خالتي ريلها تزوج عليها

[ميسون@]

السلام عليكم
انا وايد زعلانه على خالتي خالتي عمرها 25سنه ريلها تزوج عليها وهي ما تدري قالها بيسافر عنده شغل رتبت له ملابسه وهي بعدها ما تعرف انه مزوج اليوم قبل ما تطلع الدوام قالت بحط له هديه في سيارته عشان وهو رايح المطار يذكرني المهم هو عنده سيارتين سياره شبابية وهي ما تطلع فيها ابدا وسياره ثانيه إذ بتطلع وياه يسوقها فقالت إذ كان بروحه وهى مو معاه أكيد بيسير في السيارة الأولى تقول خذت مفاتيحها وفتحتها ما تعرف ليش اليوم بالذات ليش حبت تفتش سيارته مع انه مو عادتها وبالصدفه لقت عقد ذهب على بالها هو بعد حاب يفاجئها قبل ما يسافر مثل ماهي بسوي وشوي ولقت عقد زواج كانت تكلمنا وهي منهاره تقول اقرا الاسم وارجع اقراه مو مصدقه عيوني معقوله هو يسوي جيه يعني سفره شهر عسل مو شغل تقول انزين كيف عرفها أصلا هو عمره ما بات برا البيت ولا لاحظت شئ عليه ما لاحظت انه متغير واللي مستغربه منه أصلا هو ما يكلم بنات ولا مره صادته طلع مزوج من شهر وهي ما تعرف .
الحين هي طالبه الطلاق تقول لو صارحها كان بيكون أهون عليها شو رأيكم انتو؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صنوبر]

دامه ما تغيرعليها خليها تبقى عنده
خليها تتشبت بزوجها مو كل من تزوج على حرمته
تم العروس عنده خليها تجلس فبيتها وتصبر
اما تروح بيت اهلها ترا هي اخسرانة الريال معرس وبيرتاح عند الجديدة
الحرمة بدون رجل مب زين دامه ما يكلم حريم ومصلي ورجل طيب تبقى عنده احسن لها
والا راح تندم
هاي نصيحتي لها
من حقها تزعل ويراضيها وتطلب اشيا عادي اما انها تكبر السالفة طلاق ما طلاق
او يطلق الثانية هاشي حرام دامنها مب متضررة
والرجل معاملته زينة
ولا تسمع كلام الحرييييييييييييييييييم اطلقي اطلقي منه ترا الحريم خرااااااااااابات بيوت الا من رحم الله

[حزينة وايد]

الرياييل كلهم مالهم أمان كلنا مرينا فهاي التجربة المرة لاكن العيال يكسرون الخاطر والظهر بعد

[ظبيانيه ستايل]

دامه ما تغيرعليها خليها تبقى عنده
خليها تتشبت بزوجها مو كل من تزوج على حرمته
تم العروس عنده خليها تجلس فبيتها وتصبر
اما تروح بيت اهلها ترا هي اخسرانة الريال معرس وبيرتاح عند الجديدة
الحرمة بدون رجل مب زين دامه ما يكلم حريم ومصلي ورجل طيب تبقى عنده احسن لها
والا راح تندم
هاي نصيحتي لها
من حقها تزعل ويراضيها وتطلب اشيا عادي اما انها تكبر السالفة طلاق ما طلاق
او يطلق الثانية هاشي حرام دامنها مب متضررة
والرجل معاملته زينة
ولا تسمع كلام الحرييييييييييييييييييم اطلقي اطلقي منه ترا الحريم خرااااااااااابات بيوت الا من رحم الله

صح لسانج هذا الصح لاتخرب بيتها الله يصبرها ويرده لها بالسلامه

[Um_sss]

الله يعينها ويصبرها.. مندامه خش عنها يعني هو كان يقدر مشاعرها ومابغى يجرحها هم الرياييل جيه إذا ما كانت تهمه كان بيعطيها كاش فالويه خل تصبر وتحتسب أجرها عند الله مايضيع

[مالتيزرس]

انزين ليش شو الأسباب اللي دفعته يعرس عليها . عجيب أمره . بشو قصرت عليه االله هداه .

