ترضيه او تحبه وماتريده يتركها فموافقه على اي تصرف ارعن منه

يعني حتى لو بيتزوج حرمه ثانيه وبيسبها عندها عادي المهم هو راضي! واصلا هذا التريده الحرمه الاولى ان الثانيه تطير من خلقتها!

او في مجال انها مالها رغبه وفيه ومستعده تعطيها لاي حرمه بس ترتاح منه!

وهذا مايتحقق في حالتك!

[شعاع امل]

استغرب يوم اسمع ان الناس تقول ان الاسلام حلل مثنى وثلاث ورباع

وكل شي له ظروفه وماالى ذلك من كلام؟

انا مب من اهل التشريع ومااعرف يعني مب دارسه شريعه

ولكن اظن ان هذا الكلام مغلوط نوعا ما

واستغرب يوم المحاكم تجيزه! على اي اساس

رب العالمين قال ولن تعدلوا

يعني لو الله عز وجل راد ان يحلله كان جابها صريحه او جاب معاني تخليها واضحها سواء في الكتاب او السنه! وتم ذكر الحالات التي يجوز بها الزواج!

ولكن خلاها جائزة الوجهين للناس عشان يعرف انهم لن يعدلوا

وكل يوم اقر قصه تبين هذا الشي

فكيف تم تحليلها ووضع ابواب تحلله

يعني يوم المراه مريضه يوم المراه لا تنجب

!!!!

ياطلقها ياتحملها

هذي الدنيا الحقيقيه

كيف يكون في دين والرجل مايتحمل حرمته!حتى لو هو ذكر وله احتياجاته

يعني الحرمه مالها احتياجاتها بعد!هذا بس كلام في المجتمع

الحين الحرمه لو زوجها مريض او ماينجب

بتروح تطلقها! او بتتزوج عليه

طبعا لا

انا اعرف الرجل عنده احتياجات بس لازم يكون في تفكير بعد

يعني لو انا الحين عندي رغبه اني اقتل بروح اقتل!

لو عنده رغبه بالزنا يروح يزني!

مافي صبر مافي دعاء

اذا حرمته الاولى مايتحملها يطلقها وخلاص

ويتزوج ثانيه والاولى لها ربها وخلاص!

سامحيني اختي الله يعينك يارب ويسعدك وتقومين بالسلامه

بس انا ماتحمل موضوع ان الزواج الثاني من اكثر الاشياء التي لا تقنعني في الحياه!

[alia44]

صحيح كلامج اختي شعاع الأمل ماادري ليش يتزوج الريال والشرع يحلل اثنتين بس بالنهايه انا انظلم ابني بالموضوع اكثر مني انا لان ابوه مايبغي يعرف عنه شي انا بالنسبه لريلي وقت فكر يتزوج لان صبر على مرض حرمته ٤ سنين وهو كان دايما جنبها فترة علاجها وفترة سفرها بالعلاج لكن هو ريال وبحاجة زوجة وبهذا الحال يكون له طريقين او خيارين ياانه يتزوج حرمة ثانيه او يلحق الحرام لاتقوليلي ريال يصبر بدون حرمه وخاصه اذا كان عنده غريزة وفي ناس تصبر وناس لا ولاتنسين اذا طلق حرمته الاولى بيخسر عياله لقى ان انا ولدي نكون الضحيه افضل ما تكون عيلته وللعلم أبوي متزوج حرمه ثانيه وعادل والله بكل شي وأمي مع أنها تحب أبوي لكن خلاص استسلمت لأمر الواقع لكن حرمته تكبر ريلي ب٨ سنين وهي مريضه مع جذي هي انانيه وماتفكر الا بنفسها انا خلاص راضيه بابتلائي من رب العالمين وراضيه كون انا ولدي مظلومين انا ولدي النا رب العالمين وربنا مابضيع احد

[(خيماويه)]

الله يهدي الجميع

[مهرووووووه]

حسبي الله ونعم الوكيل

[قلوب حلا]

دوم رددي وقولي حسبي الله ونعم الوكيل ولاتسكتين عن حقج ردي للمحكمة وقولي للقاضي شو صار وياج بعد ماقال بصالحج انه شرد

