طلاق للضرر ..

[LADUREE]

السلام عليكم خواتي ..
شخبآركم ؟؟

اشكر ربيعتي LADUREE لانها سمحت لي اكتب قصتي هني ف المنتدى ..

خواتي انا حبيت اطرح مشكلتي وابغي مساعده ..

انا صارلي متزوجه من سنه , من بداية زواجي كانت في مشااكل وطبعا من طرف الزوج , خيانات و عدم مسؤوليه ولا اهتمام ووووالخ .. زوجي من فتره زخوه ف قضيه وانسجن شهر كـ حق عام .. لان زوج الحرمه هاييك اللي كانت وياه تنازل عن القضيه و طلعوهم من السجن .. انا رحت المحكمه رفعت دعوة طلاق لاني خلاص مابيه ,, يعني رغم العيشه اللي عشتها وياه ماكنت مرتاحه وفوق كل ها كنت صاابره وسااكته .. ولما انزخ بهالموضوع وانسجن انا خلاص قررت ما اسكت ورفعت دعوة ..
ف المحكمه رحت جلستين عند الاصلاح الاسري وكانوا يقولولي فكري لان عقب الطلاق انتي ماتعرفين شو بيستوي و الريال بيتغير ومن هالكلام .. انا خلاص عفته ما ابيه حتى شكله مابي اشووفه كرهته .. و هو لما يحضر عند الاصلاح الاسري يسوي نفسه برئ ويقول انا بتغير عشانج وبسويلج كل اللي تبينه وووالخ (فيه خبث) جدامي يكون شخص و جدام المصلح شخص ثاني حكيم وفاهم الدنيا وانسان ندمان ....!! الحمدلله الله ما رزقني منه عيال و هالشي اللي مخليني اصر ع الانفصال لان مافي شي يربطني فيه وانا بعدني صغيره اقدر اكمل حياتي و يعوضني ربي .. حتى ان اهلي كرهوه ما يحبونه ومايبوني اكمل حياتي ويااه لان تعبوا من كثر مشااكلناا .. الحين عقب اسبوع عندي ثالث جلسه وانا قلت بحولها للقاضي لاني ابا انهي المووضووع بسرعه , بس انا انسانه مب جريئه وياليت اللي كانت مظلومة ومجربه الطلاق تخبرني كيف اتصرف وانا عند القاضي و شو اقوله بالضبط غير المواقف اللي صارلت لي .. دخيلكم مابي وحده تقول لي ارجعي له لاني كرهته وما ابيه وقرارالطلاق مستحيل اغيره لو شو يستوي , لو كان يستاهل كنت مارفعت دعوه لاني ..


و مشكورين ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قلوب حلا]

مادري شو انصحج يختي الله يعينج على هالريل ... صلي استخاره بخصوص طلاقج وشوفي رب العالمين شو ييسر لج وبشو تحسين

موفقه يارب

[جروح الزمن11]

الله ييسر لج الي فيه الخير لج

[أم أية 2]

والله حرام عليهم هالرياييل يوم هم مب قد الزواج حق شو يظلمون بنات الناس الحل انج تطلقين قبل لاتيبين عيال وينظلمون هم بعد وجدام القاضي عليج طبيعية ولاتستحين

[مراسيل الوفاآ]

ي اختي مب لازم حد يقولج شو تقولين
صلي استخاره واذا ارتحتي ترا الطلاق
بيصير لو مكتوب لج، قولي كل اللي
عندج وخلي حد من اخوانج يكون وياج
وبتتيسر امورج ان شاء الله

[عطر 77]

لا حول ولا قوة الا بالله

[LADUREE]

مادري شو انصحج يختي الله يعينج على هالريل ... صلي استخاره بخصوص طلاقج وشوفي رب العالمين شو ييسر لج وبشو تحسين

موفقه يارب

صليت استخاره و مرتاحه ف قرار الانفصال
تسلمين اختي ما قصرتي ..

[LADUREE]

والله حرام عليهم هالرياييل يوم هم مب قد الزواج حق شو يظلمون بنات الناس الحل انج تطلقين قبل لاتيبين عيال وينظلمون هم بعد وجدام القاضي عليج طبيعية ولاتستحين

بس يبون يتسلوون ,الله المستعان
مشكورة الغاليه

[LADUREE]

الله ييسر لج الي فيه الخير لج

آآمين الغاليه

[LADUREE]

ي اختي مب لازم حد يقولج شو تقولين
صلي استخاره واذا ارتحتي ترا الطلاق
بيصير لو مكتوب لج، قولي كل اللي
عندج وخلي حد من اخوانج يكون وياج
وبتتيسر امورج ان شاء الله

مشكورة اختي ما قصرتي

[LADUREE]

لا حول ولا قوة الا بالله

[بنت الشوامخ]

الله يكتب لج اللي فيه الخير

قبل الجلسه بعد صلي استخاره وشوفي شو يصير

اذا ماتحسين بالاستقرار والامان خلاص انفصلي عنه خصوصا مابينكم عيال وانتي بعدج صغيره

[NiceLondon]

دام ماشي عيال ومرتاحة نفسيا خاصة انج استخرتي واهلج واقفين في صفج توكلي على الله غناتي اصلا هالاشكال اشباه الرجال ما ادري ليش يعرسون احسن لهم يقعدون في بيوتهم يوم مب قد مسؤولية كملي حياتج وابني على انج تكملين دراستج وتشتغلين وبعدين اختاري شريك حياة واحد تحسينه شراتج موفقة

[عاشقة السعادة]

مدام استخرتي توكلي على الله محد بيحس معناتج غيرج وبما انج صغيرة ربي بيرزقج غيره وهالمرة شاوري اهلج عدل قبل لا ترتبطين في اي شخص في حياتج وموفقة....

[مهرووووووه]

الله يعوضج باللي هو اخير عنه.. الطلاق ابغض الحلال بس مرات للاسف يكون هو الحل الوحيد

الله يهديه