[ميسون@]

الأخوات اللي ردو مشكورات
مالتيرزس مو مقصره معاه ولا بشي هذا اللي إحنا نشوفه و بعد دخلنا اهله ليش انهم بعد ماكانو يعرفون بزواجه تفاجأو مثلنا
سألوه اهله فشوه قصرت عليك قال ولا بشي ولا اقدر اتبلى عليها واقول مقصره وهي مو مقصره علي بشي بس الشرع حلل اربع ومو لازم تقصر علي عشان أخذ غيرها بعد ها الرد الحين أهلها اللي يبونه يطلقها

[احلى بعفويتي]

هي الله حللها الخلع بعد .. أذا ما بينهم عيال .. خله تادبه
رياييل اخر زمن لا يعرفون شي من الدين غير حلل اربع .. حلول بطنك ان شالله ..

[طيف الغربة]

للاسف الزمان هذا صار الزواج بهالطريقة (زواج السر )

موضه لبعض الرجال تلقين ربعه كلهم عارفين ومباركين والزوجه اخر من يعلم

اي نعم الشرع حلل اربع بس يجي ويخبرها ويقدم اسبابه مش هكذا يجلطون الحرمه وياغافلين لكم الله

ما انصحك تاخدين كلامي لاني بصراحه افقد صوابي بموضوع الزواج في السر

الي يدوم كم وقت غالبا وينتهي بطلاق

اغلب الزواجات السريه تنتهي بطلاق اما الاولى او الثانيه وهذا مش كلامي هذا الواقع الي اشوفه قدامي

الي رجال يجي ويتكلم مش هو شرع وما ماخدين منه الا التعدد !!

انزين يستوي رجال ويتكلم قدام خلق الله يبي ثانية مش هكذا استغفر الله مثل الي مسوي جريمه

اسمحيلي وايد اتعب من مجرد التفكير بالامر ما اقول غير ربي يصبرها وان شاء الله البنات يفيدوها

[مالتيزرس]

الله يهديه . نفس رد واحد عدنا حرمته هب مقصرة معاه بشي ويوم تقوله ليش بتعرس يقولها الشررع حلل أربع .
ماقول غير الله يصبرها ع المصيبة اللي حلت ع راسها . ماحد بيحس فيها غير اللي مر بشرات تجربتها . الله يعينها والله مقدرة موقفها وزعلها .

[ليندااااا]

الرياييل كلهم مالهم أمان كلنا مرينا فهاي التجربة المرة لاكن العيال يكسرون الخاطر والظهر بعد

[عاشقة السعادة]

ماله داعي تفكر بالطلاق وإلي صار لها كان قضاء وقدر يا ترضا او تتركه بس حرام بعدها صغيرة واذا تحبه خلها تتمسك فيه، الله يعينها اصلا الرييل ما يعجبهم عجب بصراحة......

[مهرووووووه]

شو السببب اللي خلاه يعرس؟؟؟...

الله يصلح شانهم ويهديهم!! صدق صدمه

[ليتك تفهمني]

الله يصبرها يااارب
مالها الا تصبر

[:: DUBAI ::]

مره سمعت الدكتورة فوزية الدريع تقول .. دام خاش عنج زواجه بالثانيه و مب مقصر وياج بشي لا تكشفين الموضوع خليه خاش عنج لانه انتي بتمين الاصل و هي الفرع بس دام كشفتيه خلاص بيقول عرفت و بيتمادى بيسير لـ هاييج و ما بيهمه شي لانه حرمته الاولى خلاص تعرف و الخبر بينتشر و كل حد بيعرف ..

بس أنا ما الومها في نفس الوقت .. بس لو تصرفت بطريقة ثانيه احسن ..