واستخيري في كل الامور الله المستعان صدقها الاخت اللي قالت ياحيف على الرجولة

[بنت بوظبـي]

المفروض اتكونين قويه .. واتوقفينه واتوقفين حرمته عند حده .. وانتي راعية حق .. ماطلبتي غير حقج ..
وانصحج اتشوفين لج مصلح اسري .. بيفيدج اكثر وبينصج

[ملكة الاحاسيس]

عمر زواجج نص شهر تقريبا حسب.كلامج
وبخلال.نص شهر كنتي خير زوجه?طيب كنتي صبرتي عليه وطنشتيه فتره لين يحن للفراش وذيك الساعه ردي ذهيج
وعلي طاري مرته الي مريضه ومافي اي اتصال بينهم اعتقد هاي امور مالج حايه فيها ومالها داعي تنذكر هني بموضوعج لن موضوعج بسيط وعند المحكمه وولدج يتكفل به وبتكاليفه
ولج حق اذا تطلقتي لكن مالج.حق.تلاحقين زوجته وتقولين عنها هالكلام ...
كلامج مع الرجل وليس مع زوجته

[أم حمـد .]

الله يعينج , بس ليش خبرتي حرمته اصلا وسويتي مشاكل بينها وبين ريلها , مب كفاية اللي فيهآ ؟!
عموماً مايندرا منو الظالم ومنو المظلوم والله ينتـصر للحق ان شاء الله

[alia44]

الله يعينج , بس ليش خبرتي حرمته اصلا وسويتي مشاكل بينها وبين ريلها , مب كفاية اللي فيهآ ؟!
عموماً مايندرا منو الظالم ومنو المظلوم والله ينتـصر للحق ان شاء الله

انا اضطريت اخبر حرمته عشان ذكر أمامي بالتوجيه الأسري انه ممكن يتزوج وخفت ان يتزوج ويظلم بعد بنت ناس غيري

[حرم الحميري]

غناتي ربي بالسلامه ولدج لي فبطنج هو الفرج ان شاء الله وبيرد حقج بتحصلين اشيا من وراه هو بيصيح الدم وراه نفقه وحضانه ومسكن وبلاغات الشرطه تنحسب فالمحكمه ولا تخافين من كلام حرمته خلج قويه لا تراسلينهم واذا ياج منهم شي ع طول بلغي احتفظي بالاثبات بينفعج الطلاق ياخذ وقت بس شي نفقه حتى لو تاخر الحكم خلج قويه صح انصدمتي بس صدمته بتكون اقوى يوم بتحكم المحكمه باشيا لج وهو راتبه بيتقطع وبيعرف ان بنات الناس مب لعبه

[alia44]

غناتي ربي بالسلامه ولدج لي فبطنج هو الفرج ان شاء الله وبيرد حقج بتحصلين اشيا من وراه هو بيصيح الدم وراه نفقه وحضانه ومسكن وبلاغات الشرطه تنحسب فالمحكمه ولا تخافين من كلام حرمته خلج قويه لا تراسلينهم واذا ياج منهم شي ع طول بلغي احتفظي بالاثبات بينفعج الطلاق ياخذ وقت بس شي نفقه حتى لو تاخر الحكم خلج قويه صح انصدمتي بس صدمته بتكون اقوى يوم بتحكم المحكمه باشيا لج وهو راتبه بيتقطع وبيعرف ان بنات الناس مب لعبه

مشكورة حبيبتي على ردك وربي يفرج همك وهم الجميع

[jumana]

استغفر الله منها روحها مريضة وجي تسوي عيل لو صاحية شو بتسوي ... حسبي الله ونعم الوكيل فيها ... الله يبليها ويريحج منها

[alia44]

استغفر الله منها روحها مريضة وجي تسوي عيل لو صاحية شو بتسوي ... حسبي الله ونعم الوكيل فيها ... الله يبليها ويريحج منها

تسلمين حبيبتي ربنا فوق الجميع وياخذلي حقي منهم ان شالله